الموضوع: أرجوا أستكمال مساعدتكم لى

أستكمالا للموضوع السابق الخاص بتصديرى للسمكرى من قبل قريبى .
الحمد لله رب العالمين طلبع السمكرى نصاب وحرامى وبينصب على الناس وروحت ودقيت معاه مشكلة والناس أدخلت وحكمت عليه أنه يخلص العربية وأنا هادفع 100 جنية زيادة وطبعا لاقيت الكتيير من جيرانة أفادوا بأنة واطى ودة طبعة وممكن يبوظ حاجات كتيير جدا فيها لو أخدتها منة وودتها لحد تانى وأخدنا وعد بأخر الأسبوع للأستلام .
ونصيحة منى لكل من هم ليس لهم خبرة جيدة فى التعامل مع الصنايعية أن ياخد بالة من السمكرى أسمة هو فى عرب المعادى حرامى كبيير برغم اللحية وعلامة الصلاة وكل الكلام بأأسم الله والصلاة على حضرة النبى صلى الله عليه وسلم.

دلوقتى أنا ليا عندكم كام سؤال برجاء الأيضاح والرد عليهم ربنا يبارك لكم وهما :-

1- عزبة شلبى دى يا جماعه فين وهل هيا أحسن مكان لحاجات الأستيراد أم لا .
2-بالنسبة للفرش هل أجيب طقم كراسى ميتسوبيشى ولا أنجد الكراسى ألى عندى ؟ ولو أشتريت كرسيين هايكونوا فى حدود كام لو سمحتم ؟ وكذلك فرش العربية يكلفنى كام بالجلد بالعزل بكلة ؟
3- الزجاج الكهرباء هل أخلى بتاع الأبواب هو ألى يشتريهم ويركبهم ولا أشترى أنا المكن وهو يركبة والكهربائى ؟ ومحتاج منكم أخبرتكم فى الأسعار .
4-الكانسولة أشتريهم جداد ولا أستيراد ؟
5- لو غيرت اللون أيه الأجراءات ألى هاتبعها من المرور هل أخذ تصرييح بتغيير اللون ولا أعمل أيه ؟
6-تكلفة البوهيه والعزل بالبلاك قد أيه ؟
سامحونى بس أنا وقعت وخلاص والحمد لله

المشاركة الأصلية كتبت بواسطة emad_ms

فعلا عزبة شلبى فى المطرية لاكن اللى قريبة من التوفيقية هى وكالة البلح ودى بلاش تشترى منها لانهم للاسف نصابين افضل اماكن للادا الاستيراد شارع صلاح الدين الاسكندرية ثم الحرفيين القاهرة ثم هزبة شلبى بالنسبة لمكن الزجاج الكهرباء فى محل فى التوفيقية متخصص فى بيع وتركيب السنتر ومكن الزجاج الكهرباء وهو بيعرض عليك عدة انواع وانت بتختار منهم وفية بضمان وبدون ضمان ودة افضل لان لو اشتريت انت وظهر عيب بعد التركيب الصنايعى يقولك العيب فى المكن اللى انت اشتريتة والمحل اللى اشتريت منة يقول ان العيب فى الصنايعى اما بالنسبة للكراسى استشير سروجى كويس هل ممكن تركيب كراسى ميتسوبيشى مكان كراسى الادا بدون تعديل فى مجارى الكرسى لو قالك هيعمل تعديل بلاش لانة بيعمل لحامات وفى الغالب بتكون اى كلام ولو واحد صحتة كويسة ريح شوية على الكرسى بيفك اللحام والحكرسى بيعمل زى كرسى البيت اللى رجلة مكسورة وربنا يسهل لك الامور

تسلم يا بشمهندس على هذة المعلومة هو فعلا هايعدل فى المجارى بتاعه الكرسى .
بشكر حضرتك جزيل الشكر على المعلومة دى