الموضوع: السى دى ام بثرى والزيرو باور

هو الكاسيت اه لسه جديد ولسه فى الضمان ومش بشتكى منه والاخ مودى انا عندى عده مش زى ما انت بتقول وارجوا توضيح رائيك علشان انا مش فاهم

العده اللى عندى الكاسيت الكينوود 333 ده
و2 جى ام
و4 سماعات بايونير 400 وات تايلاندى
و2 شماسات تويترات 350 وات
و2 سماعات ابواب كينود 120 وات
وصب بايونير فاجر مش موجود فى مصر اللى الرق بتاعه لونه ازرق

وموصل جى ام كينوود 350 وات 2 شينيل على الصب ده والجى ام التانى موصل عليه الاربع سماعات البايونير ال 400 وهو كينوود 400 وات 4 شينيل وموصل الشماسات والسماعات الامايه على الكاسيت على طول


فكنت عاوز احسن الصوت فكان السوال اجيب زيروباور على الكاسيت ده والا اغير الكاسيت بواحد بايونير فيه زيروباور وتحكم صب

انهى اللى يدى افضل اداء وانهى الاحسن ومشكور لكل من ساهم بالرد فى الموضوع

مشكورين جميعا للردود بس انا برضوا الموضوع ده محيرنى وسمعت كلام كتير ومن ناس فاهمه فى الصوتيات اصل الموضوع انى عاوز اعمل حاجه واحده علشان مش عندى امكانيه التغير كل شويه فكنت عاوز الافضل والانسب واللى يعيش ويستحمل وبرضوا يدى اداء عالى فناس قالتلى الكينوود اللى عندك عمره الافتراضى طويل وجهاز حلو بتاع شغل والكلاريون فى الزيروباور ممتاز ويدى اداء احسن من البلت ان فى الاجهزه البايونير وكمان ناس فضلت يكون الزيروباور مش مدمج مع الكاسيت يكون منفصل فنا عاوز اعرف الحاجات ديه ولو سمحتم اللى يقول رد ياريت يقولى ليه يعمى مش يقول كده وخلاص وكل سنه وانتم طيبين ومعلش اكيد صدعتوا معايا وللعلم ناس كتير رشحتلى الكينوود بدل البايونير على الرغم من اعترفهم الشديد بنقاء وقوه الصوت فى البايونير التى لا ماثيل لها بس بيقولوا برضوا خليك فى الكينوود!! طالما مش من هواه التغير كل فتره وان عاوز حاجه معمره وتفضل معاك وتتنقل مع كل عربيه تشتريها !! الكلام ده ايه رائيكم فيه

المشاركة الأصلية كتبت بواسطة kodak_gti

الزيرو باور اكيد اقوى من البلتى إن كلامك مظبوط
بس مع السى دى الكينوود مش هتسمع صوت حلو زى البايونير
عارف لو الجهاز اللى عندك بايونير قديم بدون زيرو باور بلتى إن
كنت هقولك هاتله زيرو باور عليه
الكلام اللى انا بقولهولك ده علشان تسمع انقى صوت
ولو ركبت زيرو باور على جهازك بردو مش وحش هيبقة كويس

باشا انت بجد راجل محترم جدااااا ومش بتسيب حد من غير مترد عليه بس اخر حاجه بقى معلش انت شايف ايه الافضل من ناحيه الاداء والعمر الافتراضى والاستحمال اغير واجيب بايونير 7950 والا اجيب 6950 والا زيرو باور كلاريون على اللى معايا وياترى الاجهازه دى ايه مواصفاتها بالظبط بعد اذنك ولو فيه صور او لينكات اشوفهم وكمان الاجهازه دى اعتقد ان فتحه دخول السى دى ورا الوش مش زى الجهاز اللى عندى ده من رائيك احسن والا لا؟؟ وياترى كده بيقلل من دخول التراب للعدسه؟؟ والسوال اللى محيرنى بقى والاهم ليه الزيرو باور اقوى وافضل من البلتى ان مش ده زيروباور وده زيروباور وده 7 باند وده 7 باند !!!!! والف شكر ليك بجد انت جااااااااااااااااااااامد