الموضوع: التقسيط المباشر مع عبد اللطيف الجميل

المشاركة الأصلية كتبت بواسطة eng_hatemfathy

جزاك الله خيرا على حرصك وتجنبك للحرام
من خلال بحثى انا ونقابة العاملين بشركتى والتى وصلت للدكتور نصر فريد واصل رئيس هيئة الرقابة الشرعية على بنك فيصل ومن خلال ادخال الدكتور على السالوس فى المسألة وصلنا لعدم وجود اى بنك يحقق التقسيط الشرعى بكل ضوابطه الا بنك فيصل فرع مدينة نصر فقط وهذا حينها "لا اعلم هل لا يزال يحافظ على تطبيق الوابط ام لا " وكان الهدف المراد تحقيقه فى العقد ما يلى :
1- امتلاك البنك للسيارة ملكية كاملة بما فيها الحيازة قبل اتمام عمليه البيع مع الاستغناء عن شرط (تعهد بالشراء) او استبداله بالوعد بالشراء الذى اباحه البعض للفارق القانونى والشرعى بين التعهد والوعد
2- عدم النص على اى غرامة لتأخير الاقساط واستبدالها باى ضمانة للبنك كالرهن او افسخ التعاقد عند التأخر فى الدفع
3-تثبيت السعر فى العقد وعدم تغييره مع المدة او تحديدة بنسبة
4- ان يكون التأمين تأمين تكافلى شرعى
5-عدم احتفاظ البنك بملكية السيارو بعد البيع واستبدالها بحظر البيع طوال فترة السداد

هذا ما أذكره واعتقد ان معرض دايهاتسو فى شارع النصر بالمعادى يقوم بتقسيط مباشر مع العملاء دون وساطة بنك -لا اعلم هل هذا عبد اللطيف جميل او غيره
ان استطعتى ان تحضرى نسخة من العقد يمكننا مراجعتها والوقوف على شرعية المسألة باذن الله
والله الموفق

م حاتم شكرا جزيلا على ردك و اهتمامك ..أنا طبعا مش متعمقه بس من خلال بحثى الفتره السابقة حاولت اخد بالى من النقط اللى حضرتك اتكلمت فيها .. مبدئيا هو نفس المعرض اللى حضرتك بتقصدة اظن لأنه المعرض ده قريت عنة فى الموقع هنا و هو اللى وصلنى للشركة اللى بتكلم عنها لأن صاحبها وكيل دايهاتسو و فورد فى مصر .. العقد طرف اول الشركة و تانى المشترى و ممكن ضامن او اتنين حسب المقدم و الوظيفه و كده بس مفيش سيرة بنوك فيه خالص ..
مفيش غرامة تأخير فيه مهلة 14 يوم او يتم سحب السيارة مقابل باقى الاقساط ..و السعر النهائى مذكور فى العقد ..التأمين قاللى مع البيت المصرى السعودى مش عارفه ايه دة و لا اعرف عنه حاجة بس انا مقدمى 70% قاللى التأمين اختيارى و قلتلة مش عايزة قال مفيش مشكله .. بس هو مذكور فى العقد مش عارفه ساعتها بيلغية بقى ولا ايه .. طبعا فية حظر بيع و شيكات بنكية بالمبلغ المتبقى بس الرخصة بأسمى أنا .. كمان هرفق العقد يبقى جزاك الله خير لو حد بصيلنا علية

المشاركة الأصلية كتبت بواسطة Eng_hatemfathy

تمام كده حضرتك وبيت التأمين المصري السعودى مجاز من الدكتور على السالوس ده فى حالة احتياحك للتأمين وربنا يوفقك ان شاء الله
بس لو العربية مش متوفره عنده اطلبى منه ان التسليم يكون عنده يعنى تاخديها منه مش من معرض تانى والورق كله يكون طالع من عنده يعنى البيع منه هوا مباشرة

يا رب امين شكرا جزيلا .. تمام هتأكدمن النقطه دى ان شاء الله وقت الاستلام .. لاكن كدة ان شاء الله على حد علمك مفيش شبهه مش كده ؟.. انا بحاول ارفع العقد من بدرى بس مفيش فايدة مش هو ايكون الـ attachment ده؟؟ كل شوية نفس الرساله بتاعت الصيانه ..

