انا عندي سؤال يا جماعه عن شوية حاجات فالعربيه

**aymoonoo** · 10-03-2009 12:45 AM

ممكن اسال يا جماعه على شوية حاجات انا متاكد انها فغاية الأهميه بس انا مش بهتم بيها اولا الميه لردياتير هيا المفروض تتعبا كل قد ايه ؟ ولا هيا لازم انا اشيك عليها كل يوم او يومين ولما تكون ناقصيه ازودها
ثانيا الزيت هوا لازم كل قد ايه اغيرو ؟انا مغيرتوش من فتره وطبعا مش عارف مشيت كام من الوقت ده لدلوقتي!!
وبعدين هوا فلتر الزيت بيغيرهولي مع الزيت ولا لازم انا اطلب منهم انهم يغيرو ؟؟وبرضو سؤال على فلتر البنزين في وقت معين او كيلو مترات معينه المفروض الواحد يغير الفلتر بعدها ولا ايه ؟وبرضو عايز اسال على زيت الفرامل انا غيرتو مع العربيه اول مجبتها من 7 شهور وهوا ايه فايدت الزيت بتاع الفرامل لو كان جديد ولا قديم ؟
وبرضو سؤال على البوجيها انا بقالهم عندي 7 شهور هما دول على اس اساس بيتغيرو الكيلومترات ولا الوقت ولا ايه بالزبط؟؟

وشكرا ليكو جميعا

**ahmad alshaaer** · 10-03-2009 12:58 AM

اخي العزيز انت موضوع الميه ده يعني بص عليها كل يوم الصبح وطبعا لو ناقصه لازم تكون العربيه بارده جداا قبل ماتدور تزود الميه ولو كانت العربيه سخنه بالمعدل الطبيعي يبقى تزود وهي دايره
والزيت طبعا غيروا مع الفلتر لان دي اول تغييره وانت ماتعرفش اللي قبلك غيروا اخر مره امتى
والبوجيهات خلىي الميكانيكي يبص عليها الاول وفلتر البنزين طبعا غيروا وهو مش غالي هتلاقيه ب 12 جنيه اعتقد
وبالنسبه للزيت طبعا بتغيروا حسب نوعه ودي اسال فيها اللي هيحطللك الزيت ولو عربيه زيرو خليك في شيل هيليكس او توتال 9000 ودول بيتغيروا كل 10000 كلم او كل 6 شهور ايهما اقرب
اما زيت الفرامل مش عارف
وربنا معاك

**aymoonoo** · 10-03-2009 01:15 AM

شكرا واللهي بس انا عربيتي مش زيرو موديل 93 سوفت وانا ثالث مالك ليها وانا الزيت الي جبتو اخر مره هوا موبايل اظن مش متالكد بس شريتو ب50 جنيه باين او ممكن 30 مش فاكر واللهي

**aymoonoo** · 10-03-2009 01:47 AM

برضو عندي حاجه تانيه اسال عليها زيت الفيتيس حسب مسمعت انه في حاجه اسمها زيت الفيتيس هوا الزيت ده يعتبر نفس زيت العربيه ولا زيت لوحده؟ وده بيتغير فين وايمته ؟ وعند مين ؟ واجيب نوعه ايه ؟هوا ممكن الواحد يحطو زي زيت العربيه ؟

**aYaBooY** · 10-03-2009 12:11 PM

البوجيهات حسب نوعها بتتغير مع الكيلو متر فيه انواع كل 10000 و 15000 و 25000 و ممكن يكون فيه حاجات تانية و انا معرفش
المياه المفروض تشيك عليها كل يوم او يومين الصبح و تزودها و يفضل استخدام مياه خضراء او زرقاء علشان نسبة الاملاح العالية في المياه العادية
و كل فترة المفروض (سنة مثلا) تروح لحد ينظف دورة المياه و يزود مياه ملونة
الزيت حسب نوعة و لزوجته بيتغير مع الكيلومتر و الي بيبيع الزيت يقولك ده بيعد اد ايه و كل كام يوم تشوف مقاس الزيت علشان لو قل تحتاج تزود
فلتر الزيت كل 10000 كيلومتر
فلتر البنزين كل 15000 او كل 25000 حسب نوعة او لما الميكانيكي يقول لو شاف انه مسدود
زيت الفتيس بيتزود كل فترة مع تغير الزيت اطلب من الصنايعي يشوفة و لو محتاج زوده

