الموضوع: تكتكة لما بدوس فرامل في منزل جامد !!

ازيكم يا شباب وكل سنة وانتم طيبين ، وان شاء الله تبقى سنة جميلة علينا كلنا

عربيتي ماروتي 2013 زيرو .. وعاملة 6100 كيلو تقريبا :)

امبارح كنت نازل من باركينج كارفور المعادي .. وكان زحمة جدااا .. وعند منزل البارك اللي فوق .. الدنيا متكربسة جدااا والعربيات سنة تقف وسنة تمشي .. المنزل للي مايعرفهوش تقيل ونازل جامد ...

وانا نازل عليه والطريق واقف وممور العربية وبحط رجلي على الفرامل .. بسمع صوت "تك - تك تك"
اشيل رجلي ... مافيش حاجة اجي احط رجلي تاني .. اسمع نفس الصوت

المهم جيت ادوس عليها تاني في نفس الوقت بشويش جداااااا .. ماسمعتش الصوت خالص !!!

في الطريق العادي مع الجري والفرامل جامد او على بشويش .. مافيش اي حاجة والدنيا مظبوطة الحمدلله

هل انا كده محتاج اغير تيل ولا ايه ؟؟
ولو محتاج .. اجيبة منين ؟؟ وهل له نوع معين ؟؟
وعند مين اركبه ؟؟

وشكرا ليكم جميعااااااااااااااااا

المشاركة الأصلية كتبت بواسطة dr.hazem

ياغالي التكتكه دي من السست وهي تزييق اكتر منه تكتكه ودي عاديه مفهاش حاجه
هو التيل لحق يحصله حاجه!!
دنا غيرت التيل على 45 الف وكان فيه نصه!!

تحياتي

ههههههههههههههههههههههههه ههههههه
معلش يا دوك .. اصل انا تعليم مجاني :)


شكرااا