العربيات الجديدة كلها مشاكل

**samehafez** · 14-05-2008 05:13 PM

فيه موضوع مهم جدا عاوزين نتكلم فيه و خصوصا لما نيجي نتكلم عن تقييم اي عربية
**********كل العربيات فيها عيوب او من المحتمل يكون فيها

المشكلة ان كل ما حد يتكلم عن عربية يقولك فيها عيب كذا و كذا .......ده طبيعي
القصة مش في العيوب القصة في التوكيل
اي عربية في العالم بتنزل و معاها ضمان ليه !؟!؟!؟!؟
عشان الشركة متوقعة ان يحصل فيها مشاكل صناعة يعني البورش ... عربية جامدة و بالتاكيد اسم و و و حاجات كتير و بتنزل و معاها ضمان يعني متوقعين ان ممكن يكون فيها عيب صناعة .
المشكلة في التوكيلات عندنا مش بتهتم
انا عندي راي لو كل مجموعة عندهم نوع من العربيات شافو ايه المشاكل اللي في النوع ده و تعتبر مشاكل شائعة يتحركوا مع بعض و يكلموا التوكيل كل المشاكل هتتحل

**Mzeid** · 14-05-2008 07:29 PM

أنا عايز أقول لحضرتك يا أستاذ سامح إن في بعض التوكيلات في الخارج - لا أعلم كلها أم معظمها - لما يحصل عيب في العربية بيتم إستبدالها بأخرى مجاناَ ..
:):)

**samehafez** · 14-05-2008 09:35 PM

ايوة يا باشا انا قصدي ان مفيش عربية و حشة عموما و عربية حلوة عموما ...
كل و احد بيختار العربية اللي تناسب احتياجاته عائلية رياضية رخيصة فخمة مش عشان فيه نوع احسن من نوع ...
انا معنديش مانع اركب صيني بس لو التوكيل بتاعها محترم و بيتعامل مع الناس كويس .......................بس للاسف كل التوكيلات في مصر بتتعامل بعقلية واحدة كل اللي انا عاوزة الناس هي اللي تضعط علي التوكيلات
احنا معندناش اجهزة لحماية المستهلك يبقي منعدش نعيط ..... طيب مااحنا المستهلكين نقف مع بعض و نطالب بحقوقنا
يعني مثلا ناس كتبرة بتشتكي ان عداد rpm في الافيو بيعلي لوحده و سالوا في التوكيل قالولهم ان المشكلة دي في كل الافيو ( انا معايا افيو كوري و مش موجود عندي المشكلة دي و مااظنش ان الافيو الكوري فيها المشكلة دي ) يبقي ده عيب صناعة خلاص كل اللي عندهم المشكلة دي يروحوا للتوكيل في يوم واحد و يخلوا التوكيل يشوف حل و يقول كلام مقنع ( قالهم مالهاش حل و هيبعتو لشيفورلية بره )

**TAG_Turbo0** · 14-05-2008 10:39 PM

انا عندى رأى بسيط أوى
كل ما كماليات السيارة تكتر وتزيد التكنولوجيا فيها
بتكون فى فرصة أكبر لظهور مشاكل
وكل الشركات المحترمة لما بيظهر أى عيب فى سيارات منتجه بتسحبها من السوق ولو بعد 5 سنين وتصلحها ببلاش