ازاي أخرج فلوسي برة مصر؟

**mohamed_selim** · 06-01-2014 08:21 PM

ده اللى حصل .... ممكن يكون hsbc قافل التحويل بس بنك مصر شغال

**Mighty G** · 06-01-2014 08:28 PM

المشاركة الأصلية كتبت بواسطة mohamed_selim

ده اللى حصل .... ممكن يكون hsbc قافل التحويل بس بنك مصر شغال

تمام. عداك العيب.

هخلي الوالد يسأل في hsbc وربنا يسهل.

شكرا مرة ثانية

**firstknight_eg** · 06-01-2014 09:21 PM

لو حسابك ادفانس في hsbc اسحب بالكارت من ماكينات hsbc عندك مصاريف السحب في المرة 20 جنيه وليك 8000 في اليوم تقريبا

**ahmedwagdy03** · 06-01-2014 09:43 PM

المشاركة الأصلية كتبت بواسطة mighty g

لو سمحتوا يا شباب:

أنا عايش في الخارج مهاجر يعني وعندي فلوس بالجنيه المصري في بنك hsbc.

كان زمان قبل الثورة ممكن تحويل الفلوس دي online لأن عندي حساب هنا في hsbc بردو.

الكلام دة وقف خلاص وأنا محتاج فلوسي دي بأسرع وقت.

المبلغ كبير وبالتالي western union أو moneygram اختيارات مش واقعية.

يا ترى حد عنده معلومات ازاي أعمل كدة عن طريق hsbc أو حتى أي بنك أو عن طريق دولة وسيطة؟

شكراً

إنت شكلك فى أمريكا

إزاى ما تعرفش إن فيه ناس عندكم بتشتغل فى الموضوع ده .خد عندك

فيه مصريين أصحاب شركات فى أمريكا و عندهم بيزنس و فى نفس الوقت فاتحين مشاريع و ليهم إستثمارات فى مصر و بيشتغلوا فى موضوع تحويل اموال المصريين يعنى لو عايز تنزل مصر مبلغ كبير مثلا ياخده منك فى أمريكا و فى نفس اليوم حد من أهلك يروح لمندوبه فى مصر - اللى بيكون صاحب شركة طبعا - و تاخد فلوسك بعد خصم عمولته . و العكس ممكن ياخد منك الفلوس من مصر و يديلك فى أمريكا بعد أخذ العمولة طبعا .

طبعا الناس دى بتحول من و إلى مصر بمءات الآلاف تحت ستار نشاطه التجارى لذلك مفيش عليهم مشاكل

حاول تسأل عندك لإن واحد قريبى كان بيشترى شقة و فلوسه فى أمريكا و عمل كدة

**أحمد كمال** · 06-01-2014 10:27 PM

من حقك تسحب ما يعادل 70 الف جنيه شهريا من الكارت بتاع hsbc ..... العمولة هتكون 8 جنيه على كل عملية سحب + 2% و ده ارخص كتير من انك تشتري دولار في مصر سوق سوداء

**Mighty G** · 06-01-2014 10:40 PM

المشاركة الأصلية كتبت بواسطة أحمد كمال

من حقك تسحب ما يعادل 70 الف جنيه شهريا من الكارت بتاع hsbc ..... العمولة هتكون 8 جنيه على كل عملية سحب + 2% و ده ارخص كتير من انك تشتري دولار في مصر سوق سوداء

شكرا لحضرتك.

ياترى الكلام دة مكتوب في elwebsite أو ما شابه؟

أنا محتاج أتأكد لإني حالياً كارت ال-ATM expired وكمان مش معايا الدنجل إلي بيطلع elpasscode

هحاول أشوف إذا كان والدي ممكن يعمل حاجة من مصر.

شكراً مرة ثانية

**Mighty G** · 06-01-2014 11:13 PM

المشاركة الأصلية كتبت بواسطة mr.3w2

مش بقلك انك مش عارف حتي تكدب
شهادات ايه اللي عايزه تتحول اون لاين يا حج ههههههههههههههههههههههههه ه
الاخ فضح نفسه اول مره اعرف ان في حاجة اسمها تحويل شهادات اون لاين ,طول عمري بشتغل علي الاتش اس بي سي اون لاين وعمري ما قبلتني حكاية تحويل الشهادات اون لاين دي ههههههههههههههه
الحاجة الوحيدة اللي موجود فيها شهادات هي ارقام شهاداتك وبمبلغ كام ومتقدرش تعمل فيها حاجة لا اون لاين ولا حتي بالتلفون , لازم تروح تلغيها بنفسك .
شوفت بقي انك راجل ربعاوي اصيل هههههههههههههههههه

الشهادات والدي اللي عاملهالي في الفرع ومعاه توكيل عام يفكها أو يعمل غيرها.

طبعاً بالإضافة أيل توكيل البنك نفسه.

أنا ماقلتش اني هحاول شهادات. مش حضرتك بس اللي خبير إستراتيجي.

**Mighty G** · 06-01-2014 11:18 PM

**Mighty G** · 06-01-2014 11:30 PM

المشاركة الأصلية كتبت بواسطة mr.3w2

معلش انا مش بقتنع بالبرنت اسكرين لانك عارف شغل الفوتوشوب اليومين دول

بس حفترض انك كلامك صح وخلينا معاك يعم

اولا انا طول عمري شغال مع الاتش اس بي سي من قبل الثورة لغاية الان , قبل الثورة كنت عادي ودلوقت ادفانس ومفيش مره قالي ممنوع تحويل ,حفترض معاك ان البرنت اسكرين صحيح وانهم فعلا رفضوا اكيد المبلغ كان عالي اوي ,لان فعلا كان التحويلات ليها لمت معين فى بعض الاوقات بس موقفتش معايا نهائي وجايز كمان لاني شغلي علي طول اون لاين فمعلوش كدا معايا ,ووقفوا التحويل بتاعك لانك مش كل شويه بتعمل تحويل .

تاني حاجة بخصوص تحويل الفلوس اون لاين دلوقت , انت بتقول الفلوس شهادات امال عايز تحول ايه لما هي الفلوس شهادات ؟؟؟
وبعدين انت عرفت منين ان التحويل اون لاين من شغال ؟؟؟
في انتظار ردك مع العلم اني اقدر اساعدك لو فعلا محتاج مساعدة

حضرتك مصمم تجادل من غير داعي بس أنا هريحك.

أولاً أنا كنت Premier كمان في وقت من الاوقات.

وحاول قبل كدة أكثر من مرة.

ساعة ما بعت الايميل دة كان المبلغ حوالي 10 أو 12 ألف دولار بس.

حاليا الفلوس شهدات...لو ينفع هفكهة وأحولها. لو مش هينفع هسيبهم يجيب فوايد.

عرف إن التحويل مش شغال لم بدخل من ال-Global View وبشوف كل حساباتي وبحول أحاول بيطلعللي error.

مش عارف أعمل إيه عشان الناس تصدق انني مش فاضي ومش بتاع تفاهات وإشاعات.

لو تقدر تساعد أهل وسهلا. لو لأ يبقى اعذرني مش هستمر في مجادلة معك مالهاش داعي.

شكرا