السلام عليكم ورحمة الله
اخواني
معاي فيكترا سي 2003 محرك 1.6 مانيوال .. ماشية 104 الاف
من فترة غيرت البوجيهات وطلمبة بنزين "مازدا6" لاني مالقتش بتاعت اوبل وكان عندي عدة مشاكل متأمل انها تنحل بعد تغيير الطلبمة ونضفت بوابة البنزين
العربية وانا واقف يكون الـrpm على 800 دورة مثلا .. الاقيه بينزل ويرجع يطلع بشكل خفيف .. ادوس بنزين لحد ماجيب الـ1000 دورة او اكتر شوية وثبت رجلي الاقي الrpm برضو بينزل وبيطلع !
وبحس العربية تقيلة على 2000 دورة ومادون لكن بعدها مقبول سحبها
وفي حاجة .. احيانا بحرق على الجير الاول مثلا وجيب التاني وادوس بنزين للاخر احس العربية كتمت وكانها مش بتاخد بنزين لمدة ثانية وبعدها ترجع عادي .. وبحس ان العربية على الدوسة الخفيفة ممتازة لكن لما اجي ادوس للاخر بحس انها بتغب شوية يعني مافيش الحيل اللي تتوقعو .. باختصار العربية على الدوس الخفيف افضل من الدوس التقيل
المشكلة تانية : اول مابدور العربية الصبح بمشي فيها تقريب ال2 كم يطلعلي مفتاح الصيانة في شاشة الصغيرة الي تحت الـrpm وبتصير مكتومة جدا .. مع انها بتفتح rpm لل6000 دورة لكن بشكل بطيء ومتثاقل جدا .. ولما اجي ادوس بنزين تفضل ثانيتين حتى تاخد وترجع تمشي .. اطفيها .. اشيل المفتاح .. ادور وامشي وترجع زي الفل .. المشكلة دي على فترات متقطعة
المشكلة الاخيرة :
يطلع لي في الشاشة صغيرة اشارة تشبه رمز الضوء العالي "الازرق" وعليها سهمين فوق وتحت .. حسب مافهمت من الكتالوج انو الرمز دا بتاع الانوار اللي تلتف مع المقود وانا عربيتي مافيهاش الميزة دي .. لكن عيار النور مش مزبوط .. معقولة يكون هو السبب ؟
حساس المساحات الاوتوماتيكي بتاع المطر يشتغل منين .. مع اني مش متاكد من وجود .. والعربية كاملة توب لاين
ملاحظة :
المشاكل كلها قبل غيار الطلبمة وبعدها ماتغيرتش حاجة .. فرق بسيط بالعزم لايذكر
واسف جدا على الاطالة