لانسر شارك الفئة الاولى ولا تويوتا ياريس الفئة الاولى اوتوماتيك

**J A G U A R** · 20-01-2014 04:55 PM

المشاركة الأصلية كتبت بواسطة flavio_egypt

للاسف تويوتا ايجبت سعرت العربية بتسعير مش مناسب ليها وابعد ما يكون عن السعر العادل ليها للاسف هما اشتغلوا بس على انهم بيبعوا اسم تويوتا

فعلا ... علامه تويوتا اللى مخلياها عربيه .. المفرود دى يوم ما تتنطط يبقى سعرها 120 الف

**لانسر دايما** · 21-01-2014 08:41 PM

انا كنت سامع ان الشارك مش هتغير شكل لحد 2019 وعلشان كدة حجزت عربية هاى لاين المفروض استلمها فى شهر 3 ودلوقتى سمعت ان اخر سنة ليها السنة دى يا ترى الكلام ده اكيد ... وهل من الممكن الرجوع فى الحجز واسترداد المقدم 5000 جنيه وشكرا

**Ahmed TRAVCO** · 21-01-2014 09:17 PM

المشاركة الأصلية كتبت بواسطة لانسر دايما

انا كنت سامع ان الشارك مش هتغير شكل لحد 2019 وعلشان كدة حجزت عربية هاى لاين المفروض استلمها فى شهر 3 ودلوقتى سمعت ان اخر سنة ليها السنة دى يا ترى الكلام ده اكيد ... وهل من الممكن الرجوع فى الحجز واسترداد المقدم 5000 جنيه وشكرا

1. حضرتك مين قالك موضوع 2019 ده؟؟ عموما هو لسة مفيش one word رسمية من ميتسوبيشي على الشكل الجديد، كل الحكاية انهم "بيتوقعوا" اصداره في 2015 على اقل تقدير...
2. هو حضرتك حجزتا بس علشان شكلها مش هيتغير قبل 2019؟؟ طيب ما هي من 2008 برضه يعني شكلها اقدم من اغلب الموجود... لو ده كان سبب حجزك ليها بس يبقى اعتقد كان قرار خاطيء، لأن اللي بيركب شارك لازم يبقى غاويها وعارف قيمتها ومش فارق معاه قوي موضوع تغيير الشكل او قلة الكماليات نسبيا... وبالتالي:
3. ايوة، اعتقد ان حضرتك تقدر تسترد مقدم الحجز عادي جدا...
نصيحة: لو مهتم بحداثة الشكل يبقى خلي بالك ان اغلب العربيات الأوروبي بقت تغير شكلها في اقل من 3سنين... يعني اللي راكب فلوانس 2012 (تخيل 2012) بيبقى ماشي في الشارع حاسس ان عربيته قديمة لأن 2013 اتعمل لها فيس ليفت غير شكلها بدرجة ملحوظة من الخارج والداخل... فلو تغيير الشكل بيفرق معاك يبقى انصحك بعربية ياباني لأن الرينج بتاعهم من 5-7 سنين!!

**لانسر دايما** · 22-01-2014 09:48 AM

المشاركة الأصلية كتبت بواسطة ahmed travco

1. حضرتك مين قالك موضوع 2019 ده؟؟ عموما هو لسة مفيش one word رسمية من ميتسوبيشي على الشكل الجديد، كل الحكاية انهم "بيتوقعوا" اصداره في 2015 على اقل تقدير...
2. هو حضرتك حجزتا بس علشان شكلها مش هيتغير قبل 2019؟؟ طيب ما هي من 2008 برضه يعني شكلها اقدم من اغلب الموجود... لو ده كان سبب حجزك ليها بس يبقى اعتقد كان قرار خاطيء، لأن اللي بيركب شارك لازم يبقى غاويها وعارف قيمتها ومش فارق معاه قوي موضوع تغيير الشكل او قلة الكماليات نسبيا... وبالتالي:
3. ايوة، اعتقد ان حضرتك تقدر تسترد مقدم الحجز عادي جدا...
نصيحة: لو مهتم بحداثة الشكل يبقى خلي بالك ان اغلب العربيات الأوروبي بقت تغير شكلها في اقل من 3سنين... يعني اللي راكب فلوانس 2012 (تخيل 2012) بيبقى ماشي في الشارع حاسس ان عربيته قديمة لأن 2013 اتعمل لها فيس ليفت غير شكلها بدرجة ملحوظة من الخارج والداخل... فلو تغيير الشكل بيفرق معاك يبقى انصحك بعربية ياباني لأن الرينج بتاعهم من 5-7 سنين!!

الف شكر على اهتمام حضرتك المشكلة عندى ان المفروض استلم العربية شهر 3 وشايف من بعض التعليقات على صفحة الوكيل ان بعض الناس بيشتكوا من التأخير فى التسليم يعنى لو استلمتها زيرو على شهر 5 مثلا يكون كلها شهرين او تلاتة وينزل شكل جديد اكيد مش هكون مبسوط لانها زيرو لكن اعتقد الوضوع كان هيبقى عادى بالنسبة لى لو كنت شاريها مستعملة