:beatdeadhorse5:اولا السلام عليكم
بصراحة انا اتخنقت منكم يا جماعة والله انا مش عارف ولاول مرة فى حياتى اخذ قرار بشراء اى سيارة الله يسامحكم
شكرا ورمضان كريم
:dunno:
عرض للطباعة
:beatdeadhorse5:اولا السلام عليكم
بصراحة انا اتخنقت منكم يا جماعة والله انا مش عارف ولاول مرة فى حياتى اخذ قرار بشراء اى سيارة الله يسامحكم
شكرا ورمضان كريم
:dunno:
وعليكم السلام ورحمه الله وبركاته
يا باشا ربنا ما يجيب خنقه
اولا انا مقرتش موضوعك
وإن شاء الله حنفيدك
بس انت قول ايه متطلباتك وانا ارد عليك حالا
عايز عربيه جديده ولا كسر زيرو ولا استعمال
مشاويرك كام كم في اليوم في المتوسط وهل بتسافر مشاوير اكتر من 200 كم في العادي
طبيعه الارض هل اسفلت ولا وعره
الميزانيه المقترحه
مكان سكنك علشان لو في توكيل قريب منك
تقديرك للصيانه الدوريه تقدر تدفع كام شهريا
هل ستكون سياره عائليه ام لا هل تفضل هاتشباك
هل اعاده سعر البيع مهم بالنسبه لك علي حساب اشياء اخري
ايه متطلباتك يعني تكيف باور سنتر زجاج Abs Epd فوجات او اي كماليات اخري
وبناء عليه سيتم ترشيح اكتر من سياره إن شاء الله والاختيار لك
ابو اياد
اتخنقت مننا وبعدين رمضان كريم!!
تيجي ازاي دي؟!!
شكرا ابواياد لهذا الرد السربع جدا والغير متوقع ولك ايضا يا نادر باشا وانا مش مخنوق منكم ولا حاجة بس كل لما اقرر نوع سيارة معينة الاقى ناس بتدودينى شمال وناس يمين وهكذا المهم بصوا يا جماعة انا ساكن فى 6 اكتوبر وعملى فى مدينة نصر وضعيف فى السواقة ولهذا بفكر فى الاتوماتيك فى حدود الثمانينات (بفكر فى كيا Rio) فايه رايكم
وشكرا لكم جميعا
هههههههههه >> اتخنقت منناا؟؟ شكرااااا شكراا :biggrin24:
مهلش بس دة طبيعي فى المنتدى ان تلاقي سلبيات و ايجابيات فى اى عربية لان مفيش عربية كاملة و محصلتش و اى عربية فيها عيووب و المنتدى اكيد بيبين كل العيوب زى ما بيبين ككل المميزات و انت عليك انك تحدد ايه هي العيوب اللى ممكن متكونش بالنسبة لك كبيرة و ممكن تتكيف معاها . يعني فى ناس ممكن تستحمل عربية عفشتها ناشفة و رياضية لكن انا مستحملش فى ناس ممكن تستحمل عربية استهلاك بنزينها عالى و مش مشكلة بالنسبة لهم و غيره ميستحملش .. فانت شوف متظلباتك الاول و احتياجاتك و و الميزانية بتاعتك هتقف لحد فين و بعدين نفكر باة ايه احسن الاختيارات
مش ها اضيف اكتر من اللى قالوه الاخوة الافاضل (عفوا والاخوات)
بس هى الفكرة انه فى النهاية قرارك انت ,انت بتسئل وتبحث وتسمع اراء وعلى ضوء اللى بتسمعه واحتياجاتك ومقدرتك بتحدد ماركة وموديل اللى يناسبك زيرو ولا مستعمل ... الخ وتستخير ربنا وتتكل على الله وتجيب عربية وتنزل تطحن معنا فى معمعة الشوارع :2:
لو بتدور على سيارة جديدة يبقى سيريون او افيو اوتوماتيك
لو مستعمل دور على لانسر بومة او نيسان صنى
ولو زودت الرينج حاجة بسيطة جدا (لحد 92 ألف) ممكن تجيب صنى اوتوماتيك زيرو
شكرا نهى شكرا احمد
سوف احكيلكم الموضوع من الاول لو عندكم وقت (مع انى مش فاضى)
الاول خلاص كنت هاهجز Aveo وبعدين قالوليلى انها لا تستاهل قيمتها واللانوس احسن منها قلت خلاص وقلت اجيب لانوس بس انا خايف من سواقتى لانى لسه جديد فى السواقة وساكن فى اكتوبر وماادراكم ما المحور وحوادث المحور فقلت خلاص اجيب اتوماتيك وامبارح قلت هاجيب فرنا مانيوال فول اوبشن لانها حنينة فى السعر وبصراحة كل العربيات واحد بس برضة خايف من حاجتين :
