جديد ولا مستعمل ؟

**Miss_Pharma** · 24-09-2008 10:05 AM

السلام عليكم ورحمة الله وبركاته ..

في البداية طبعا اشكر الجميع ,اعضاء ومشرفين , على المجهود الرائع المبذول في المنتدى ..
بجد يعني ماشاء الله عليكم ..
طبعا واضح اني عضوة جديدة ودي اول مشاركة ليا ..
انا بصراحة مبفهمش في العربيات ومعنديش اي فكرة عن اي حاجة .. يعني بسيط اوي على ادي كده ..
انا حتى لسه بمتحن للرخصة في الكويت ومش عارفة اخدها وسقط مرتين .. اصل الموضوع هنا صعب اوي .. هبقى احكيلكم بعدين ان شاء الله

المهم انا شغلي هنا مندوبة ادوية واكيد محتاجة العربية جدا جدا في شغلي .. ومحتارة مش عارفة اجيب ايه ..
هل اجيب جديد ولا مستعمل ؟ ولو جديد يبقى ايه العربيات المرشحة .. ولو مستعمل يبقى ايه ..
مبدئيا خلينا في جديد ولا مستعمل ..
اوقات بقول لنفسي مستعمل ,و طبعا عندكم فكرة ان اسعار المستعمل هنا مغرية جدااا .. خصوصا اني عايزاها من 3- 5 سنين مش اكتر وبعدين هبيعها ..
يعني مثلا الكورولا ال used موديل من 2002 ل 2006 سعرها النص بالنسبة للجديد مع فروق بسيطة بين موديل واللي احدث منه تتراوح بالمصري من 2000 ل 10000 جنيه بين الموديل والتاني تقريبا ..
بس المشكلة بقى اني اول مرة هسوق ومعنديش استعداد العربية يكون فيها مشكلة كده ولا كده وتقف بيا في الشارع وانزل افتح الكابوت واقف قدامه مستنية حد ينقذني

ولا وانا بسوق بقى اسمع صوت غريب جاي من هنا ولا من هنا .. هو انا هركز في ايه ولا ايه !! مش كفاية السواقة اصلا ..

وعشان كده ارجع اقول خلينا في الجديد واشتري راحتي .. وتبقى عربيتي على اسمي وتربيتي واكيد ليها احساس تاني برضه.. :p
بس طبعا هتفرق معايا في السعر اوي .. وكمان لما اجي ابيعها بعد ال 5 سنين هخسر فيها جامد ..

معلش انا طولت عليكم .. بس انا فعلا محتاجة مساعدتكم ..
وميرسي مقدما ..

**ZALABANY** · 24-09-2008 10:21 AM

أهلا بحضرتك معانا
عايزه نصيحه اشتري عربيه جديده من بالتقسيط من أي شركة أو بنك بيمول تمويل إسلامي
وهاتقعد معاك 4 او 5 سنين وبعد كده لو هاترجعي مصر نزليها معاكي ساعتها هاتدفعي عليها جمارك كلام فاضي لأن هايتخصم استخدام كل سنه بالإضافه ان نزولها مصر سهل لأنك هاتبقى المالك الأول للسيارة
وربنا يوفقك
على فكره العربية التيدا حلوه جدا والهاتش باك كمان أشيك من السيدان وهاتلاقيها عندك مش غاليه في الإمارات بتعمل حوالي 50 الف درهم

**مصطفى مغربي** · 24-09-2008 11:37 PM

أنا بواجه نفس المشكلة هي المفاضلة بين الجديد و المستعمل وأنا مقتنع اني أشتري عربية جديدة بس في مشكلة أن أي خبطة في العربية الجديدة(((( و خاصة اني حديث سواقة))) بتوجع القلب خاصة لو كانت غالية شوية.
فهناك راي بيقول ان تشتري سيارة مستعملة تتعلم و تخبط فيها بعد كده تشتري جديد .

بس كل الخوف من اعطال المستعملة و قطع غيارها .... بجد حيرة فعلا يارايت تشاركونا الرأي . و أنا بفكر أشتري بيكانتو جديدة ...أيه رأيكم فيها ؟؟؟؟

