الموضوع: أفضل عربية فى حدود 180 - 200 استرا - كورولا - قاشقاى - امبريزا - فوكاس - فليوانس ؟؟

المشاركة الأصلية كتبت بواسطة khaloud71

و الله يا جماعه مش عارف اقولكم ايه على النقاشات المفيدة و الى مليانه معلومات و فيديوهات كمان :D بمناسبة السرعات و ال ESP و الكلام ده انا كان عندنا نيسان داتسون قديمة موديل 76 كنت بجيب بيها 130 140 على طريق الساحل هاهاها لا تقولى بقى ESP و لا عفشه Multilink و بعدها كان معايا اكسنت ار بي فترة كنت بمشى بيها على 180 و فى مطبات الهواء العربية كانت بتطير من على الارض طير عربيات خفيفه و تودى فى داهيه مع واحد سواقته مجنونه زيى هو انا ما اكدبش عليكم الاسترا كشكل و كتحكم و تابلوه و ثبات و جري ما فيش بعد كدة و فى نفس الوقت الفليوانس عربية اكبر و فيها اوبشنز اكتر شويه و القعده فيها مريحه جدا و انسب كتوكيل و قطع غيار و اعادة بيع كمان فعشان كدة الاختيار صعب و بفكر بقى اسيبنى من كل ده و اعمل زى البرنس و اجيب BMW 320 بس هاتكون فى رينج ال 220 230 ماشية قليل هاتبقى 2010 او 2011 يمكن مش احسن من الفليوانس و الاسترا

الـ320 الشكل اللي فات انشف واثبت من الـf30 الحالية بس ضيقة من ورا شوية وبالنسبة للشكل من وجهة نظري شبابية اكتر من الحالية

بس لو حتجيب الـ320 جديد يبقى دي احسن مع الرينجات والزينون بتقلب الشكل للأحسن بكتير ومريحة اكتر من اللي فاتت بكتير بردو

شئ طبيعي ان العربيات الثابتة جداً تكون ناشفة عن العربيات اللي بتهتم بالراحة على حساب الثبات زي الـc5 والفلوينس هما ثابتين آه بس مش زي الاسترا والكورولا 2014

والـf30 تكتسح وبشدة في النقطة دي .. انا عن نفسي على استعداد اضحي بالاوبشنز عشان الثبات لإن هو دا المتعة بجد مش مجرد زينون تنوره او فتحة سقف تفتحها والسلام

في امان لله

اعتقد الكورولا تكسب ولكن بشرط ان تكون يابانيه الصنع وليس تركى

المشاركة الأصلية كتبت بواسطة hazemgh

اعتقد الكورولا تكسب ولكن بشرط ان تكون يابانيه الصنع وليس تركى

ماتفرقش بلد التقفيل ....... اهم حاجه الامكانيات والقوه وجودة التقفيل والثبات , والحاله العامه بصفة عامه

اقصى ثبات حتلاقيه في الكورولا والفوكاس والاسترا بالنسبة للمذكور لإمتلاكهم التوازن الإلكتروني
بالنسبة للفوكاس في معانا الاستاذ محمد فوزي كلمته من يومين وهو متلك الفوكاس موديل 2012 وهي قاطعة معاه حالياً 50000 كم

وبيقول ان في رجه بتحصل في العربية (احياناً مش دايماً) على السرعات المنخفضة (فقط) والمشكلة دي معاه من اوي ما طلع بالعربية من الصالة يعني من اول يوم حتى الآن

وفي احد الاساتذة بتقول ان الرجة البسيطة دي اللي بتحصل وانت سايق على سرعات منخفضة او في زحمة مثلاً بتكون بسبب الدويل كلاتش وأكده ان الرجة دي شئ طبيعي جداً ومبيعملش اي مشاكل

وصاحب العربية بيقول ان فعلاً الرجة دي بتحصل على الاول والتاني وبالنسبة للتالت بتكون بسيطة جداً وممكن متحسش بيها

على عكس اغلب الناس (الغير مجربين) بيقولو انه يحمل نفس مشاكل الـdsg والفتيس بيجيب آخره على الـ25000 كم وبتضطر تغيره بالشئ الفلاني

للتأكد دا رابط الاستاذ محمد فوزي ممكن تستفسر منه لإن في ناس بتشك كتير اوي من غير ما تجرب
نايل موتورز - NileMotors.net

المشاركة الأصلية كتبت بواسطة J A G U A R

برقبه الفلوانس والاسترا مع احترامى

طبعاً هو لو ناوي يتوكل على الله ويشوفله حتى لو الـ316 الشكل اللي فات حياخد بيها اقوى ثبات واقوى من ثبات الـf30 الحالية بس الناس بتقلق من قطع الغيار والصيانة

بس هي كماركة تستاهل دي bmw مش هيونداي ولا كيا ولمؤخذة