الموضوع: 505 موديل 1980 بنزين - كلها مشاكل :( :( :(

المشاركة الأصلية كتبت بواسطة eleanor

الموتور والفتيس ممكن يعمل فى حدود 12000 الايام دى

- يا الله ...... 12 الف جنيه ؟! يعني البيجو ماتورها اغلي من المرسيدس الزلامكة :(
- انا العمرة حتكلفني حوالي 5-6 الاف بالكتير لو احتاجت العربية عمرة
- موضوع البنزين .... انا عملت الي اتقالي و كمان غيرت ل 92 و بردوا لسا في تصقيفة ... انا خايف منها خالص لان ناس كتير قالتلي ان الصقفة دي تقلل من عمر الماتور ... ايه العمل فيها ؟!
- شكرااا جدااا علي الرد السريع ^^

المشاركة الأصلية كتبت بواسطة ahmed amin

مواتير البيجو ال ٥٠٤ وال ٥٠٥ فعلاً أغلي من مواتير عربيات جديدة حتي.
والعمرة ممكن متجيبش نتيجة كويسة وتبوظ لك الموتور لو عملتها عند واحد كفتجي,, أو لو حرقت علي العربية من غير قصد في فترة التليين.

موضوع البنزين والتسقيف متشغلش بالك بيهم, حط ٨٠ بس وغير أبلاتين وكوندنسر أول بأول دي أكتر حاجة كانت بتزهق خصوصاً أنهم مش بيبقو دايماً كويسين لأن كل اللي في السوق صيني,
الحل الأحسن أتك تعمل موبينة إلكتروني وفيه منها بيتباع معمول بتاع تويوتا ودي كنت عملتها عندي في ال ٥٠٥ وكانت ممتازة
هتريحك من الوش دا كله وهتحسن معاك الأداء والتصقيف هيقل بنسبة كبيرة
ومتسمعش لكلام الناس التصقيف مش هيبوظ الموتور, بس لما يبدأ يصقف خف رجلك مع علي دواسة البنزين ودوس تاني براحة, ومش هيكون عندك إي مشاكل, كل البيجو القديم بيصقف عند مرحلة معينة.
لكن متقرصش عليها وهيا بتسقف.

-جاري التنفيذ :d
هي الموبينه التويوتا دي تتباع فين و عامل كام كدا علشان ميضحكش عليا في السعر بس ^^

المشاركة الأصلية كتبت بواسطة eleanor

انت بس اسال على الموبينه الالكترونى وهتلاقيها سوداء وصغيره غير اللى عندك
ياما تركب الشريحه بالاسبراتير بتاع الطياره بس هايبقى غالى شويه ممكن يعمل من 400 ل 600 جنيه بس بيخلى العربيه طلقه ومش بيحتاج ابلتين ولا كوندنسر هاتغير بوجيهات كل 6 شهور لو بوجيهات نضيفه وممكن اكتر

- تمام انا حدور عليها و اركبها علي طول ^^
- حتي لو 400-600 مش حتفرق كتير طالما سحب العربية وا ستهلاكها حيكون محكوم كويس و افضل من العادة ^_^

-----> الواحد اتعلم كتير جداا في البيجو في فترة قصيرة جدا جدا جدا :D
الميكانيكي بيستغرب انا جايب الكلام ده من فين :D :D

المشاركة الأصلية كتبت بواسطة Ahmed Amin

فعلاً هيا عربية مدرسة,,
أنا ركبت ال 505 ل 11 سنة ودول اللي أتعلمت فيهم حاجات كتير جداً في الميكانيكا والكهرباء والعفشة,
ركبت بعدها لانسر 3 سنين معرفتش فيهم أي حاجة جديدة,
عربية بيتحط لها بنزين وزيت كل معاد تغيرة وبس,, كان ما شاء الله عليها كانت خليجي ومشافتش وش التوكيل أصلاً.
وبعدها بدأنا نتعلم تاني من البيجو الجديد.

- فعلا العربية البيجو مدرسة .... ^_^
الواحد كان نفسه يغير لجديد بس المشكلة ان الاسعار نااار اليومين دول نااار يشكل غير عادي

المشاركة الأصلية كتبت بواسطة ahmed amin

فعلاً هيا عربية مدرسة,,
أنا ركبت ال 505 ل 11 سنة ودول اللي أتعلمت فيهم حاجات كتير جداً في الميكانيكا والكهرباء والعفشة,
ركبت بعدها لانسر 3 سنين معرفتش فيهم أي حاجة جديدة,
عربية بيتحط لها بنزين وزيت كل معاد تغيرة وبس,, كان ما شاء الله عليها كانت خليجي ومشافتش وش التوكيل أصلاً.
وبعدها بدأنا نتعلم تاني من البيجو الجديد.

- صحيح انا كان عندي سوال ... ايه افضل نوع زيت لل 505 موديل 1980 ؟!
انا بستخدم موبيل ايسو 1000 كيلو ... لان لقيته مكتوب في البانر الي متعلق جنب الماتور الصراحة :d
هو كويس ولا في افضل منه مع العلم انا مش بتاع سفر و كل مشاويري داخل المدينة