اشترى ذيت فتيس ايه سيراتو 2010

**Deshahcoka** · 09-01-2014 04:41 PM

المشاركة الأصلية كتبت بواسطة احمد المصرى

الفلتر بيتغير يا شباب كل 80 الف انت متاكد انك مغيرتوش

طيب ايه الفرق ال انت لاحظته بين ذيت توتال وذذيت شيل

توتال افضل اذى

مبيتغيرش يا باشا في التوكيل عشا انا ماشي مع التوكيل من اول الف كيلوا ووصلت 95 اهوا و معملوش في الفتيس الهوا غير غيروا الزيوت ال 4 لتر مش الفلتر

الفكرة انا لما لقيت الرينوا بتغير لتوتال و انوا شيل سمعته بدأت يقولوا مضروب قلتله هاتي زيوت توتال بدل شيل للموتوتر و الفتيس و كله بنفس السعر بس اختلاف النوع

و مفيش فررق كله زيت ياباشا :)

المشاركة الأصلية كتبت بواسطة ahmed_su

شوف يا باشا طالما هتغير الفلتر يبقى الافضل تغير الزيت بالكامل

وهتتغسل كارتيرة الزيت و الطبة لاتهم بيكونوا لامين رايش

و فيه انواع كتيرة من الزيت لنفس المواصفة

ممكن تشتريه من اى فرع من فروع غبور او الرواس بتاع ميتسوبيشى

و كمان فيه ليكوى مولى التوب تك 1200 اللتر تقريبا ب 75 جنيه

liqui moly - motor oils, additives, car care - products - top tec atf 1200

و فالفولين maxlife™ atf اللتر بحوالى 85 جنيه

maxlife atf - automatic transmission oils - valvoline

و اللى انت فهمته صح فك الكارتيرة هيفضى حوالى 3 كيلو ونص تقريبا و لازم خطوة فك الخرطوم اللى داخل للردياتير و تدوير العربية

لخروج الزيت بالكامل وده اللى بتوصى بيه شركة كيا فى دليل خدمة العربية

كنت كاتب مشاركة لنفس الموضوع بالصور هحاول اشوففها و اجيبهالك

الله ينور عليك

بس عاوز اعرف ليه الدوخة ديه ؟ يعني هل فعلا العربيات ديه محتاج يتغيرلها زيت بالكامل ولا ده في حلالات الضرورة القصوي يعني مش الاستخدام العادي ؟

**ahmed_su** · 09-01-2014 06:41 PM

الفكرة كلها ان روح الفتيس هو الزيت و مع الوقت و ظروف التشغيل الغير قياسية

الزيت بيفقد خواصه و بالتالى بيحصل ضعف فى اداء مهمته ....

و اللى صنعه بيوصى بكده فبدل مالفتيس يجرى له حاجة و ساعتها هنغنى ظلموه .ز

مافيش مانع كل 80 الف كم تغير فلتر و زيت بالكامل و مين عارف قبل ال 80 الف التانية

يكون ربنا كرمك بعربية تانية افضل.

**احمد المصرى** · 10-01-2014 11:34 AM

استاذ احمد

شكرا لنقاشك المحترم والمفيد جدا جزاك الله كل خير وجعله فى ميزان حسناتك

بس معلش هتقل عليك فى الكلام شويه وكله استفاده

انبارح كنت بتناقش مع مهندس زميلى فقالى انت لما بتفك الكرتيره المفروض ان الزيت كله بينزل لان الفتيس راسى فقلتله على موضوع انى لاز افك الخرطوم قالى طيب الذيت ال المفروض ينزل من الخرطوم دا بيكون موجود فين وليه مش بينزل من الكارتيره عادى انا شخصيا معرفتش اجاوب عليه لقله خبرتى

هل حضرتك تعرف لما اشيل الخرطوم الذيت ال هينزل دا بيكون موجود فين اساسا وليه فعلا مش بينزل من الكارتيره

ثانيا :- انا بفكر مجرد تفكير انى اغير لزيت موبيل 320 علشان ارخص هيتكلف حوالى 350 او 400 جنيه مع ان اى نوع اخر هيتكلف حوالى 800 جنيه تقريبا وانا ناوى اغيره على 40 الف بالفلتر كنوع من الحرص كدا ماشى ولا برضوا انا كدا غلط

**ahmed_su** · 10-01-2014 08:49 PM

الفتيس = مجموعة التروس و التورك كونفرتور و البادى فالف فيهم كمية زيت لا تقل عن 3 لتر

كمان الزيت ليه دورة تبريد مستقلة مبرد الزيت داخل فى الردياتير

مواسير التبريد دائما بها كمية من الزيت تقريبا فوق التصف لتر

و الكارتير به ال 3 لتر الباقين - عشان كده لازم تدور العربية لمدة دقيقة

علشان الزيت ياخد دورته فى اجزاء الفتيس ودورة تبريده و يخرج من المجموعة دى

تعليمات الصاتع اوصت بنوعية معينة من الزيت مش اعتباطا و لا محاولة للتميز

ولكنها ضرورة فنية - استخدامك للزيت الاخر مش هيقول لاء بس اكيد مش هتحصل

الاستفادة القصوى فى نقل القدرة والعزم بالاضافة للتأثير على الكلاتشات الداخلية

و البودى فالف اللى اكيد كفأتهم وعمر تشغيلهم هينخفض - و الغلطة بفورة

و تغير الفلتر مرة كل 80 الف كم مسافة مش قليلة و كل 40 الف

اكتفى بتفريغ الكارتير فقط ... و الاختيار ليك فى الاخر

**احمد المصرى** · 13-01-2014 08:33 AM

الحمد لله تم تغيير ذيت الفتيس وعمل صيانه كامله للعربيه وفعلا انا فكيت الخرطوم ال داخل للردياتير ذى ما اوصت شركه كيا والله اعلم بس مفيش نقطه زيت نزلت من الخرطوم المفكوك والحمد لله ان الفتيس متحرقش وفكيت الكرتيره والفلتر واخدد 3.5 لتر كان نفسى اقدم حاجه للاعضاء ولكن بكل اسف كان ممكن الفتيس عندى يبوظ والحمد لله ان ربنا ستر

اخر كلام عملى وليس نظرى

تغيير الذيت بالفلتر بياخد 3.5 كيلو فقط لا غير وفى انتظار طريقه بس تكون متجربه فعلا مش نظريا لتغيير كامل الذيت

وان شاء الله هعمل موضوع كامل بالصور عن الصيانه والاسعار