الموضوع: بقية القصة والمشاكل الجديدة .. أرجو النصيحة

السلام عليكم ورحمة الله وبركاته
كنت عملت موضوع عن مشكلتين في العربية خلال الشهر الماضي
ملخصه ان الدوارة بتغيب وان انوار السيارة بتضعف لما اجيب الدريكسيون يمين او شمال

الجديد

فجأة لقيت لمبة البطارية نورت
مفيش باور نهائي
مفيش كلاكسات
مفيش انوار
المساحات والزجاج بيشتغل ببطئ
لمبة الاير باج نورت
بالاضافة الى لمبة التشيك انجن

اللمبات ده كلها لما نورت مخلتنيش اخد بالي من عداد الحرارة
دخلت في زحمة
لقية العربية ملهاش اي سحب تماما

وفجأة

جلدة تحت الكابوت انفجرت وسربت كل ماء الريداتير
في نص الطريق

جبت ميكانيكي من المنطقة اللي وقفت فيها
وفهم المشكلة وقالي ان الكهرباء فصلت والمراوح فصلت كمان
وسير الدينامو كان مقطوع بالطول مقسوم من النص

طلب مني اروح اشتري الجلدة بتاعت شجرة الريداتير ، ليها ثلاث مخارج
وسير الدينامو

ركبهم بعد ما شحن البطارية
ومشيت بالعربية


وفجأة

دخلت في زحمة تاني
حسيت ان المشكلة حترجع تاني
الحرارة عليت جدا
وقفت واستنيت شوية

حطيت زجاجتين ماء في الريداتير وكانت لسه فاضية
معرفتش اجيب مية منين

اخدتها طيارة على البيت وركنتها


اعمل ايه واروح لميكانيكي ولا كهربائي ولا لمين