لانسر شارك الفئة الاولى ولا تويوتا ياريس الفئة الاولى اوتوماتيك

**Ahmed TRAVCO** · 11-01-2014 07:23 PM

المشاركة الأصلية كتبت بواسطة wael30003

الفانوس بكام اللمبة ب 1150 جنيهوالفانوس ب 7000 جنيه

ع يعنى 8 الاف جنيه

الكلام ده غير حقيقي انا متأسف... الفانوس اللي بـ7000 ده اللي كان فيه زينون بعدسات afs زي المرسيدس والباسات... وده مش بينزل من اول 2012 عموما... غير كده سعر الفانوس رسميا في التوكيل 2500 جنيه والفوج 1500 واعتقد ده في الرينج الطبيعي لأي فوانيس فيليبس اصلية نازلة فبريكا في اي عربية محترمة... اللي بيعدي الـ7 بواكي بقى دلوقتي فوانيس الليدات اللي نازلة في السيراتو الجديدة على سبيل المثال وما اعتقدش حد هيبقى رايح يشتري السيراتو -اللي عاجباني شخصيا- ويقرر في النهاية انه يلغي فكرة الشراء بسبب الفانوس!!

لصاحب الموضوع: شوف يا اخي الكريم... المقارنة بين الشارك وحاجة زي الياريس لا تجوز واعتبرها اهانة للشارك... دي حاجة، الحاجة التانية عايز انصحك بلاش تاخد الفئة الأولى في الشارك لأنها فاضية تماما والوكيل تحسة (مقلبها) حتى من مساند اليد!!! فحرام تركب عربية المفترض انها رائعة وتلاقي نفسك اتقفلت منها بسبب عدم وجود اي نوع من الكماليات خااالص... وفي الحالة دي -ولو مش هتقدر تدخل في فئة اعلى في الشارك- يبقى مضطر اقولك بيجو 301 هايلاين واهي عربية كويسة برضه وما يميزها وجود عوامل الأمان الاستاندرد وكمتان اعتقد بالـ140 ممكن تجيب اعلى فئة منها...
انما الشارك والياريس don't mix أبدا أبدا...

**wael30003** · 11-01-2014 07:57 PM

لأ كلامى صحيح وده الرابط اللى يثبت كلامى
http://www.nilemotors.net/Nile/3874691106-post1.html

**Habd** · 11-01-2014 08:06 PM

يا استاذ وائل كلامك صح بس الاستاذ احمد فوزى وضح انه من 2012 الفانوس ده معدش بينزل و كلامه برضه صح يعنى الفانوس ما بقاش ب 7000

**J A G U A R** · 11-01-2014 08:52 PM

فانوس ايه ده اللى ب 7000 .. ده فانوس الفانتازيا الالمانى معداش 2000 جنيه من غير xenon
سعر الفانوس زى ما الاستاذ احمد قال فى حدود 2500

**wael30003** · 11-01-2014 10:03 PM

المشاركة الأصلية كتبت بواسطة flavio_egypt

جزاك الله خيرا بس انا تعبت من الحيرة :u_thin1[1]:

اى حد مقدم على شراء عريية جديدة لازم يكون فى حيرة لان المبلغ من سنة يشترى فئة والان يشترى الفئة الاقل.....وساعتها الواحد بيستخسر يحط المبلغ الكبير من وجهة نظره فى الفئة الاقل
اعتقد البيجو 301
اختيار جيد على الاقل
مش 1300
وماركة واسموكماليات تناسب السعر
مع تفضيلى للشارك شكلا ومضمونا
انا شخصيا بحب شكلها
وافضلها فى الاختيار عن البيجو
ده الصالون فى حد ذاته تحفةمن السعة والرحابه

**Yousef.Kamel** · 11-01-2014 11:23 PM

المشاركة الأصلية كتبت بواسطة flavio_egypt

ممكن اعرف رأى حضراتك فى الافضل
هل لانسر شارك 2014 الفئة الاولى اوتوماتيك اللى سعرها وصل فى السوق 140 ألف جنيه رغم ان سعرها الرسمى 136 ألف
ولا التويوتا ياريس 2104 الفئة الاولى أوتوماتيك وسعرها 140 ألف جنيه
طبعا الشارك 1600 سى سى والياريس 1300 سى سى وطبعا ده فرق مهم فى صالح الشارك
ياريت رأى حضراتكم من ناحية
الآعتمادية وقوة التحمل
القيادة المريحة والتكيف
التوكيل
سعر قطع الغيار
سعر إعادة البيع

وجزاكم الله كل خير

مادام وصلنا لمبلغ 140 الف قدامك عده اختيارات جميله 1-بيجو 301 &ستروين سى اليزيه& ريو خليجى & سيراتو فئه خليجى

**Egy_fan** · 12-01-2014 11:16 AM

يا جماعه انا عندى نفس المشكله. الشارك بيقولوا ان ادائها حلو (انا مركبتهاش) و فى نفس الوقت اخر سنه و قطع غيار غاليه و فاضيه. انا اتفرجت على اول فئه امبارح فى دياموند و قفلتنى مع انى مدمن لانسر بس شاكلى هروح اسيراتو جديده.

يا ريت اللى بيشترى شترك يفيدنا هو اقتنع بيها ليه؟

**flavio_egypt** · 12-01-2014 04:47 PM

المشكلة بس فى ال 301 ان العربية ممرش عليها مدة فى السوق انما الشارك الكل بيأكد على اعتمادياتها الممتازة وعيوبها فى نقطتين
الكماليات وقطع الغيار العالية
انما واضح ان الشارك سيارة بدون اى مشاكل من ناحية الاداء والاعتمادية وده من رأى ملاكها اللى ركبنها من 2008
لكن ال 301 ممرش عليها سنة واحدة
بصراحة انا قلقان وتعبت من الحيرة