استفسار كيا بيكانتو 2010

**essam assem** · 13-01-2014 04:51 PM

السلام عليكم السادة اعضاء المنتدى المحترمين

اولا -كنت بسال على افضل مقاس كوتش للعربية مع الاخذ فى الاعتبار ان العربية بتعمل كيلو متر عالى جدااا وبتمشى فى طرق غير ممهدة ؟؟؟

وثانيا انا اشتريت العربية وهى عاملة 23000 كيلو من 2010 عايز اعرف اية الصيانة المطلوبة ليها عشان اروح اعملها

ثالثا -اتمنى ان لو فى موضوع حديث عن اسعار قطع غيار العربية الاخوة تنزل اللينك الخاص بية

وشكرا وتحياتى للجميع

**sonybony** · 13-01-2014 05:09 PM

انسب مقاس 13 الحديد العادي هوه ده بتاع طرقنا الجميله ولك خالص التحيه ومبروك عليك

**essam assem** · 13-01-2014 05:14 PM

المشاركة الأصلية كتبت بواسطة sonybony

انسب مقاس 13 الحديد العادي هوه ده بتاع طرقنا الجميله ولك خالص التحيه ومبروك عليك

انا متشكر جدا يا فندم لرد حضرتك ومرورك الكريم بس الحقيقة انا كنت عايز اعرف انسب مقاس كوتش لجنط 13
وتحياتى لشخصك الكريم وللجميع

**sonybony** · 13-01-2014 05:23 PM

لا شكر علي واجب وكلنا بنساعد بعض بس عامه خليك قي الاستاندرد اللي هو 175/ 70 مثا عشان يبقي سمكه عالي ويستحمل المطبات وفيه انواع تركي كويسه دلوقتي وربنا يسترها معانا كلنا انشالله ولك كل التحيه

**abduo882000** · 13-01-2014 07:05 PM

الجنوط الاستاندرد اللي بتنزل بيها 14 165/65 ودي كويسة في المطبات وبتستحمل علشان حديد
انما لو عاوز تركب حاجة شكلها رياضي ممكن 15 175/55 وده اللي بنزل في الخليجي الفول اوبشنز

**ENG\AHMED** · 13-01-2014 08:25 PM

افضل مقاش هو الفابريكة 14" .... هتلاقى المقاسات على القايم بتاع السواق

بالنسبة للصيانة اعتقد هتعمل صيانة ال 60 يعنى سيور وفلاتر وزيوت وكله

**ahmedsrs** · 13-01-2014 08:33 PM

حاول تجيب قطع الغيار الاصلية عشان تحافظ علي العربية

**abduo882000** · 14-01-2014 02:28 PM

المشاركة الأصلية كتبت بواسطة eng\ahmed

افضل مقاش هو الفابريكة 14" .... هتلاقى المقاسات على القايم بتاع السواق

بالنسبة للصيانة اعتقد هتعمل صيانة ال 60 يعنى سيور وفلاتر وزيوت وكله

كلام حضرتك مظبوط فعلا بيبق على قايم باب السائق وبتبق حسب استخدامك للعربية لو فردين او ثلاثة او خمس افراد والشنطة في حاجات بردو,, بس في حاجة عاوز اعرفها هل لما الجنط بيكبر بتحس بالمطبات والكسر اللى بيبق في الطريق اكتر ولا العكس

**essam assem** · 14-01-2014 09:09 PM

طيب بصو يا جماعة المقاس دة فى واحد شكرلى فية اوووى النهاردة 14 - 185/85
وممكن توصية بقى من سيادتكم بنوع الكوتش انا عارف ان البريدج ستون لا يعلى علية بس غالى اووى الصراحة لو فى نوع طورى او ماليزى مثلا ويبقى كويس ويستحمل الهرس بتاع العربية طول اليوم يبقى كتر خيركم
وتحياتى للجميع

**ENG\AHMED** · 14-01-2014 10:44 PM

المشاركة الأصلية كتبت بواسطة abduo882000

كلام حضرتك مظبوط فعلا بيبق على قايم باب السائق وبتبق حسب استخدامك للعربية لو فردين او ثلاثة او خمس افراد والشنطة في حاجات بردو,, بس في حاجة عاوز اعرفها هل لما الجنط بيكبر بتحس بالمطبات والكسر اللى بيبق في الطريق اكتر ولا العكس

كل لما الجنوط يكبر ارتفاع الكاوتش هيقل علشان تحافظ على القطر الخارجى للعجلة علشان قراءة عداد السرعة
وبالتالى مع صغر ارتفاع الكاوتش هيزيد الاحساس بالمطبات