صيانة غبور والمانيوال والمحور
واليوم قلت خلاص اخر قرار الكيا Rio عربية مستوردة كليا
بس هى دى كل الحكاية
شكرا عميد المنتدى الاخ سبعاوى على الاهتمام
ازاى اللانوس احسن من الافيو . الافيو احسن طبعا بس انا مجربتش الاوتوماتيك بتاعها و انا شخصيا افضلها عن الفيرنا عشان مشاكل التوكيل
انا معاك جدااااا فى اختيارك للريو لانها تقفيلها كوري و عربية محترمة جدا
انا لو مكانك و نفس امكانياتك كنت هجيب ريو او سيريون بس موضوغ عفشتها اللى بتدبدب هيخليني اكش منها
كمان توكيل كيا بيديك ضمان 5 سنين او 100 الف كيلو يعني هتبقي مطمن على نفسك و على فلوسك
برده متستعجلش و خد رأى الناس و روح اتفرج عليها و اركبها و شوف هتريحك من جوه ولا لأ و ربنا يكتبلك اللى فيه الخير
ولع فينا ولا يهمك :d:d:d:d
يا باشا انا عن نفسي في قرارات شراء السيارات لا الجأ للسؤال في المنتديات لان كل واحد ليه رأي و هتتلغبط و تزهق خد بقاعدة (قرر بنفسك) اقرا بس و شوف انهي عربية بتلبي احتياجاتك و هاتها غير كده كل واحد بيقول كلام من وجهة نظره ربنا يوفقك :)
شوف ياسيدى انا عن نفسى معجب بالريو تقفيل ممتاز وتوكيل نضيف بس الحقيقة معرفش حاجة عن العربية اكتر من انى شوفتها وركبتها فى التوكيل من غير ما اسوق بالطبع ,بس كنت عامل موضوع منقول من موقع سورى لتقيم الريو لانها منتشرة جدا فى سوريا
الموضوع هنا http://www.nilemotors.net/Nile/showthread.php?t=38785
شوفه وقولى رأيك
بس لى تحفظ على الاتوماتيك فى الريو لانها 1400 سى سى فهتبقى مش قوية لدرجة كافية ده راى وانتظر اراء باقى الاعضاء الافاضل
والله يا جماعة اخلتمونى من ذوقكم وسرعة ردودكم الغير متوقعة بس محدش مهتم بموضوع ضعف السواقة لانى مبتدئى
وشكرا لكم جميعا
مهو انت مش هتفضل مبتدئ لاكتر من سنة بالكتير! بعد كدا هتصورلنا نفسك فيديو وانت بتخمس و بتأمرك :d :d
وانا لو مكانك هشتري لانسر بوما مستعملة بدون تفكير!
موضوع إنك مبتدئ في السواقة ده مش هيقعد كتير يعني كلها شهر ولا شهر و نص و سواقة المانيوال مش هتسببلك أي مشكلة .. كمان السواقة مش الفتيس بس و الجزء الأكبر علي ردود الأفعال و تقدير المسافات و الإلمام بالطريق من حولك خصوصا في الطرق السريعة .
بس انا أرشحلك تجيب أوتوماتك لسبب إن المشوار من أكتوبر لمدينة نصر هيبقي فيه حتت واقفة كتير سواء و إنت راجع أو و إنت رايح و ده مع الوقت و المشوار اليومي هيزهقك من المانيوال .. المشوار هيبقي ماشي محور بس أول ما تخلصه عينك ما تشوف إلا النور .
و عشان يفضل إنك متجبش فتيس أوتوماتك كوري فا برشحلك دايهاتسو سيريون اليابانية أوتوماتك Gl أو Glx حسب إمكانياتك .. الفرق بين الموديلين حجم الكماليات بس الإتنين فيهم الإحتياجات الأساسية ( كاسيت سي دي .. 4 إزاز كهرباء .. تكييف .. باور ) و يزيد الأخير بفرامل Abs + Ebd و جنوط و سبويلر و مسند يد .
و السيريون فيها ميزة إنها 1300 سي سي بس فا هتوفرلك في البنزين لأن مشوارك اليومي طويل و لو جبت عربية 1600 زي الفيرنا مثلاَ هتفرق كتير في إستهلاك البنزين .
