شكرا على الافادة . يا جماعة الراجل يشكر انه فتح الموضوع و بحث فية شكرا جزيلا لكن المصيبة الاكبر فى التوكيل اللى بيصلح ومش بيبحث و مش بيعمل اى ملاحظات او حتى تحزيرات للشركة الام فولكس ان فى مشكلة بالعربيات اصلا .
شكرا على الافادة . يا جماعة الراجل يشكر انه فتح الموضوع و بحث فية شكرا جزيلا لكن المصيبة الاكبر فى التوكيل اللى بيصلح ومش بيبحث و مش بيعمل اى ملاحظات او حتى تحزيرات للشركة الام فولكس ان فى مشكلة بالعربيات اصلا .
طارق بك لو رجعت للرسم التوضيحي حتلاقي ان سطحين المعدن الخاصين بالصمام وجسم البادي فالف مش زي بعض .. الصمام معالج ومغطي وبالتالي مش حيتاثر بالزيت انما السنفرة اللي قصدتها حتكون لسطح جسم البادي فالف غير المعالج (الخشن اصلا) وغير المصقول وممكن ده يتسبب في تنعيمه مع الوقت وخفض الاحتكاك وليس زيادته بالاصافة الي ان اي زيت معدني تقدر تتحكم في خواصه بكل سهولة عن طريق الاضافات
اما بالنسبة للمسافة الفاصلة مش حتتاثر كتير في العادة لان التاكل حيكون للاجزاء الخشنة البارزة
وعلي كل حال الكلام ده مجرد تصور نظري مفيش دليل قاطع علي انه حينجح فعلا
تحياتي
السادة الأفاضل الزملاء والاصدقاء الاعزاء
السلام عليكم ورحمة الله وبركاته
اسمحولي اوضح موقفي شوية
انا اتعلمت وعشت فترة في ألمانيا واخدت من هناك درجتين دكتوراه من جامعتين المانيتين
وبحكم العشرة فهمت لحد كبير طريقة التفكير والعقلية الالمانية ومنكرش اني تاثرت بيها
الموضوع باختصار وبكل امانة اني فعلا معنديش اي سبب يخليني ابعتلهم حقيقة .. ومش مقتنع ان ده دوري أو مسؤليتي .. وحتي بالنسبة لحماية الاخرين من الضرر .. طبعا مش انا اللي صممت العربية ولا انا اللي بعتها ولا انا اللي قلتلهم يشتروها .. ولكن دوري الحقيقي واللي احاسب عليه اذا كان عندي معلومة انشرها بامانة لتعم الفائدة علي الجميع وان كان الموضوع يستلزم التحذير اني اقوم بده واعتقد اني مقصرتش في اي شئ فيما يخص مسئوليتي الاخلاقية ونقلت المعلومة فعلا (ده أولا)
ثانيا تفتكرو (بامانة وصدق مع النفس) مجموعة كبيرة زي فولكس واجن عندها مركز ابحاث بيصرف مئات الملايين من اليورو كل سنة علي التطوير حيعتمدو علي جواب مبعوت من واحد في مصر بغض النظر عن هو مين؟؟ تفتكر؟؟ دا اصلا اجرائيا مينفعش لانه لو حصل يبقي ده معناه انهم ميعرفوش العيب ده ((((وطبعا انا اشك بشدة في الحكاية دي ))))) وساعتها مدير قطاع الابحاث والتطوير يتقدم باستقالته واروح انا اقعد مكانه.
