الكتلوك مبيقلش حاجه عن التكيف..التحزير من الامريكانى و السرعه لغايه الار بى ام يبقى على الاحمر كمان بيقولوا انه ده بيقلل فى عمر الماتور مع العمر الطويل ... بس احنا بنحب ناخد احتياطنا اكتر
عرض للطباعة
ألف مبروك على الشارك و ربنا يبارك لسيادتك فيها
ممكن تقول لنا اشتريتها من اي معرض و ايه تقييمك لهذا المعرض ؟ شكرا
الله يبارك فيك استاذ واسيم
انا جبتها من معرض موسي بالمحله الكبرى وزى ما قولت قبل كدا تقيمي للمعرض انه اقل من الردىء لانهم اشتغلونى وارجع واقول انى سبب فى دا لانى مسالتش فى اكتر من مكان
اولا . سعر المعرض طلع اغلى من بره لانى لقيت حد اعرفه شارى نفس الفئه بسعر اقل منى بـ 4000 ج
ثانيا : المعرض موضحش ليا موضوع البصمه واهميتها الا بعد ما استلمت وطبعا رفض انه يغيرلى العربيه حتى قبل ما اخدها للبيت
ثالثا : لقيت خربوش صغير جدا جدا جدا على اوكره الباب اليمين وللاسف مشفتوش الا بعد الاستلام ودا يدل على عدم اهتمام المعرض
وعمومما الواحد مننا مش بيتعلم بالساهل
لذلك انا ناوى اعمل موضوع فيه خبلاصه تجربتى بعد ما اشتريتها يمكن بيه اساعد حد يكون ناوى يشترى زيرو لاول مره
مش عاوزك تزعل نفسك موضوع فرق السعر ده موجود من مكان لاخر وممكن تلاقي معارض بتبيع اغلي من السعر بتاعك كمان لان كل معرض بيطلع هامش ربح خاص بيه
وموضوع خربوش الاكرة ده شئ بسيط جدا ومع الوقت هتلاقي خرابيش تانيه ومش هتعرف جت منين فمتركزش اوي مع الحاجات البسيطة عل فكرة الغطا زات نفسه ممكن يعمل خرابيش خفيفة
أنا ملاحظ إن معظم السيارات الشارك 2015 في الشوارع هي وكيل و ليست خليجي على أساس أن الخليجي الإشارات في الرفرف أما الوكيل فالإشارات في المرايات .. أرجو التصحيح لو انا مخطئ .. و أرجو الإفادة عن الأسباب لو فعلا الناس تفضل سيارات الوكيل . شكرا
كل 2015 الإشارات في المرايات
أشكر حضرتك على الرد .. بس أنا ذهبت بنفسي إلى سمير ريان علشان اتفرج على الشارك و اعرف الفئات الموجودة وجدت بناء على شرح البائع في المعرض الآتي:
1- السيارة بضمان الوكيل بها إشارات في المرايات و كماليات أقل و أغلى من الخليجي بحوالي 1500 جم
2- السيارة الخليجي إشاراتها في الرفارف و كمالياتها أكثر و طبعا سعرها أقل
هل معنى هذا ان البائع كان عاوز يبيع لي سيارة 2014 مثلا ؟؟؟ أرجو المساعدة لأني فعلا قلقان من إني اشتري سيارة موديل قديم
كمان أنا لم أرى في الشوارع السيارة الخليجي التي يتم تركيب حساس ركن في الخلف بالاقي الإكصدام الخلفى بدون الحساسات .
أنا فعلا متلخبط و محتاج المساعة . أشكركم جدا
أكيد العربية 2014 وعلشان تتأكد حتلاقي سنة الصنع ومعلومات أخرى مكتوبة على قائم الباب
روح اتفرج على العربيات عند سمير ريان، حتلاقي شارك خليجي وشرق أوسط وكماليات مختلفة