النيتروجين

**خالد عادل** · 27-09-2012 04:42 PM

شباب انا اول ما جبت العربية رحت برديجيستون ومليت الكاوتش بالنيتروجين وكان في فرق جامد جداً عن اول ما استلمتها وكنت بروح اتابع الضغط في بنزينة مصر للبترول اللي في روركسي عشان عندهم نيتروجين المهم بعد فترة بعد صيانة الالف تقريبا حسيت باختلاف كبير في العربية سواء في المشي والسحب والمطبات والنقر ورحت للتوكيل اكتر من مرة عشان يشوفوا الاختلاف اللي انا حاسس بية دة من اية وكان في كل مرة يقولولي ان مفيش مشكلة خالص .. المهم الاسبوع اللي فات كنت معدي من قدام برديجستون اللي في عباس العقاد قلت اخش اظبط العجل وانا بتكلم مع العامل اللي هناك سئلتة هل لو اني زودت العجل هواء وهو مملي نيتروجين اية اللي يحصل قالي عادي بس النيتروجين هيفقد خواصة وبالتالي مميزاتة فجالي شك ان ممكن في التوكيل كانوا بيزودوا العجل هوا علي النيتروجين واحتمال كمان البنزينة اللي كنت بزود فيها يكون النيتروجين مغشوش .. المهم قلتلة يفضي العجل ويملي من اول وجديد ويظبط الضغط وبعد مخلص العربية مشاء الله فرق السما عن الارض في السحب والاتزان والمطبات كأن العربية اتبدلت .... المشكلة بقي دلوقتي ان بعد ٥ مشاوير ولا حاجة العربية رجعت تاني تعمل نفس الحركات القديمة الدب والنط وفي فرق في التوازن احلها ازاي المشكلة دي؟؟؟؟؟؟

**saint2011** · 27-09-2012 04:48 PM

شوف حضرتك الضغط الأمامى والخلفى كام ذى ما هو مكتوب على قائم العربية لما تفتح باب السواق وظبط الضغط وأنشاء الله خير

**abdo7000** · 27-09-2012 05:35 PM

النتروجين ممتاز بس سعرة غالي ملي العجلة الواحدة ب 5 جنية عموما اضبط ضغط الاطارات عند محطة واحدة فقط لان هناك تفاوت كبير في مقياس الضغط بين العدادات في المحطات

**خالد عادل** · 27-09-2012 05:37 PM

هو المفروض اروح اظبط ضغط العجل كل قد اية

**hassanin_lada** · 27-09-2012 05:44 PM

المفروض ان النيتروجين بيدوم لحوالي 6 شهور يعني مش زي الهوا العادي كل اسبوعين تكشف عيله

**خالد عادل** · 27-09-2012 05:52 PM

طب لية الضغط بتاعة بينقص عالطول وبيحتاج يتزود كل اسبوع تقريبا

**_hema** · 27-09-2012 09:11 PM

المشاركة الأصلية كتبت بواسطة saint2011

شوف حضرتك الضغط الأمامى والخلفى كام ذى ما هو مكتوب على قائم العربية لما تفتح باب السواق وظبط الضغط وإن شاء الله خير

**szaalouk** · 28-09-2012 08:21 PM

حضرتك املا العجل و ظبط الضغط و ثبت مكان واحد فقط للقياس و المتابعة
او انك تشتري مقاس عجل ياباني او إيطالي و ما تستعملش غيره و كده تكون
مطمئن علي ضغط الإطارات دائماً

**Youssef.Awad** · 28-09-2012 08:32 PM

عن نفسى كنت باعيد ضبط الضغط نيتروجين بعد كل صيانة 10 الاف كم فى التوكيل وتدوير العجل مع ضبط الزوايا كل 3 شهور تقريبا
وده بسبب ان الضغط الامامى فى الصنى مختلف عن الخلفى