الموضوع: دخلت عالم ال ios ومحتاج شويه دعم من مستخدمي الايفون

المشاركة الأصلية كتبت بواسطة أبو آسر

أنا معرفش حد بشكل شخصي لكن في محلات أعرف إنها بتفهم في الموبايلات كويسة لكن كلهم في منطقة جسر السويس عند محطة العرب ومعرفش المنطقة دي هتبقى قريبة منك ولا بعيدة والأهم هل البائع هيوافق يقابلك هناك ولا لأ
بخصوص ios فأعتقد إن كله واحد هو هو نفس السيستم وكله لازم يتعمله restore علشان تضمن حقوقك وتسجل حسابك وبرده أكيد انت مش هتقعد تدور على آيفون على النظام القديم لأن أكيد كل الناس دلوقتي حدثت لـ7 فكأنك هتدور على إبرة في كومة قش
انت حسب ما تتفق مع المشتري في المنطقة اللي تتقابلوا فيها وروح أكبر محل موبايلات في المنطقة أكيد هيفهم في الموضوع ده لأن الحوار ده مش صعب ولا حاجة ومش محتاج خبير يعني بس كل ما هنالك إنك تبقى عملت الخطوات على إيد حد متخصص بدل ما تعملها انت ومتعرفش أو البائع يشتغلك هي دي النظرية لكن أي محل موبايلات بيفهم هيفي بالغرض مش لازم حد معين

اعمله بنفسك وريح دماغك
لو معاك لاب توب بس اقعد في حته امان كافتريا ولا حاجه او اللي حتشتري منه يكون صاحبك ويجيلك البيت مثلا
اول حاجه حتعمل داون لود للملف ده
http://appldnld.apple.com/iOS7/031-1...a_Restore.ipsw
دا الفيرموير الرسمي للايفون 4s فيرجن 7.0.4

تاني حاجه تطفي الايفون وتدوس علي زرار الهوم وتوصل فيه الكابل
حيفتح معاك بالمنظر ده


حتطلعلك رساله لما تفتح الايتيونز وبعد ما الجهاز يتعرف
دا شكلها تقريبا

تعملها كانسل

حتلاقي الشاشه دي قدامك


تعلق صباعك علي زرار الشيفت في الكيبورد
وتدوس بالماوس علي كلمه ريستور

حتطلعلك شاشه اختيار تختار منها الملف اللي نزلته


وتددوسله اوبن
وتسيبه ينزل سوفت كامل علي الجهاز
حياخد معاك من 20 ل30 دقيقه
وتكون حاطط خطك فيه
في الاخر لما يخلص
لو اكتف الشريحه وجاب شبكه يبقي مفتوح اما رسمي او علي شبكه موبايلك (موبينيل - فودافون - الخ )
وتقدر تجرب خطين من شبكات مختلفه علشان تتاكد

لو وقف علي شاشه اكتيفيشن وعاوز ايميل وباس وورد
وبيكون كاتبلك اول حرف من الايميل كمثال s*****@yahoo.com
لو مطلبهاش يبقي مبروك عليك
وممكن ميطلبهاش ويكتبلك ان الخط اللي في الجهاز مش حيتاكتف
يبقي الجهاز جاي من بره متشفر ولازم يا تفكله الشفره رسمي يا تحطله شريحه لفك الشفره
الشفره الرسمي سعرها بيختلف من بلد لبلد ومن شبكه لشبكه
والشريحه سعرها 200 -250 جنيه
بكده انت مش محتاج لحد ينزلك سوفت للجهاز ولا تلف علي محلات ولا حد يوجع قلبك
وجمد قلبك وانت بتنزله السوفت ومتقلقش