ثالثا ((((وده مجرد راي شخصي لكني مقتنع بيه))) ومكنتش عايز اقوله اعتقد ان فولكس عندهم المعلومة واعتقد انهم عندهم خطة ليها لكن الحكاية ان دي شركة هادفة للربح وقصة زي دي لازم تتعالج بصورة اقتصادية من ناحية ومن ناحية تانية من غير اي تاثير عيل سمعة الشركة
رابعا الزبون برة مبسوط جدا جدا ومش متضايق وحاطط في بطنه بطيخة صيفي لان معاه ضمان حقيقي لمدة 10 سنوات وفي اي وقت تحصل مشكلة حيروح يرميلهم العربية في وشهم وحتتصلح ببلاش
المشكلة الحقيقية عندنا احنا في ظل الضمان الضعيف لمدة سنتين فقط اللي محصلش ضمان العربيات الصيني اللي ضمانها 5 سنوات
ارجو ان اكون قد اوضحت موقفي والا تكون تعليقاتي السابقة فهمت علي غير معناها الحقيقي
تقبلو خالص تحياتي
طيب ماهو برضو فى مشكلة فى سيارت الاوكتافيا 1600 سى سى فتيس 6 سرعات برضو الفتيس مش بيعيش ؟؟؟؟
استحالة يكونوا عارفين المشكله ومش بيحلوها عشان التكلفه ؟؟ دا الاستدعائات والتصليحات دى بتكلفهم اكيد اكتر من انهم يحلوا المشكله ؟؟ اكيد في سبب تانى .
ياجماعه انتم مستغربين ليه
الشركات ديه برضه بتمشي بنظريه حبل عشان الخروف و ،،،،،
عادي وبعدين عشان يخلي فيه حافز للمستهلكين انهم يشتروا الموديلات الجديده
يعني شوفوا بقالوا كام سنه مثبت الموتور وبيلعب بس تقريبا في الفتيس
نفس نظريه شركات المحمول
لو نزلت موبايل مفيش بعده ايه اللي يخليك تشتري اللي حينزل بعديه
ده انا في note2 بعد معملت التحديث الاخير البطاريه بقت زباله والجعاز بقه ابطئ ومكنش قبل كده فيه مشكله
لازم يضطرك انك تحدث المعده نفسها
تحياتي
تسلم ايدك علي الموضوع و علي البحث المضني ده
و تفسيرك مفهوم و منطقي الي حد كبير و يتناسب تمام مع المشكله اللي بتحصل للفتيس
الحاجه اللي محيراني بقي
هل شركه فولكس بكل امكانتياتها دي معرفتش توصل لاس المشكله زي ما حضرتك وصلك و من مجرد ابحاث بس و هما اللي الفتيس كله تحت ايديهم و ممكن يفصفصوه حته حته و ده طبعا مش تقليل من شان حضرتك
و هل لو الشركه عارفه و وصلت لنفس استنتاجك تكلفه تعديل الفتيس و تغييره للناس اكتر من الخسائر بتاعت الاستدعاءات و الخساره الاكبر اللي بتمس سمعه الشركه نفسها
خصوصا و اني اعتقد ان التعديل مش هيكون مكلف للدرجه دي
و حتي مع مد فتره الضمان بره هو معرض برده لتحمل تكلفه فتيس كل حين و اخر و ده مش حاجه بيسكه برضه
و اخيرا هو اي نعم انت مش عليك اي الزام تجاه الشركه او حتي الناس بس انك تبعت للشركه و تقول لهم استنتاجك مش هياخد منك حاجه و مش هتفرق معاك قوي
و طالما انت مهتم بالموضوع مش بعيد يردوا عليك و يوضحوا حاجه كانت غايبه عنك تغير مجري تفكيرك و استناجك بالمره
و يا سيدي اعمل الخير و ارميه البحر
+1111
شكرا خالص علي الافادة الكبيرة دي
كنت عاوز اعرف انا عربيتي a4 اوتو 2005 ماشية 110 الف كيلو وغيرت زيت الفتيس والفلتر والجوان من حوالي شهر كدة ولما فكينا المصفحة بتاعت الزيت شفت المغناطيس كان علية رواسب لزقة فية المهم غسلناها بالبنزين وسبناها تنشف وصفيني الفتيس علي الاخر تقريبا 5 كيلو اخد زيت
هل الفتيس بتاع الa4ممكن تحصل فية عملية تقشير الصمامات ؟واحطلها بعد كدة الزيت المعدني دة ولا هايبوظها؟وشكرا
تحليل منطقى
مشكلة لا يمكن تفاديها ،،،،، الله يطمنك ،،، نجري نبيع يعني ولا ايه
وهل فيه حلول ولا ﻷ ؟ حتى لو للتاخير فقط
والصيانة هتفيدني بنسبة اد ايه
وانا عربيتي a5 2007 احطلها زيت نوعه ايه علما بان الصيانة شغالة وفي ميعادها