الموضوع: PT Cruiser

المشاركة الأصلية كتبت بواسطة memo_hefnawy

و الله أنا حاسس إن إنت الوحيد فى مصر إللى معاه بى تى و بيدخل على منتديات عربيات :)
أنا عن نفسى رأييى فيها إنها حلوة بس مش هاتلاقى حد ركبها هنا إلا نادر أوى :))

تبقى تعالى بيها المقابلة القادمه أنا نفسى أتفرج عليها

بالعكس السيارة جميلة جدا وابتدت تنتشر في مصر قوي انا شخصيا شوفت منها كتيرررر جدا علي الطرق المصرية وانا رايي اللي مركبش سيارة امريكاني مشفش الشياكة ورفاهيه السيارات علي حق ( راكبها لازم يكون مزجنجي )
يعني من الاخر كل فوله وليها كيال ;)

المشاركة الأصلية كتبت بواسطة alaaaboelata

يااااااااااااااااااااة دى جميلة قوى
واحلى حاجة فيها انها بتجمع بين اصالة الماضى وتوكنولجيا حديثة
شكرا

nice

المشاركة الأصلية كتبت بواسطة sisi

بداية انا احب اشكر كل اللى اتكلم على لكريسلر عامتا بشكل او بأخر ولكن انا احب اضيف معلومه صغيره للساده الاعضاء المحترمين الا وهى ان ياجماعه اللى مركبش العربيه دى يبقى ميتكلمش عليها انا اسف مش قاصد انى اغلط فى اى شخص متواجد لا ابدا والله لكن كل مافى الموضوع هو ان فعلا فعلا والله مش علشان هى معايا ولكن لانها عربيه فعلا مريحه جدا بجد ياجماعه العربيه اولا فيه نسبة سبات على الارض مش طبيعى ثانيا وده الاهم ان الكريسلر البى تى كروسر الاربع عجلات بيفرشو على الارض مايعادل 2 سم بعد سرعه 120 يعنى مشاء الله امان جد اوعى حد ياخد كلااامى على انه يجرى بيهاااا هههههههههه لا هو كل مافى الموضوع انى جيبت بالعربيه دى 160 ومرضيتش اكمل لانها فعلا ممتعه ومغريه جدا جدا جدا للجرى على الطريق وليس فى المناورات ولا فى الشد لانك لو جيبت حتى عربيه هيونداى فيرنا وجيت تشد انت وهى هاتفرق عنك بكتير وده طبعا بيرجع لانها تقيله جدا ولكن على الطريق صدقونى انا جريت مع بى ام 318 i وقفنى على الطريق وقالى انت راكب عربيه مشاء الله جامده جدا ياجماعه العربيه دى جامده جدا وانا من رأى الشخصى انها سياااااره كلااااااسيكيه
ودى عربيتى انا من الهرم من ابو الهول

يا أهلا بالزمل
اخيرا حد يشاركنى

بس سؤال: انا شايف عربيتك نفس لون اللى عندى Electric Blue بس الموديل المعدل
مع انى على حد علمى اللون دو اتغير ونزل بداله Marine Blue اللى هو افتح منه
فياترى هى كده ولا انت مغير فوانيس؟ ولا هو نزل فى موديل 2006 وانا ماعرفش؟

دعبست شوية لقيت ان ال Electric Blue نزل فى موديل 2006
بس برضه صدفة سعيدة انى الاقى اول واحد عنده Cruiser غيرى عنده نفس اللون مع انى كنت فاكر انها الوحيدة باللون ده فى مصر لأنى من يوم ما جبتها ماشوفتش واحدة تانية نفس اللون.

دا انا حتى كنت فى امريكا اسبوعين ماصدفتش غير 4-5 عربيات باللون ده.
واضح انه نادر شوية

انا العربية معايا (هى فى الحقيقة مع مراتى) بس انا اللى متوليها كالعادة (هى عليها تسوق وممكن تحط بنزين وبس :))
العربية معانا بقالها حوالى سنة ونصف. ماعرفش هى معاك بقالها قد ايه؟
بس باعرض عليك نفس العرض: لو ليك اى استفسارات عنها انا فى الخدمة.