الموضوع: احلا صور ممكن تشوفها للإلنترا 2014 فيس ليفت من المعرض + اسعارها في مصر من التوكيل

المشاركة الأصلية كتبت بواسطة Hosam_Optrawy

حسب اللى فهمته ان اعلى فئه فى الفيس ليفت هى اللى فيها جنوط وفتحة سقف و ABS و Airbag واحده وطبعا مفيش سنسور , لو فيها ليدات كمان تبقى تحفه طبعا

مش عندي معلومات لسه الفئات هيبقي فيها اوبشن ايه ..بس بالشكل دا هيبوظ سمعه العربيه وكمان اعتقد انه هدفه ينافس بالسعر لان الناس حابه شكل الالنترا الحالي ولما يتقال ان اعلي سعر للالنترا بقي 163000 الناس هتقولك الكوري رجعت يرخص تاني ويزود مبيعات ..انا اتصدمت وكنت فاكر ان الفولي لودد بقت ب 163 ..لكن طلعت هاي لاين وكمان زي ما حضرتك بتقولي بايرباج واحده بس !! يعني كمان قلل الاوبشن الموجوده في الفئه دي !! وازاي الليدات متنزلش ف اول فئه اصلا وهي فيس لفت !!! الناس دي بتعمل حاجات غريبه والله .

المشاركة الأصلية كتبت بواسطة hossam_elwani

ارخص ب 1000 جنيه !!!!!!


ياترى عملت ايه ياهبور فى جوهر العربيه


انت الكماليات عندك ايه بالتحديد والتطعيمات ايه فى الصالون ؟؟

اكيد هبور ميتوصاش في التقليب ...
انا معايا الفولي لودد ..ورغم كده مكنش فيها شاشه ديفيدي ولا جنط 17 وكمان مغير الكاسيت الاصلي بواحد مش بيقبل غير 999 اغنيه فقط !! وكمان مكنش فيها الزرار الي بيعلي النور ويوطيه ..كان لاعب في فئات كتير جدا .. بس انا حابب شكل الطابلوه في عربيتي احسن من الفيس لفت وكمان شكل الفتيس اشيك
اتفضل دا تقرير كنت عامله للعربيه فيها كل الاوبشن بالصور
http://www.nilemotors.net/Nile/38027...ly-loaded.html

المشاركة الأصلية كتبت بواسطة برنس الليالي

شكل ايه يا باشا اللي حيبوظ سمعة العربية ؟ افتكر ان الشكل اتحسن بفارق ملحوظ ودا بيحسن من سمعتها مش بيسئ .. هو إحنا بنتقدم ولا بنتأخر

الناس فعلاً حابة شكل الالنترا الحالي بس دا ميمعنش ابداً ولو بـ1% ان الشكل الجديد مش حلو

وموضوع الايرباج دا المفروض ميبقلهوش يعني مجال للمناقشة لإن الالنترا والسيراتو طول عمرهم بينزلو مصر بـ2 ايرباج في اعلى فئة مفيش جديد :(

وعلى فكرة الفيس ليفت مش بيتضمن الليدات .. الليدات دي اوبشن لإن الفيس ليفت شامل شبكة وفوج لايت إنما الليدات دي اوبشن اختياري مش اساسي

وعلى سبيل المثال المرسيدس c كلاس فيس ليفت موديل 2013 مش حتلاقي ليدات في الفئة c180 ومش حتلاقيها غير في c200 واللي اعلى

- ممكن تكون الفيس ليفت نزلت هايلاين مش فولي لودد ايوة و بـ1 ايرباج فقط بس بردو ارخص من الهايلاين بتاعت 2013 واللي بردو فيها 1 ايرباج !

يعني حتلاقي فيها نفس الاوبشنز بتاعت الهايلاين موديل 2013 وزيادة عليها العدسات والليدات وارخص بـ5 الاف جنيه من الهايلاين موديل 2013 حسب اسعار كونتاكت

والله اعلم.

اقصد بتعبير الشكل دا .. لعب غبور في اوبشن المتاح في فئات الالنترا مش شكل الالنترا نفسها ..شكل الالنترا جبار مفيش كلام ..ومش هتبقي حلوه من غير الليدات الي تجنن دي ... مينفعش ينزل عربيه فولي لودد بايرباج واحده دا يبقي نصب علني ازاي فولي لودد وبايرباج واحده . المفروض فولي لودد ينزلها بنفس اوبشن بلادها زي ما بيحصل في دول الخليج ..بس في مصر حاجه تانيه ..والكلام المحفوظ علشان الجمارك وبيعتبرو الكاسيت ديفيدي رفاهيه وكلام غريب ..مش بعيد يقولك الاي بي اس والايرباج رفاهيه ..