الموضوع: ملاك لانسر شارك 2014 واهلا بالجميع

طب يا شاركوية الهاي لاين سؤال من فضلكم علشان انا ركبت سبويلر في التوكيل والمسامير اللي متركب بيه باينة من داخل الشنطة فكنت عاوز اعرف اذا كانت باينة كده في الهاي لاين ولا مش باينة ولو ظاهرة في الهايلاين هي فعلا مسامير مجلفنة يعني لونها فضي كده

الله يبارك فيك يا عمرو باشا وربنا مايقطعلكش نت ابدا ومايحرمناش منك ولا من خبرتك الغالية ويباركلك ويبارك للجميع وعلي فكرة يا جماعة اللي كان بيسال علي السبويلر هو موجود في التوكيل موجود منه التايواني هاي كوبي وهو ده اللي انا ركبته وعلي حسب كلام المهندس انهم بيركبوه بنفس طريقة تتركيب السبويلر الاصلي

السلام عليكم يا شاركاويه
انا كنت موجود معاكم هنا من فتره ..بس بصراحه التواصل هنا صعب جدا ..ورفع الصور وصعب فعلا ..وانا بقلب بالصدفه لقيت الجروب ده ع الفيس وفيه ناس مهندسين ميكانيكا وفاهمين في العربيه جدا ما شاء الله وناس معاها العربيه من 2008 كمان وعارفين اماكن صنايعيه واسعار وحاجات كتيره ما شاء الله والجروب فيه تقريبا 900 شخص ...يعني التفاعل هناك كبير جدا ومعلومات مالهاش حصر ما شاء الله ...عموما دي نصيحه بجد يا ريت تشتركوا في الجروب هو خاص بالقرش وبس ...وفيه ايفنتات وتخفيضات في التصليح وتخفيضات كمان في قطع الغيار والصنايعيه وكل ده هيتم تفعيله من اول ايفنت ان شاء الله اللي هيكون قريب جدا بعد الامتحانات
عموما ان شاء الله الاقيكوا هناك..والهدف من كلامي طبعا هو المصلحه العامه لاي قرش ...لان ف الاخر كلنا في مركب واحده او في بحر واحد هههه
MITSUBISHI LANCER EX OWENERS IN EGYPT

المشاركة الأصلية كتبت بواسطة Medo.hosam

الحمد الله
النهارده دفعت فلوس العربيه الجديده (الشارك) جبتها اول فئه خليجي بضمان الرواس لونها فيراني بس كنت عايز أستفيد من حضراتكوا بالنسبه للكاسيت كنت عايز أجيب حاجه فيها usb و لو شاشه تاتش تخش في كام و الزينون ايه انضف نوع و تنصحوني اركبوه في الفوجات ولا فوق .....

الزينون انضف نوع اسمه osram واهم حاجة تركب الفوج و الواطي
العالي مش مهم في نظري مش هتعرف تستخدمه في البلد
انا جبت فوج وواطي اوزرام والعالي هركب واحد صيني اي كلام كده
الزينون انا اشتريته من الموزع كان عليه عرض ب ١٤٥٠ جنيه

المشاركة الأصلية كتبت بواسطة mohamed_hegazy

استلمت الشارك فئه اولى وفيها اسبويلر متثبت بمسامير والمسامير ظاهرة فى الشنطه من الداخل وهى فضى مجلفنه ولا يعيبها غير التخربم فى الشنطه فى حاله اردت ان تلغى هذا الاسبويلر

الف مبروك وربنا يباركلك والاسبويلر بيظبط شكل العربية جامد ليه تشيله في المستقبل