كمبيوتر الموتور مبيقسش ضغط الطلمبه و كل المعادلات متبرمجه على ضغط بنزين ثابت
الكنترول بعد حساب كميه البنزين المناسبه لكميه الهواء اللي الماف بلغه بيها و مع الاخذ في الاعتبارات عوامل تانيه زي درجه حراره الموتور و درجه حراره الهواء اللي داخل عالموتور و عوامل اخرى مش موضوعنا دلوقتي
كميه البنزين دي بتترجم لزمن فتح الرشاش اثناء شوط السحب يعني زي متدوس على جرس الباب تفضل دايس قد اه؟؟؟
او تفتح حنفيه ميه تقفل بعد قد اه دا بيسمى الديوتي سيكل
ودا بيكون بالميللي ثانيه
الرشاش بتاع الفكترا مثلا بيضخ كميه قد كده في الميلي ثانيه عند ضغط قد كدا
خدت بالك من اهميه الضغط في تطبيق نسبه البنزين المناسبه اللي حسبها الكنترول
كميه البنزين = زمن فتح الرشاش x ضغط البنزين عالرشاش x رقم ثابت
اذ اختل الضغط اللي الكنترول متبرمج عليه اختلت الكميه الناسبه
ضغط اقل يعني كميه بنزين اقل يعني مخلوط فقير يعني حساس اكسجين يشوف اكسجين كتير فالعادم يعني يسجل low voltage
المفضلات