طلب مساعدة فى تسعير سيارة 128

**hfekry** · 13-05-2009 11:38 PM

قدامى سيارة 128 موديل 1988 , السيارة حالتها ممتازة
رشة الخارج فقط والدواخل فابريكة
صالون ممتاز
4 جنوط أسبور
كاسيت تاتش
زجاج أمامى كهرباء , انذار وسنتر
الموتور بجالة جيدة
السعر النهائى المطلوب : 20 الف جنيه
ايه رأيكم يا جماعة . أرجو المشورة

**Terrible_DaRsH** · 13-05-2009 11:41 PM

السعر ممتاز على الامكانيات دى . فتش على البارومة و نزل الف جنيه بس و توكل على الله ..

**yaskhl** · 14-05-2009 05:25 AM

لاحول الله عاوز اعرف ازاى السعر ممتاز. والله انا بايع شاهين 1996 فابريكة دواخل بالكامل ورشة بره مره واحدة من غير معجون كمان وكل حاجة فيها ممتازة سنتر وانذار وريموت وزجاج كهربا وجنوط سبور بـ 28750 جنيه .وقعدت شهر على بال مابعتها. مع ان مافيش مقارنة بينها وبين 128 وكمان فرق الموديل. يبقى ازاى ؟؟؟؟؟؟
مع الاحترام للجميع عزيزى سعر العربية دى لايزيد عن 15000 جنيه نهائيا فى ظل الظروف الحاليه والا بلاش تشترى.

**fepsceasar** · 15-05-2009 08:41 PM

احنا خلاص عايزين ناخد عربيات الناس ببلاش السعر كويس اتوكل على الله

**ezzatfox** · 17-05-2009 11:52 AM

اتأكد الاول ان العربية مفيهاش بارومة و من حالة الصالون و الموتور و الكهرباء .لو العربية طلعت مفيهاش غلطة .. و فى ظل الاسعار الحالية .. سعرها يتراوح بين 17500 الى 18500

**Hacker5** · 19-05-2009 12:06 PM

حضرتك ماتسمعش كلام حد اللى يقولك انتا تقدر تجيب 128 بـ 12 الف و بتاع دة كلام فارغ
اة ممكن تجيب عربية 128 بالتمن دة فعلا بس هاتبقى زاى الزفت و هلكانة و مهما عملت فيها مش هاترجع زاى الاول
فا انتا هات من الاخر و شوفلك عربية نضيفة عشان متتعبش معاها بعدين و تكوف واقفة على حيلها
128 الحالات النضيفة بتبدى من 20 الف لحد 24 الف (دة انتا لو عايز عربية متجبلكش وجع دماغ)و برضو لازم تكشف على العربية خصوصا الشاسية و البارومة و سوق انتا العربية و خلى ودنك مع صوت طالع منها و بص على صالون العربية شوفه مبهدل ولا متجدد و و نضيف عشان دة بيبين ان صاحب العربية محافظ عليها
و خد بالك هاتلاقى 128 اسعارها غربية بـ 10 الف و 11 الف
و دى حضرتك بتبقى عربيات كانت تاكسى و اتحولت ملاكى و طبعا عربيات ميتة و كفرانة
نصيحة من واحد اتقرص كذا مرة متبصش للسعر بص للحالة
اما عن سعر السيارة لو فعلا حالتها زاى ما نتا بتقول يبقى توكل الله على و روح اكشف عليها و اشتريها
و مبروك مقدما