مساعدة فى تسعير سيارة نسيلن صنى موديل 2008

**lordlato** · 07-01-2014 08:02 AM

السلام عليكم يا شباب

قدامى عربية معروضة للبيع فى شركة بنظام الأظرف المغلقة

العربية نوعها نيسان صنى موديل 2008 لونها دهبى EX Saloon ماشية 53100 كم فقط

العربية كانت استخدام احد المديرين بالشركة و صيانتها بالتوكيل و دواخلها فبريكة على كلام الموظف المختص بقبول العروض

العربية بها خدوش على الأكصدامين و بعض الخبطات الخفيفة فى اماكن مختلفة مثل الأكصدام الخلفى و الجانب الأيسر و عتب الجانب الأيمن...انا معايا صور للعربية بس المشكله ما بعرفش ارفع صور على الموقع هنا

فياريت لو حد يقدر يفيدنى سعرها فى حدود كام كأقصى سعر لأن نظام الأظرف المغلقة ما ينفعش تزود فيه السعر لو فى حد مقدم سعر أعلى منك

و لكم جزيل الشكر

**ibrahimsaad** · 07-01-2014 08:07 AM

اعتقد تعمل من 70 -75 الف

**lordlato** · 07-01-2014 08:18 AM

متشكر جدا على ردك بس هل السعر ده أقصى سعر ليها فى السوق ؟ العربية تعتبر فى حكم كسر الزيرو لأن عدادها 53000 كم فقط...و سؤال تانى معلش هو الموديل ده رينج السعر بتاعه كام فى السوق ؟

**egy_alone** · 07-01-2014 09:29 AM

هي العربيه مانويل ام اوتوماتيك؟

**ibrahimsaad** · 07-01-2014 11:50 AM

المشاركة الأصلية كتبت بواسطة lordlato

متشكر جدا على ردك بس هل السعر ده أقصى سعر ليها فى السوق ؟ العربية تعتبر فى حكم كسر الزيرو لأن عدادها 53000 كم فقط...و سؤال تانى معلش هو الموديل ده رينج السعر بتاعه كام فى السوق ؟

هى لو اوتوماتيك ممكن تعمل 80 الف

لان واحد صاحبى جايب اتوماتيك 2010 ب 90 الف

**lordlato** · 07-01-2014 11:56 AM

العربية أوتوماتيك...أعتقد ال EX Saloon فول اوبشن بس مافيش فتحة سقف و الكلام ده و الأزاز الفاميه و لا كلامى غلط ؟ ده غير ان صيانتها فى التوكيل و عدادها قليل لأن كانت استخدام مدير و شكله كان ماشيه بسيط و أكيد هادى بس هو مخربشها و مخبطها و كمان مافيهاش جنوط....رايكم تعمل كام فى السوق