**blazer** · 24-09-2008 11:53 PM

بوصى القياده فى الكويت غير هنا خاااااااااااااااااااااااا ااالص
هناك فى حاجه بجد اسمها القياده فن و ذوق واخلاق وكمان زودى عليهم الادب بتاع الناس
مفيش سواقين ميكروباص و لا تاكسى من النوع البلطجيه
كمان هناك الشوارف بتبقى بدل الحاره 6 حارات
كمان الشرطه هناك فى خدمه اى حد شعب او مش شعب
هناك الطرق نضيفه جدااااااااااااااااااااا
فانتى لو هتشترى جديد مفيش اى خوف هناك من انك لا قدر اله تعملى حادثه ولا حاجه بسسب الناس اللى موجودين فى مصر (زى اللى بيرجعوا مارشدير على كوبرى 6 اكتوبر وكمان الدائرى)
و طبعا ربنا هو اللى بيستر
فانتى ممكن تشترى عربيه جديده و تنزليها معاكى بس تراعى اولا انها تكون لا تزيد عن 1600 ccعشان الجمارك حبيبه الكل
فبكدا قدامك انك تشترى (كرولا -لانسر-كيا سيراتو -هوند سيفيك-مازدا 3 ) ودى عربيات فى الفئه المتوسطه ممكن تعملها هناك زيرو فى حدود 80000 الف مصر بتزيد و تقل حسب الاوبشن ونوع العربيه
ياما تشترى مستعمل وهناك باى ممكن تشترى اى حاجه وتبيعيها بدون خساره كبيره بلذات العربيات التيوتا لان سعرها هناك فى المستعمل ماسك نفسه شويه
وربنا يوفقك

**Bubbles** · 25-09-2008 02:59 AM

اهلا بحضرتك في المنتدى,,يادكتوره
أفضل الجديد و ده لكذا سبب ,,
انتي MEd rep محتاجه عربيه حتلفي بيها طول اليوم و تكون معمره و قليلة الأعطال يعني يادوب توديها عشان الصيانه الدوريه و بس
الأسعار معقوله في الكويت
الشوارع واسعه مافيش زحمة مصر و السلوك الغير ادمي
قوانين للمرور
شرطه بجد
حاولي تاخدي قرض من الشركه بتاعتك و تسددي المبلغ للشركه ,دي ميزه ف شركات الأدويه من غير فوائد ( انا عملت كده في الصني 3 سنين لف و مشاوير و العربيه فل الفل)
بس كده برشحللك النيسان تيدا أتوماتيك
هوندا سيفيك أتوماتيك
ثم تويوتا كورولآ
و بالتوفيق ,,,

**Nader** · 25-09-2008 03:04 AM

لو مفيش اي فكرة عن الميكانيكا يبقى الجديد اشرف

لكن هذا لا يمنع ضرورة تعلم مبادئ الميكانيكا.

**Miss_Pharma** · 25-09-2008 06:38 AM

المشاركة الأصلية كتبت بواسطة Bubbles

أفضل الجديد و ده لكذا سبب ,,
انتي MEd rep محتاجه عربيه حتلفي بيها طول اليوم و تكون معمره و قليلة الأعطال الأسعار معقوله في الكويت

تمام .. بس المشكلة ان هي كلها 5 سنين بالكتير .. وهوديها فين بعد كده .. لو بعت هناك هخسر كتير .. تقريبا نص تمن العربية..

المشاركة الأصلية كتبت بواسطة Nader

لو مفيش اي فكرة عن الميكانيكا يبقى الجديد اشرف
لكن هذا لا يمنع ضرورة تعلم مبادئ الميكانيكا.

هو للدرجة دي المستعمل متعب ..
انتم بتخوفوني ليه ..

**blazer** · 25-09-2008 07:58 AM

المستعمل مش متعب خالص فى الكويت:):):)
و هناك الناس مش نصابين زى دوله شقيقه كدا كلنا عارفينها
دا غير انك هتشترى العربيه مثلا تكون موديل 2005 وتعتبر ببلاش
وهناك هما بيعملوا الصيانه عند الكفيل مش عند بليه فغالبا هتبقى حاتها ممتازه
بس اهم حاجه ابعدى عن الكامرى والاكورد و اللومينا لان العربيات دى بتبقى طلع عينها تفحيط (يعنى تخميس و دريفتات واللذى منه )

**Miss_Pharma** · 25-09-2008 11:58 PM

المشاركة الأصلية كتبت بواسطة blazer

دا غير انك هتشترى العربيه مثلا تكون موديل 2005 وتعتبر ببلاش
وهناك هما بيعملوا الصيانه عند الكفيل مش عند بليه فغالبا هتبقى حاتها ممتازه

انا فعلا الى حد ما ميالة للمستعمل .. بس لسه مخدتش قرار نهائي ..

الموضوع: جديد ولا مستعمل ؟

LinkBack

أدوات الموضوع

عرض

-

-

-

المواضيع المتشابهه

النترا مستعمل ولا اوبترا مستعمل ولا نيو اكسنت جديد

النترا مستعمل ولا اوبترا مستعمل ولا نيو اكسنت جديد

فيات جراند بونتو جديد و لا اوبل استرا مستعمله ؟؟(جديد ولا مستعمل عموما) !

فيات جراند بونتو جديد و لا اوبل استرا مستعمله ؟؟(جديد ولا مستعمل عموما) !

ارجو النصيحة لوجه الله انا لسه متعلم السواقة جديد اشترى مستعمل ولا جديد؟

الكلمات الدلالية لهذا الموضوع

المفضلات

المفضلات

ضوابط المشاركة