ايه رايك فى الريجاتا . صدقنى عسوله:friends: و اقتصاديه فى قطع الغيار و تبعد عنك العين ويجعله عامر :huh:
:lurk5:صديقى ابعد عن الفيات وغنيله
اصدقائى فى السايت الذى اصبحت مدمنه جدا المهم امامى بروتون وايرا موديل 2000 بحالة ممتازة بس مخبوطة خبطات عادية تساوى كام
شكرا
بوص بصه على الجين 2 وكمان على الحاجات المستعمله اللى فى الحدود دى زى النيسان صنى
شوف يا استاذى
باختصار انا هاقولك العربيات الاوتوماتيك اللى فى التمانينات وكلهم كويسين
يعنى الفروق بينهم بسيطه
وانت انزل واختار اللى شكلها تعجبك وترتاحلها وانت قاعد جواها
شيفروليه افيو اوتوماتيك ( 84 الف ) و ب 82 فى رمضان
كيا ريو اوتوماتيك ( 87 الف )
هيونداى نيو اكسنت اوتوماتيك ( 87 الف )
دايهاتسو سيريون اوتوماتيك ( 84 الف )
دايهاتسو سيريون اوتوماتيك Glx ب ( 89 الف )
ههههههههه
و الله حضرتك دمك زي العسل :)
قول بس ايه متلطباتك و حدود سعرك و عاوز هاتش باك ولا سيدان
كوري ولا ياباني و لا اوربي ولا مش فارق معاك
و تاخد الاراء كلها و العربيه اللي ترتاح لها اشتريها :)
الاستفتاء ما جاوبتش عليه
علشان انا لما بشتري عربيه بسأل الناس اللي معاهم العربيه
و بجربها و اعرف اذا كانت تناسبني ولا لاء
شكرا على الرد الجميل يا مستر حازم وكل عام وانت والاسرة كلها بخير
اما بخصوص طلباتى فأنا أريد سيارة اتوماتيك عشان مشاورى طويل ولو مستعمل نديف يبقى 10\10
وشكرا
يوجد سياره لانسر استعمال بنوته 1300
اوتوماتيك 2007 عامله 30000 كم
استعمال راقى جدااااااااااااااا
اللون شامبين زى الجديده
انا فاعل خير و مليش اى مصلحه
تليفوتى 0100010073
اخوكم خالد
شكرا يا فاعل الخير بس ياريت تكمل الخير بتاعك ويكون السعر فى الحنين ;):seeya:
انا بصراحه مش عارف سعر العربيه كام او تساوى كام بس العربيه حاله حلوه
طب مين اللى حايعرف
ههههههههه والله الراجل الي كاتب الموضوع دة بيوصف نفس حالتي بقالي شهرين عايز أجيب عربية ومش عارف:
-قلت أجيب جولف 3 اوتماتيك 1600 في حدود 50 او 55 الف موديل 94 ولا 95 كل الناس قعدت تقلي ابعد عن الجولف الاوتماتيك سوقها واقف وموديل مش محبوب .
- قلولي هات لانسر على الرغم اني مبحبهاش بس قلت علشان الاوتماتيك كلة يهون ملقيتش غير البومة الي انا اصلا بكرها علشان كتر انتشارها دة
-قلت اجيب هوندا سيفيك مو 95 ولا 96 برضة 1600 واتوماتيك وفيها كل الي انا عايزة وبحب شكلها قعدوا يصوتوا قطع غيارها غالية وحرام عليك حتخسر فيها.
انا خلاص جبت جاز وبقالي اسبوعين متابع كل العربيات في السوق وعلى النت ومش عارف اخد قرار ...............
يا جماعه صاحبه العربيه طالبه 90000
وانا فاعل خير مليش دعوه وربنا يوفق الجميه
وكل عام وانتوا بخير
الاخ Hafez35 عندى ليك اقتراح اتمنى يعجبك انت تجيب عربية بيتلز يعنى فولكس فى حدود 12 الف العربية دى زلطة اذا كنت مش اوى فى السواقة العربية دى هتظبطلك كل حاجة عارف انا لى واحد صاحبى جابها و اتقلب بيها ممتازة اول ما اتقلبت نزلت على سقفها اللى ذى الخوذة ده و راحت معدولة تانى و هو الحمد لله زى الفل
عم حافظ ، ،
صباح الفل .
نصيحة ، ابعد فكرة العربية اصلا من دماغك و اضيها تكسيات و مشاريع و مشى رجليك شويه و نزل الكرش ( لو فيه )
والله موافق بس ياريت تعوضنى عن كدة وتشوفلى شقة سكنية مصيفية بسعر معقول قريبة لسيدى بشر او فى باكوس
شكرا
فى حدود كام ؟ و مواصفتها ايه ؟
يعنى حجرتين وصالة فقط تنفع سكن ومصيف فى نفس الوقت ولو مصيف بس ممكن فى شارع 45 وتكون قريبى لميامى والسنترال وشارع اسكندر ابراهيم
وشكرا
الموضوع قلب جو شقق ليه كده؟:)
لا يا عم امكانياتى ضعيفة مش كدة انا عايز شقة متواضعة هاستعملها شهر فى السنة بس
مابلاش كسوف بأة
انت راجل زي العسلاقتباس:
مابلاش كسوف بأة
هههههههههه