فتيس حضرتك حاجة تانيه اهم حاجة غير زيت الفتيس بالأصلي كل ٦٠ الا ك
طيب استاذ mo7a_mo7a
ايه رأى حضرتك فى الكلام ان لو الفتيس ده تم التعامل معاه زى المانيوال ممكن يعيش عادى جدا؟
يعنى قول ما تقف فى زحمة تجيب n و متحملش على ال d و فرامل
ممكن فى الزحمه تستعمل النقلات المانيوال علشان ميفضلش طالع نازل بين النقلات؟
متنساش حضرتك ان شركة كبيرة زي دي لا يمكن تعترف بمشكلة تصميمية زي دي بسهولة (((سمعة يا باشا))) بالاضافة انه اايهما ارخص؟؟
اعدل واغير كل ((خلي بالك من كل دي)) نسخ وحدات الميكاترونكس اللي انا بعتها ... ولا اغير اللي يبوظ بس؟؟؟
دا حتي من ناحية اللوجستكس ميقدروش يعملوها حتي لو ببلاش ..
عربية حضرتك مفيهاش فتيس dsg لكن لازم تهتم بغيار الزيت (((قبل ميعاده))) وطبعا الصيانة الدورية
وربنا يسترها معاك ومعانا
عربية حضرتك مفيهاش فتيس dsg
بالنسبة لنوع الزيت انا شخصيا بفضل موبيل او شل لكن راجع المواصفة مع الكتالوج واوعي تحط زيت مختلف عن المواصفة اللي عندك
وحاول تهتم بغيار الزيت (((قبل ميعاده))) وطبعا الصيانة الدورية
تحياتي للجميع
اكيد ده حياخر المشاكل ويطول من عمر الفتيس
وفي مداخلات عديدة لي في المنتدي نصحت بالحكاية دي لعربيات vag وغيرها
لان زي ما العمر الافتراضي للكاوتش مثلا بيتقاس بالالف كيلو .. العمر الافتراضي للفتيس بيتقاس بعدد النقلات
وده سبب ان المانيوال بيعيش اطول من الاوتو
لان لو افترضنا انك في شارع زحمة وطوله 500 متر ومعاك عربية مانيوال حتجيب الاول وتفضل تطلع وتقف تطلع وتقف وحيكون الهلك علي اسطوانة الدبرياج
اما لو العربة اوتو حتجيب اول تاني مور... اول تاني مور... اول تاني مور... اول تاني مور...
بالتالي تلاقي المانيوال نقل مثلا 10 مرات في الشارع ده والاوتو نقل 200 - 300 مرة يعني استهلاك اكبر للفتيس والزيت كمان
تحياتي
حابب أشكر حضرتك فى الأول على استنتاجك و تحليلك الرائع
و بعد أذنك حابب أعرض أخر أستنتاج وصلتله مجموعة فولكس عن مشكلة الفتيس:
Conductive deposits, caused by sulphur in the gear oil and an inorganic thermal stabiliser in one of the plastic components, can cause a short circuit in the mechatronic unit of the gearbox. This can cause the clutches to open and the gear disengages.
تفسيرهم بعد تحليل الزيت المحترق الغامق و بعد ما لقوا فيه مكون السلفر بيقول ان بيحصل ترسب لمكون السلفر فى زيت الجيربوكس ناتج من تفاعل الزيت التخليقى مع جزء بلاستيك حرارى فى الجيربوكس ...وجود السلفر بيعمل قفله " short circuit " فى وحدة الميكاترونيكس.
و علشان كده نصحوا الناس يحطوا زيت معدنى مش تخليقى علشان يوقف هذا التفاعل و يمنع هذه القفلة من الحدوث
ده من اخر الاستنتاجات اللى توصلولها
حبيت اشارك حضرتك لإثراء الموضوع....و شكرا مرة أخرى
مهو الفكره ان السمعه في النازل و زي الزفت بالفعل
كمان هما خلاص مش محتاجين يعترفوا باي حاجه لان كل شيئ انكشفن و بان ههههه
و انا مش قصدي يغيروا كل الفتيسات اللي نزلت
انا قصدي يعملوا التعديل ده في الموديلات الجديده و يغيروا الكود و يقولوا ان ده جديد و بتاع زي ما هو حاصل دلوقتي
و يا سلام لو تم تجربته في كام عربيه قبل ما يعملوا كده
في حاجه مش فاهمها
ازاي يتحط زيت معدني في فتيس dry?
مش فاهم ؟؟ هو بيتغيرلوا زيت ؟؟
اولا احب اشكر اهتمام معاليك واضافة حضرتك القيمة
واسمحلي اوضح شئ بسيط
العيب ده كان ظهر في عدة سيارات لكن ملوش علاقة باللي بنعاني منه
العيب ده كان بيحصل ان اثناء السير العربية تمور فجا او تبطل
نتيجة ان وحدة الكنترول بتاعة الفتيس بتعمل ريستارت فجا او بتخرج من الخدمة فجاة بسبب القفلة
ودي بكرر تاني حالات قليلة ويمكن علاجها ومش كتير زي التلف الكامل لوحدة الميكاترونكس اللي بنعاني منها
وانا بتكلم عن زيت الفتيس سيادتك
موبيل وشل بتنتج يت مخصوص للفتيس معدني وتخليقي ةعدة مواصقات من كل منهما
مش شرط تحط الزيت بتاع العربية علي فكرة
طبعا كلامي ده غريب علي البعض بس هس دي الحقيقة
مش مهم ماركة الزيت المهم المواصفة الفنية
تحياتي
السمعة في النازل هنا بس
سكودا واخدة جوائز مهولة السنة اللي فاتت في اوروبا
موضوع الضمان مظبط الدنيا برة
تغيير الفتيس او تعديله سياسة شركة
والموضوع معقد معتقدش حيعملوه قبل 2015
وبعدين الرهان بتاع vag علي الفتيس dsg مبقاش اختيار بقي حتمي
لان لو بصيت حواليك حتلاقي كل المنافسين شغالين دوال كلتش و فيهم 8 او 9 غيارات لو اتخلوا عنه حيخرجوا من المنافسة
تحياتي
اي نعم
علشان الهيدرولكس والتبريد