السى دى ام بثرى والزيرو باور

**mazgangy** · 24-09-2008 05:57 PM

المشاركة الأصلية كتبت بواسطة islamkhidr

سكووووت شوية....... هوة إية الزيرو باور دة ؟؟؟؟

اهلا بيك ومنور الموضوع الزيروباور ده عباره عن حاجه زى الايكولايزر بس احدث يعنى يعنى من الاخر بيقسم الصوت وينقيه ويتحكم فيه تعلى البيز تنقصه تعالى التربل توطيه والسكسكه وكده وافضل نوع حاليا على حسب معلوماتى كلاريون وهو سعره من 500 الى 550 جنيه

**KoDaK_Gti** · 24-09-2008 07:29 PM

المشاركة الأصلية كتبت بواسطة mazgangy

باشا انت بجد راجل محترم جدااااا ومش بتسيب حد من غير مترد عليه بس اخر حاجه بقى معلش انت شايف ايه الافضل من ناحيه الاداء والعمر الافتراضى والاستحمال اغير واجيب بايونير 7950 والا اجيب 6950 والا زيرو باور كلاريون على اللى معايا وياترى الاجهازه دى ايه مواصفاتها بالظبط بعد اذنك ولو فيه صور او لينكات اشوفهم وكمان الاجهازه دى اعتقد ان فتحه دخول السى دى ورا الوش مش زى الجهاز اللى عندى ده من رائيك احسن والا لا؟؟ وياترى كده بيقلل من دخول التراب للعدسه؟؟ والسوال اللى محيرنى بقى والاهم ليه الزيرو باور اقوى وافضل من البلتى ان مش ده زيروباور وده زيروباور وده 7 باند وده 7 باند !!!!! والف شكر ليك بجد انت جااااااااااااااااااااامد

ياباشا الله يكرمك ده بس من ذوقك
بص رأيى انك تجيب البايونير لو معاك فلوس هات ال 7950UB ده ملوش حل
بالنسبة للعمر الافتراضى اغلبية اجهزة السى دى بتعلق عند خروج الاسطوانة بعد فترة
وموضوع التراب اللى بيدخل للعدسة مش بيدخل من قدام ده بيدخل من جوه التابلوه من فتحات التهوية للجهاز
وبعدين الزيرو باور الخارجى اقوى من الداخلى ده شى طبيعى
زى مثلا كارت الفيجا وكارت الصوت لما يبقوا خارجيين بيكون أدائهم افضل

ومتفكرش كتير لأن البايونير ده هيوهمك فعلا وامكانياته عالية جدا
وده لينك فى بعض من امكانياته
http://www.youtube.com/watch?v=HgyzU...eature=related
اتفرج عليه للأخر وشوف الامكانيات وترددات البيز والايكوليزرات والزيرو باور والجرافيك بتاعه
وحاول تعلى الصوت عندك شوية وانت بتتفرج على الفيديو علشان تحس بالتأثيرات وهو بيوريلك الاوبشن

المشاركة الأصلية كتبت بواسطة islamkhidr

سكووووت شوية....... هوة إية الزيرو باور دة ؟؟؟؟

الزيرو باور ده ايكولايزر بس بيشتغل عن طريق سلوك ال RCA فقط ولازم يكون فى جى إم راكب

وده شكله

**mazgangy** · 24-09-2008 08:53 PM

الف شكر يا باشا لردك واهتمامك وإن شاء الله انا استقريت ان اجيب الجهاز البايونير ده 7950ub

بس كنت عاوز اعرف منك سعره واحسن مكان اجيبه منه وهل يفرق يبقى بضمان والا لا وكمان ايه احسن مكان اجيبه منه باحسن سعر يعنى وموضوع الضمان ده يفرق والا لا وشكرا ليك يا باشا انت بجد راجل محترم

**KoDaK_Gti** · 25-09-2008 05:14 AM

الضمان مهم طبعا
والجهاز سعره يتراوح من 1500 الى 1600 حسب المكان اللى بيتباع فيه
ولو السعر عالى شوية ممكن نشوف جهاز تانى اقل فى السعر لو عاوز
وفى محل فى التوفيقية موزع معتمد لبايونير اعرف ناس شغاله فيه
شوف انت اسأل عليه بكام مثلا عندك وانا هكلملك الراجل ده واهم حاجة اننا نوصل لأقل سعر ان شاء الله

**mazgangy** · 25-09-2008 05:25 PM

تمام يا باشا وربنا يباركلك بس هو فيه 7950ub
وفيه 7950 بس ؟؟ ولو اه يبقى ايه الفرق مبينهم ؟؟اصل انا شوفت موضوع فيه قبل كده واحد كاتب انه اشترى جهاز 7950 بالضمان من عند ادريان ب 1480 فمش عارف يقصد الجهاز ده والا ده موديل وده موديل وبالنسبه لل 6950 ايه رائيك فيه وبيفرق ايه عن ده وشكرا ليك

**KoDaK_Gti** · 25-09-2008 06:19 PM

المشاركة الأصلية كتبت بواسطة mazgangy

تمام يا باشا وربنا يباركلك بس هو فيه 7950ub
وفيه 7950 بس ؟؟ ولو اه يبقى ايه الفرق مبينهم ؟؟اصل انا شوفت موضوع فيه قبل كده واحد كاتب انه اشترى جهاز 7950 بالضمان من عند ادريان ب 1480 فمش عارف يقصد الجهاز ده والا ده موديل وده موديل وبالنسبه لل 6950 ايه رائيك فيه وبيفرق ايه عن ده وشكرا ليك

اه في يو بى وفى 7950 بس

اى موديل اسمه Ub والمقصود (USB) تعرف علطول ان فيه وصله يو اس بى

انت معاك كام للسى دى بس ؟؟

**mazgangy** · 25-09-2008 06:44 PM

تمام يا باشا انا معايا من 1400 ويبقوا 1500 بعد العيد ههههههههه هاااا ايه انسب حاجه؟؟

**KoDaK_Gti** · 25-09-2008 08:20 PM

هو ال 7950ub

**HeMa_LanCeR** · 27-09-2008 04:57 AM

المشاركة الأصلية كتبت بواسطة kodak_gti

الضمان مهم طبعا
والجهاز سعره يتراوح من 1500 الى 1600 حسب المكان اللى بيتباع فيه
ولو السعر عالى شوية ممكن نشوف جهاز تانى اقل فى السعر لو عاوز
وفى محل فى التوفيقية موزع معتمد لبايونير اعرف ناس شغاله فيه
شوف انت اسأل عليه بكام مثلا عندك وانا هكلملك الراجل ده واهم حاجة اننا نوصل لأقل سعر ان شاء الله

طيب ممكن تسأله ال 2050 عامل كام ؟
والأحدث منه علي طول اللي فيه مكان لفلاشه عامل كام ؟
وشكرا لحضرتك