رقم العضوية : 69600
تاريخ التسجيل : 03May2010
المشاركات : 92
النوع : ذكر
الاقامة : kalyobeya
السيارة: فيات تمبرا
السيارة[2]: فيات ريجاتا
دراجة بخارية: لا يوجد
الحالة :
أولا العربية فيات تمبرا موديل 1994 هاف إنجيكشن ( طلمبة البنزين كهرباء ) .. استيراد للمعاقين .. الحكاية بالتفصيل كالآتى : كان عندى تنقيط بنزين و رحت للميكانيكى لقى فى تسريب من الوصلات و خراطيم البنزين .. المهم غيرهم و غيرلى بالمرة فلتر البنزين .. بعدها بفترة رحت افول العربية و مشيت عادى و كله تمام لحد ما تفويلة البنزين استهلكت منها النص تقريبا .. و هنا بقى بدأت المشكلة .. تنتيش و تقطيع و تبطيل .. و معرفتش امشى بالعربية خالص .. دخلت بنزينة عشان افول و فولت العربية لقيت العربية بقت تمام و كأن كان عليها عفريت و انصرف !!!! .. قلت يا واد تابعها لحد ما تعرف المشكلة بالظبط فين .. استنيت لما تانك البنزين جه على النص ( تقريبا لأن العوامة عطلانة من زمان و ما صلحتهاش لأن سعرها غالى جدا 350 جنيه ) لقيت نفس المشكلة تانى ( تنتيش .. تقطيع .. تبطيل ) .. رحت فولت المشكلة راحت كالعادة !!!!! قلت مابدهاش استنى لما تعمل كدة تانى و عليك و عالميكانيكى .. رحتلو أول ما المشكلة ظهرت و قبل ما أفول .. كشف على تانك البنزين و فك طرمبة البنزين و قعد يشتغل فيها شوية و ركبها تانى و قاللى جرب كدة .. جربت لقيتها تمام و المشكلة راحت .. حاسبته و مشيت .. و بعدين فولت العربية بعدها بيوم .. و فضلت ماشية تمام لحد ما تانك البنزين بقى على النص تقريبا .. و للأسف رجعت تانى و كأنك يا ابوزيد ما غزيت .. قلت احاول اتعرف على تفاصيل المشكة أكتر .. فضلت دايس بنزين و انا على المور لحد ما الآر بى إم وصل ل 4 .. فضلت مثبت رجلى حوالى نصف دقيقة لقيت الآر بى إم نزل لوحده و العربية بطلت .. كررت التجربة تانى و نفس النتيجة بتحصل ( الآر بى إم ينزل و العربية تبطل ) .. الكلام ده أنا عملتو النهارده .. عايز رأيكو فين المشكلة بالضبط و حلها إيه .. و آسف جدا للإطالة .. أخوكم محمد سيد .
رقم العضوية : 134493
تاريخ التسجيل : 05Feb2013
المشاركات : 44
النوع : ذكر
الاقامة : القاهره
السيارة: جيب
السيارة[2]: فيات
الحالة :
المشكله حصلت معايا قبل كده في عربيه 128 وللأسف مشكلتك في عوامه البنزين وبالتفصيل في ماسوره مخرومه في العوامه فبعد البنزين ما بيوصل نص التانك بيبدأ يسحب هوا من التنك مش بنزين عشان كده المشكله دي بتظهر معاك - الحل فك العوامه وحاول تجيب خرطوم بلاستيك علي مقاس الماسوره دي ولبسه للماسوره هتتحل المشكله من جزورها - يا رب اكون قدرت افهمك ولو العوامه مفيهاش ماسوره يبقي شيك علي المواسير اللي جوا التانك واحده منهم هي اللي مخرومه وعايزه تلبيسه بخرطوم زي ما قولتلك جرب ورد علينا
المفضلات