النيتروجين و الفيفا

**mohamedok** · 23-09-2008 09:19 PM

السلام عليكم ورحمة الله وبركاته

بالامس غيرت الهوا بعجل الفيفا الى نيتروجين وكانت التكلفه هى 5 جنيه للعجله وبصراحه محستش باى فارق بين الهواء العادى والنيتروجين ولكن عامل الكاوتش اصر على ان يملىء العجل بضغط 30 فقط وقال ان ذلك هو الافضل للعجله

وانا عاوز رايكم فى موضوع الضغط ده لان ضغط 30 مخلى العجل فارش على الارض شويه والدركسيون ثقيل شويه فهل هو ده كده صح ولا المفروض يكون 33 او 35

على فكره العجل عندى هانكوك تيوبلس مقاس 13

اه وفى حاجه ثانيه انا لاحظت انه بعد مغيرت لنيتروجين العجل مبيسخنش زى الاول بعد كل مشوار........... وهو طبعا بيسخن بس اقل بكتير من الاول

مستنى ردكم بسرعه علشان انا مسافر فى العيد وعاوز اصبط العجل بضغط سليم

تحياتى ورمضان كريم

**Ramytoyota** · 24-09-2008 11:36 AM

طبعا 30 دى انسب طغط يتظبط عليه الكاوتش و اتزودش عن كده

انت فعلا مش هاتحس بفارق لكن العربيه فى المطبات هانكون انعم شويه و

و كمان الكاوتش مابيسخش زى الاول ده صح علشان النيتروجين مابتاثرش بالحراره

ارجوا انى اكون افدت

تحياتى

**Amrrr** · 24-09-2008 03:33 PM

حد عندة معلومات اكتر عن موضوع النيتروجين ؟
واعملة فين في مصر الجديدة او مدينة نصر ؟
هل بيفرق مقاس العجل ؟

**mohamedok** · 24-09-2008 08:01 PM

المشاركة الأصلية كتبت بواسطة Ramytoyota

طبعا 30 دى انسب طغط يتظبط عليه الكاوتش و اتزودش عن كده

انت فعلا مش هاتحس بفارق لكن العربيه فى المطبات هانكون انعم شويه و

و كمان الكاوتش مابيسخش زى الاول ده صح علشان النيتروجين مابتاثرش بالحراره

ارجوا انى اكون افدت

تحياتى

السلام عليكم ورحمة الله وبركاته

الف شكر على اهتمام حضرتك بالموضوع وهو فعلا العربيه فى المطبات انعم عن الاول بس المشكله انى لما انظر الى جانب السياره الاحظ ان ارتفاع العجله الخلفيه عن الارض اكبر من العجله الاماميه وكمان العجله الاماميه بتكون فرشه على الارض اكثر من الخلفيه وكمان الدركسيون تقل عن الاول نتيجه لذلك .........

بصراحه الواحد مش عارف يعمل ايه ممكن مثلا اخلى العجل كله 33 او اضبط الامامى 33 والخلفى 30 ايه رايكم يا اخوانا اعمل ايه فى الموضوع ده ؟؟؟؟؟؟؟؟؟؟؟؟؟؟

**ahmedezzat78** · 24-09-2008 08:22 PM

المشاركة الأصلية كتبت بواسطة mohamedok

السلام عليكم ورحمة الله وبركاته

الف شكر على اهتمام حضرتك بالموضوع وهو فعلا العربيه فى المطبات انعم عن الاول بس المشكله انى لما انظر الى جانب السياره الاحظ ان ارتفاع العجله الخلفيه عن الارض اكبر من العجله الاماميه وكمان العجله الاماميه بتكون فرشه على الارض اكثر من الخلفيه وكمان الدركسيون تقل عن الاول نتيجه لذلك .........

بصراحه الواحد مش عارف يعمل ايه ممكن مثلا اخلى العجل كله 33 او اضبط الامامى 33 والخلفى 30 ايه رايكم يا اخوانا اعمل ايه فى الموضوع ده ؟؟؟؟؟؟؟؟؟؟؟؟؟؟

اضبط على ضعط الهواء الموصه به من المصنع ...... هتلاقيه على باب السواق او فى درج التابلوه

**ahmedezzat78** · 24-09-2008 08:25 PM

المشاركة الأصلية كتبت بواسطة Amrrr

حد عندة معلومات اكتر عن موضوع النيتروجين ؟
واعملة فين في مصر الجديدة او مدينة نصر ؟
هل بيفرق مقاس العجل ؟

النيتروجين ما فيهوش بخار مياه زى الهواء المضغوط و بالتالى هيمنع صداء الجنوط و ارتفاع الضغط نتيجه ارتفاع درجه الحراره

يعنى هتلاقى الضغط شبه ثابت مع مختلف درات الحراره

فى بنزينه كالتكس ناصيه عباس العقاد مع مصطفى النحاس

انا كنت باضبط هواء 30 و لما عملت النيتروجين على 30 حسيت ان العربيه بقت انشف فعمللته 28 و رجعت زى ما كانت

انا عامله من حوالى 10 شهور و زى الفل

**ZOZ** · 24-09-2008 09:27 PM

طيب لو عايز اعملها عندي في الفيرنا اعملها عند اي ضغط بالظبط
وبعدين الكاوتش عندي دايما بيجمع زلط ده هيفرق معايا ولا ايه؟؟

**Amrrr** · 25-09-2008 03:21 AM

المشاركة الأصلية كتبت بواسطة ahmedezzat78

النيتروجين ما فيهوش بخار مياه زى الهواء المضغوط و بالتالى هيمنع صداء الجنوط و ارتفاع الضغط نتيجه ارتفاع درجه الحراره

يعنى هتلاقى الضغط شبه ثابت مع مختلف درات الحراره

فى بنزينه كالتكس ناصيه عباس العقاد مع مصطفى النحاس

انا كنت باضبط هواء 30 و لما عملت النيتروجين على 30 حسيت ان العربيه بقت انشف فعمللته 28 و رجعت زى ما كانت

انا عامله من حوالى 10 شهور و زى الفل

ألف شكر يا باشا

**l0new0lf** · 25-09-2008 04:33 AM

your tyres are cooler than before using nitrogen because the weather temperature is down, not because U R using nitrogen.

this issue i have posted earlier

check the links and read to the end of it and please and be open and broad minded.

http://www.nilemotors.net/Nile/showt...itrogen&page=3