المشاركة الأصلية كتبت بواسطة habyomar

يا رب امين شكرا جزيلا .. تمام هتأكدمن النقطه دى ان شاء الله وقت الاستلام .. لاكن كدة ان شاء الله على حد علمك مفيش شبهه مش كده ؟.. انا بحاول ارفع العقد من بدرى بس مفيش فايدة مش هو ايكون الـ attachment ده؟؟ كل شوية نفس الرساله بتاعت الصيانه ..

اكتبى فى جوجل مركز رفع صور
وارفعى الصورة عليه وهاتى رابط المنتديات هنا فى رد

تقريبا المرفقات فيها مشكلة فى المنتدى

..
وسؤالى لو عند حضرتك علم
انا عاوز سيراتو ومعايا 70 الف

بس المشكلة مش شغال فى شركة او معايا سجل تجارى

ينفع ولا لآ ؟

المشاركة الأصلية كتبت بواسطة afrikano

اكتبى فى جوجل مركز رفع صور
وارفعى الصورة عليه وهاتى رابط المنتديات هنا فى رد

تقريبا المرفقات فيها مشكلة فى المنتدى

..
وسؤالى لو عند حضرتك علم
انا عاوز سيراتو ومعايا 70 الف

بس المشكلة مش شغال فى شركة او معايا سجل تجارى

ينفع ولا لآ ؟

شكرا جزيلا على الرد .. أنا فعلا رفعته زى ما حضرتك قلت و ده الرابط


عقد سيارة

بصراحة انا معرفش ايه المتبع فى ظروف حضرتك بس اظن ممكن ضامن او اتنين هما بيأمنو نفسهم و بينزلو استعلام .. و لو عايز اديلك رقم اللى متابع معايا من فرع اسكندريه مفيش مشكلة او ممكن حضرتك تكلمهم و تسأل عن التفاصيل ..
أحدث عروض و خدمات التقسيط - المباشر

المشاركة الأصلية كتبت بواسطة eng_hatemfathy

هو تمام بس حضرتك كنتى كاتبه نسبة فايدة فى احد الردود فهل دى حضرتك بتحسبيها علشان تعرفى الفرق بين سعر الكاش والقسط اد ايه ولا بتتكتب فى العقد
اتمنى متكونش بتتكتب فى العقد واللى بيتكتب الاجمالى وعدد الاقساط وقيمة القسك بس
لانها لو اتكتبت اصبح فى فرصه لتغيير السعر بتغيير المدة ودخلنا فى ربا النسيئة

بص حضرتك هى تقريبا نسبة مش مركبه زى البنوك بس انا مش متأكدة .. و النسبه دى بيحسب بيها سعر العربيه النهائى كامل بعد عدد شهور القسط علشان يكتبلك اجمالى السعر فى العقد و بيكتب دفعت كام مبلغ مقدم و باقى كام على كام شهر بقسط كام شهرى .. و الله اعلم بقى اظن ان كدة مفيش ربا و لا ايه

المشاركة الأصلية كتبت بواسطة eng_hatemfathy

لو على اد الحساب بس علشان الواحد يبقى عارف الفرق بين الكاش والقسط كام مفيش مشكلة لان اى فرق مهو نسبة سواء بسيطة او مركبة -المهم التعاقد يكون زى مقلت لحضرتك وبالتوفيق ان شاء الله

شكرا جزيلا جزاكم الله كل خير .. انا رفعت العقد لو تحب تطلع علية و تفيدنا اكتر اكون شاكرة