حد يعرف سعر الفئة التانية خليجي كام دلوقتي ومنين ؟
عرض للطباعة
حد يعرف سعر الفئة التانية خليجي كام دلوقتي ومنين ؟
انا عملت وصلة aux برة التوكيل ب ٥٠ جنيه
واشتريت زينون اوسرام فوج وواطي ب ١٤٥٠ جنيه الطقم
وبعمل حاليا فرش جلد وهجيب سينسور و ستاير كبس
ووحدة رفع .. وفيه حد بيفصل ستاير في الهرم لو حد عايز
وهركب السينسور ووحدة الرفع والزينون في التوكيل
حد يعرف بقي المصناعية كام في القصة دي
روحت لادريان الاول قالي مش هينفع في شارع المطبعة هرم
فا روحت لواحد بعده سألني اذا كان الكاسيت بيدعم ال aux ؟ فا قولتله بيدعم
فا فتح وطلع الكاسيت لقينا مكان لل aux بس لما وصل مشتغلش
فا كان هيقفل تاني فا نا قولتله امال ازاي في التوكيل كان هيركب الوصلة علي نفس الكاسيت ..
فا سألني ... متأكد ان التوكيل قالولك ان الكاسيت ده ينفع يركب عليه عشان هقشر السلك الداخل للكاسيت بتاع السماعات ..
قولتله قشر يا عم
فا اشتغل عادي جدا وخرج السلك من مكان ال aux
من فرحتي اديتو عشين جنيه
احسن من ال ١٢٠٠ جنيه بتوع التوكيل الحرامية ومش موجودة كمان
مبدئيا معلش احنا هنتعبك معانا ...اصلا حضرتك عربيتك الفئه الكام وموديل كام ...؟؟
لان الموضوع ده خـــطـــــــير جدا...مش اقصد خطير انه حاجه مش حلوه ...لا دي حاجه هتفرح الشعب الشركاوي كله بجد ...في ناس وانا اولهم نفسهم في الموضوع ده فعلا ...انا عربيتي موديل 2013 والكاسيت الي هو الرود فورد العادي سي دي 6 اسطوانات ( 1 فيدر) مش التاتش الي نازل في 2014 ده ..
يا ريت حضرتك تصورلنا الوصله عندك في عربيتك....وبقي شكلها ازاي ...لان عندنا الغطاء بتاعها مش معمول انه يقفل ويفتح زي العربيات الهاي لاين...وبالتالي شكله هيفرق ...؟؟
ثم يا ريت توضحلنا حضرتك هو فك الكاسيت ازاي اصلا ...وهل ده مش غلط او ممكن يسيب علامه في التابلوه او يجرح الكاسيت نفسه...؟؟
وهل حضرتك بتفهم في الوصلات كويس...يعني شفته بيعمل ايه وشايف ان الموضوع مش معقد ولا كان فيه شغل وحوار كبير لان لا قدر الله لو كده...ممكن يؤثر ع الكهرباء او يؤذي العربيه لا قدر الله ...ان شاء الله خير ويحفظلك العربيه طبعا ..بس انت فاهم الموضوع مقلق شويه ويا ريت حضرتك تلتمسلنا العذر ..يعني اصل من 1200 جنيه لوصله ب 50 جنيه ...
منتظر رد حضرتك بفارغ الصبر
يا باشا على فكرة انا عربيتي 2013 وهاي لاين والكاسيت تتش وروكفورد بالصب وفيه ايقونة للـaux والبلوتوث والأيبود وكله، بس برضه الغطاء ده متبرشم!!!
الظاهر كده ان في 2013 كان في usb ومفيش aux فقاموا السنة دي عكسوا الموضوع!!! انا الموضوع مش فارق معايا قوي بس حاجة تعصب انهم لما يزودوا حاجة ياخدوا قصادها حاجة على الاقل، وكأن الaux ابو عشرين جنيه كان هيتعبهم قوي!!!
هيا دي الحاجه اللي بتزعلني بجد..مش عارف ليه بيستخسروا فينا شويه كماليات هايفه جدا....بس الناس اللي متعرفش العربيه بتظلمها علشان الاسباب دي....
يعني عاملين عربيه جباره كموتور وتحمل واداء...وجايين علي الحاجات اللي بتشد المشتري وهي الكماليات ويقصروا فيها ...!!!
حاجه عجيبه فعلا ..بس يمكن الاستاذ يقدر يساعدنا ونعملها برضه ...اهو نحاول نظبط احنا برضه لان ممكن واكيد في مره هتحتاجها ...ربنا يسهل ونشوف هيقولنا ايه ...او ع الاقل يا ريت يرد ويقول مكان الراجل فين بالظبط ويقول اسم المحل او تليفون الراجل اي حاجه..؟؟
الموضوع مبدئيا مش معقد خالص وسهل جدا
ثانيا انا عربيتي هاي لاين ٢٠١٤ كاسيت تاتش
ثالثا فك وش التابلوه سهل للغاية والتوصيل انا بعد ما شوفته ممكن اقلده
رابعا انا عندي مكان اليو اس بي عليه بلستكه بتتفك عادي
مش هفتي في اللي معرفوش بالنسبة للكاسيت عندك غير عندي معرفش عندك ينفع ولا لا
مش عارف انزل صور عالمنتدي للاسف لو حضرتك تحب تشوف عالطبيعة ممكن تقابلني في الهرم وشارع المطبعة في الهرم في ناس بتفهم كتير كمان
ده الميل بتاعي لو سيادتك عايز تشوف صور
Meedo_356@hotmail.com
بالنسبة لشكل الوصله الفرق الفرق بينها وبين التوكيل ان مكان البلستكة دي بيبيقي في مدخل للوصلة بحيث تحط الوصلة او تشيلها زي مانت عايز
انما الوصلة اللي انا عاملها خارجة من الفاتحة دي وبتفضل ثابتة مبتتشالش وانا حاطط عليها البلستكة كده اي حاجة
ولو رايح التوكيل ممكن اسقط الوصلة جوه واقفل البلستكة ولا اكن في حاجة
الموضوع بسيط جدا مفهوش اختراع
بس اهم حاجة تتأكد ان الكاسيت بيدعم aux
متابع