السلام عليكم ورحمه الله وبركاته

العربية لسه جايبها سيفك 93 وفيها شوية شغل وعاوز اعرف تكلفته
هي بلية في السرة اللي ورا وانا هغير السرة مرة واحد فعاوز اعرف كام لان البلية ب 175 فعاوز اعرف السرة بكام ؟
هل فيه جريد الازاز بتاع الابواب اللي هو بتاع الازاز عشان الجرايد كلها متبهدلة جامد
هل فيه جريد للبربيز الادماني واللي ورا بيتباع جديد او مستعمل وبكام ؟
المرايات اللي عندي كهربا وسايبة والكهربا بتاعتها مش شغالة فهل بتتصلح ولا اجيب جوز جديد وبكام ؟
العربية بتغيب الصبح حوالي 3 دقايق عمال ما تدور يعني مش من اول مرة بعد تلات او اربع مرات تدور فده من ايه
ساعات بعد ما بركن العربية اخر اليوم وانا ببطلها بتعمل زي رجه كده ؟ بردوا مش عارف من ايه ؟
هو سعر التابلوه بتاعها كام ؟
والعدادات لوحدها كام ؟
والعداد اللي بيقيس الكيلوات مش شغال لما باجي اسفره عشان احسب استهلاك البنزين مش بيصفر
حاسس ان استهلاك البنزين عالي فاعمل ايه ولا ده طبيعي ؟

العربية بتحدف يمين رحت لعفشجي انهاردة عشان ازبطها رفعها وبص عليها وقالي العفشة مفيش فيها حاجة الحمد لله قلت له علي الحدفة دي قالي عشان انت مركب كاوتش سرعات فهل ده مظبوط ؟علما بان الجنط 15
العربية لما باجي افتح الكابوت بتكون سخنة اوي مع ان الامبير بتاع الحراة مش بيزيد عن نصف المؤشر فده من ايه

اخر سؤال انا جبت سير الكاتينة ولما ملقتش سير الدينمو وباققي السيور بتاعها الناس قالو لي اي سير يركب هل الكلام ده صح ولا لازم اجيب سيورها من المحلات اللي بتبيع حاجة الهوندا
والف شكر لكل واحد ساعدني هنا وهيساعدني لغاية لما افهم كل حاجة في الهوندا