**aymoonoo** · 10-03-2009 10:33 PM

يعني هوا ويت الفيتيس بيتزود من نفس الزيت العادي بتاع العربيه

وانتو فين يا جماعه اهل الخبره انا عايز اسمع من الناس كلها والف شكر لناس الي ردت

**Jato.33** · 10-03-2009 10:43 PM

بص يا أستاذ أيمن
ممكن حضرتك تراجع مشاركات المنتدى في القسم التعليمي وده من الأول للأخر حتى لو أخد منك أسبوع ولا حتي شهر هتلاقي أجوبة على كل أسئلتك وحاول لو لاقيت معلومة تفيدك تحفظها على جهازك في ملف وورد أو أي شكل تحبه
بصراحة ومن غير زعل
أسئلتك كلها صعبة شوية بتدي إنطباع إنك جدبد أوي في موضوع العربية ده
كلنا كنا كده الأول محدش بيتولد فاهم بس عشان نريح نفسنا وكمان نحاول نتجنب تجاهل الناس لأسئلتنا
أنا عن نفسي قرأت كل موضوع إتكتب في أقسام الكماليات والتعديل وده لأني محتاجهم ومهتم بيهم وبحبهم عشان كده قرأتهم كلهم موضوع موضوع ورد رد
وبعدين لما فهمت الدنيا وعرفت حاجات كتير بدأت أسأل في إلي مش عارفه
لو عملت كده هتلاقي رد على كل أسألتك وهتفهم ليه ناس كتير مش بترد عليك

**aYaBooY** · 11-03-2009 03:27 PM

انا اسف على التاخير في الاجابة معلش يا مان
زيت الفتيس غير زيت الموتور بيتزود بطريقة الحقن يعني لازم عند حد بتاع زيت ويكون عنده بير
زيت الفتيس زيت تقيل قوي يشبه العسل بس اتقل منه اسمه زيت فلفرين

**aymoonoo** · 11-03-2009 07:35 PM

المشاركة الأصلية كتبت بواسطة Jato.33

بص يا أستاذ أيمن
ممكن حضرتك تراجع مشاركات المنتدى في القسم التعليمي وده من الأول للأخر حتى لو أخد منك أسبوع ولا حتي شهر هتلاقي أجوبة على كل أسئلتك وحاول لو لاقيت معلومة تفيدك تحفظها على جهازك في ملف وورد أو أي شكل تحبه
بصراحة ومن غير زعل
أسئلتك كلها صعبة شوية بتدي إنطباع إنك جدبد أوي في موضوع العربية ده
كلنا كنا كده الأول محدش بيتولد فاهم بس عشان نريح نفسنا وكمان نحاول نتجنب تجاهل الناس لأسئلتنا
أنا عن نفسي قرأت كل موضوع إتكتب في أقسام الكماليات والتعديل وده لأني محتاجهم ومهتم بيهم وبحبهم عشان كده قرأتهم كلهم موضوع موضوع ورد رد
وبعدين لما فهمت الدنيا وعرفت حاجات كتير بدأت أسأل في إلي مش عارفه
لو عملت كده هتلاقي رد على كل أسألتك وهتفهم ليه ناس كتير مش بترد عليك

ليه هوا مين الي قلك انا مش جديد فالعربيات وبعدين انا مش عارف انه موجود فالتعليمي وبعدين مفيهاش حاجه لما الواحد يسال وانتا مع كل احترامي مش عايز ترد او تشوف الموضوع متشوفوش وبالنسبه لتجاهل الموضوع الواحد بيخش عارف حاجه بخصوص الموضوع بيرد مش عارف مش بيرد ولا انا عايزه يرد يكون احسن

عشان الواحد لو مسالش مش هيتعلم وانا لو مش واثق انه الناس الي هنا عندها اجوبت اسالتي مكنتش سالت وشكرا تاني للردود ولا يهمكو عالتاخير