الموضوع: العربية بتنتش

بص:

راجع على الآتى بالترتيب (يعنى لو واحدة فيهم حلت المشكلة متكلش المراجعة):

1- البوجيهات والأبلاتين

2- طقم سلك الإسبراتير

3- ضبط تاكيهات السيارة

4- وانت بتظبط تاكيهات خلى فنى التاكيهات يراجعلك على كل ركب الكامة ركبة ركبة ويشوفلك لو واحدة فيهم متاكلة او لو الكامة بتلق فى الهاوزنج (ألفارغة) بتاعتها غير عمود الكامة

5- مجموعة الدبرياج

الف شكر هو كل دة عند الميكانيكي صح
معلش انا لسة جديد في موضوع العربيات
وشكرا

كل دا بيتعمل عن الميكانيكى فيما عدا ظبط التاكيهات والكشف على الكامة ، دا بيتعمل عند متخصص التاكيهات علشان انت المحرك بتاعك SOHC (يعنى single over head cam او محرك ذو عمود كامة علوى مفرد) الميكانيكى ممكن يراجعلك ظبط التاكيهات لو هو عنده الفيلر بتاع القياس وممكن يراجعلك ركب الكامة لكن لو التاكيهات مش مظبوطة ومحتاجة ظبط لازم تروح بها لمتخصص التاكيهات علشان يحطلك اطباق ذات سمك مظبوط، وبرضه لو الميكانيكى غيرلك الكامة لازم تروح تظبط تاكيهات بعدها، عموما هى مسألة ظبط التاكيهات مسألة سريعة وغير مكلفة ويفضل تعملها كل 30-50 ألف كيلومتر

فيه اتنين مشهورين جدا بتوع تاكيهات، فيه واحد فى منطقة فم الخليج، لو انت دخلت شارع مجرى العيون من صلاح سالم تفضل ماشى لحد ما تطلع كوبرى فم الخليج اللى بيعدى من فوق المترو، وانت نازل الكوبرى هدى، اول مايخلص الكوبرى هتلاقيه على يمينك بعد الكوبرى مباشرة، والتانى موجود فى منطقة الضاهر فى شارع متفرع من شارع الجيش، لو انت جاى من ميدان باب الشعرية رايح ميدان الجيش، بعد ما تعدى قسم باب الشعرية هتلاقى على يمينك محطة بنزين مصر للبترول، إسأل عدها فين بتاع التاكيهات اللى هنا والناس هتدلك عليه

شكرا عل الرد
ولكن لي سؤال اخير ممكن يكون دة عيب في طريقة السواقة فانا لسة متعلم السواقة من شهر فقط
واسف لكثرة اسئلتي