مشكلة في سنتر لوك نيو اكسنت

**mmibrahim** · 11-01-2014 03:04 AM

السلام عليكم
انا عندي نيو اكسنت 2010
من يومين بفتح العربية بالمفتاح باب السواق هو اللي فتح بس وباقي الابواب لا
جربت اقفل برضوا
باب السواق هو اللي قفل بس والباقي لا
يا تري المشكلة فين وهل ممكن احلها بنفسي ولا لازم اروح لمحل سنتر لوك
وشكرا لكم

**michohat** · 11-01-2014 04:25 PM

الافضل تروح لكهربائي يشوف ايه العطل

**saad mustafa** · 11-01-2014 08:12 PM

بص يا باشا انا حصلت معايا قبل كده
كان العيب ان السلوك فلتت من الكليبسات بتاعت القربه علشان السلوك كانت قصيره ومع تنزيل الازاز الكليبسات فصلت
انت هتفك الفرش بتاع باب السواق وشوف الكلبسات اللى واصله لقربه السنتر لو كانت مفصوله ركبهم وادعيلي لو كانت واصله روح لكهربائي علشان مفتيش

**michohat** · 11-01-2014 08:39 PM

بس وانت بتفك خلي بالك من المسمار اللي ماسك الفرش من فوق لان له طبق وغطا بلاستك والطبق والغطا دول مش بيتباعوا جديد وهتدوخ عليهم استيراد
حصل معايا ان كهربائي ربط بعزم زياده عليهم طرقع الطبق

واتمنى انك تنضم للجروب مالكي ال نيو اكسنت ع الفيس لتجميع المالكين لإعاده انشاء الرابطه من جديد

**hatahet** · 13-01-2014 01:19 AM

بص لو انا.فهمت صح انك حطيت المفتاح في كابون الباب و.فتحت بيه و باب السواق بس هو اللي فتح
بس لو حضرتك كنت قافل العربيه بالريموت و جيت تفتح بالمفتاح باب السواق بس هو اللي هيفتح
و دا حاجه في نظام في الايمبيوليزر

**michohat** · 13-01-2014 08:57 AM

حصلت معايا امبارح
قفلت العربية بالمفتاح (من غير ريموت السنتر) ولما فتحتها بالمفتاح فتحت بس باب السواق وعلشان افتح باقي الابواب بايدي قفلت وفقتحت المسوجر

اعتقد دي خاصيه جميله كنت بدور عليها
علشان لو راكن ف مكان مش مطمن له وهروح اركب العربية لوحدي افتح الباب بتاعي بس واركب واقفل ورايا تاني

**mmibrahim** · 18-01-2014 01:40 AM

اولا متشكر جدل لردودكم
العربية جيت اركبها تاني يوم اشتغل السنتر عادي
عللي فكرة انا بستعمل المفتاح علطول مش بستعمل الريموت خالص
المهم اشتغ تاني يوم عادي وقعد يومين شغال كويس
والنهادرة عمل نفس الحركة برضوا
هل هو بيحتاج اعادة برمجة او كدا ولا ايه
بصراحة محتار شوية يشتغل وشوية لا مش عاوز اروح لحد يلعب فيه ويفتي
وشكرا لكم

**michohat** · 18-01-2014 09:38 AM

نفس اللي بيحصل معاك بيحصل معايا
ساعات باب السواق مش بيفتح باقي الابواب وانا بفتح العربية بالريموت
ساعات العربية كلها مش بتفتح وانا بفتحها بالانذار فاضطر اني افتح بالريموت علشان الانذار يفصل وافتح الباب بتاعي بالمفتاح وفي اللحظة دي بيحصل اللي بتقول عليه ان باقي الابواب مش بتفتح