الموضوع: جديد على الكارينز و بعض الاستفسارات

المشاركة الأصلية كتبت بواسطة sherif khalifa

السلام عليكم
الحمد لله ربنا رزقنى بعربية كارينز 2011 عاملة 39 الف بيز لاين اوتو

بس عندى شوية اسئلة

1- الدركسيون خفيف لما بلفة شمال و تقيل فية عضة بسيطة و انا بلف يمين و حاسس ان الزواية مش مظبوط
المهم ان دركسيوت العربية كا كل حاسس ان فى حاجة مش مظبطة معايا للاسف ماكنتش واضحة معاية فى الكشف على العربية
- دى ممكن تكون علبة دركسيون ولا بارات فيها مشكلة ؟

2- المراية الشمال مش عارف اوجها لاقصى الشمال و بلاقى المتور بتاعها بيطق فى الاخر


3- فى تكة بسمعها فى الفتيس كل ما ما بدوس على دواسة الفرامل غالبا زى قفل على عصاية الفتيس بس التكة صوتها مسموع بسيط

4- العربية شاريها من تاجر بس سألت على الضمان لقيتة موجود بس معرفش صيانات العربية كانت بتتعمل فى التوكيل ولا لا و التوكيل مش عارف علشان فى مشكلة فى السيستم !!!

- فا هل لو صاحب العربية الاصلى مكنش بيعمل صيانة فى التوكيل كدة الضمان اتلغى ولا لسة موجود على اجزاء العربية زى علبة الدركسيون ؟؟؟

5- محتاج اعمل صيانة ال 40 الف و لسة مش عارف هكمل فى التوكيل ولا برة
لو برة هتتكلف كام لان التوكيل قال 1400 جم

و فين مركز صيانة كويس فى اكتوبر او الدقى اة حوالين الجيزة

بص صراحه العيب رقم واحد معرفش في

٢-المرايه اتخبطت جامد وهو ماشي او وهيا وقفه بمعني اصح ماتورها باظ حلها كان تغير مرايه حتي لما تجيبها اقصي يمين او شما بتق تق

٣-التكه ديه فوجئت بيها بعد عمل الصيانه وان شاء الله هرجعلهم لانها مزعجع وقلقه نوعا ما

٤-حضرتك لازم يكون معاك دفتر الضمان عشان هوه ده ضمان العربيه واللي بيتسجل فيه تاريخ عمل الصيانات

اتمني اكون قدرت اساعد حضرتك

ا/ شريف بالنسبه لموضوع الدركسيون لوكان قصدك انك بتحس برجة انا كان معايا كارينز 2013 شاريها زيرو خليجى لما رحت اعمل صيانة ال 1000فى مركز امير وجوزيف قلتله من اول يوم والدركسيون بحس فيه برجة لما الفة على الاخر قالولى هناك العربية مافيهاش حاجة تعمل ستوب للدركسيون او حاجة تصد يعنى لما بتلفة على الاخر حديد بيضرب فى حديد علشان كدة بتحس برجة فى الدركسيون هذا والله اعلم
وبالنسبه لموضوع الصيانه لو العربيه خليجى يبقى هتعمل كل الصيانات على حسابك
ارجو اكون افدتك