تجربة قيادة Hyundai Azera بالعربي

**J A G U A R** · 14-01-2014 01:15 AM

الازيرا اكتر عربيه بحترمها فى هيونداى

**برنس الليالي** · 14-01-2014 04:28 AM

المشاركة الأصلية كتبت بواسطة Hunting_Eagle

شكرا يا زعيم على الفيديو

بس بردو مين المتسول اللي دخل كيا كوريس في مصر؟؟

انا مش عارف هو في ايه

انا شفتها انهاردا فعلاً والله في سموحة كان لونها اسود وشكلها يرعب بس هو يعني حابب يكون مميز

المشاركة الأصلية كتبت بواسطة Samir Elshahawy

العربيات دي هي المعني الحقيقي للعربيات مش شوية الصفيح اللي أحنا راكبينه هنا
الازيرا و الجينسيس و الاي أكس 35 و الاشد منهم سواء أوروبي أو ياباني ركبتهم تاكسي في دول بشرق و غرب أفريقيا اللي كانوا في يوم بالنسبة لنا قرود بتعيش علي الشجر

منه لله بقي اللي كان السبب - الله يرحمك يا جلالة الملك فاروق يا ملك مصر و السودان

عربيات محترمة فعلاً جودة خارقة واوبشنز واداء عالي جداً ... هو بصراحة حاجة توكس اني اسمع منك ان الازيرا والجينيسيس موجودين تاكسيات هناك لإني سمعت بردو من أخ معانا انه ركب كرايسلر 300 وحاجات مندي .. ربنا موجود

المشاركة الأصلية كتبت بواسطة J A G U A R

الازيرا اكتر عربيه بحترمها فى هيونداى

وفرق بينها وبين الجينيسيس عندنا في مصر 15 الف بس كشكل انا افضل الازيرا وافضل الكادينزا عليهم هما الاتنين شكلاً

**برنس الليالي** · 14-01-2014 09:54 PM

المشاركة الأصلية كتبت بواسطة Hunting_Eagle

انا مصدقك و الله مش بكدبك .. انا مستغرب اللي يشتري عربية زي دي تلاقيها داخلة في المليون بدل ما يشتري حاجة تساوي فعلا المليون .. او حتى تساوي نصف مليون

تحياتي

:)

على فكرة كل شئ موجود بسعره اياً كان كوري او الماني يعني مثلاً لو تيجي تشوف التقرير بتاع الهيونداي ازيرا حتلاقيها وخدة تقييم جودة 4\5 مقارنةً بالموجود في فئتها وكذلك قوة الثبات والموتور ودا حسب كلام الناس اللي بتعمل الريفيوز يعني كل شئ بتمنه ومينفعش الواحد يحط في دماغة ان جودة الفيرنا زي الجينيسيس مثلاً لا دا كلام مش مظبوط يا باشا وحتلاقي الكوريس اقوى من الجينيسيس والازيرا كمان في حتة الـquality دي ودايماً الشركات الكوري في تحسن وبينافسو فعلاً بقوة

**Hunting_Eagle** · 15-01-2014 01:26 AM

المشاركة الأصلية كتبت بواسطة برنس الليالي

على فكرة كل شئ موجود بسعره اياً كان كوري او الماني يعني مثلاً لو تيجي تشوف التقرير بتاع الهيونداي ازيرا حتلاقيها وخدة تقييم جودة 4\5 مقارنةً بالموجود في فئتها وكذلك قوة الثبات والموتور ودا حسب كلام الناس اللي بتعمل الريفيوز يعني كل شئ بتمنه ومينفعش الواحد يحط في دماغة ان جودة الفيرنا زي الجينيسيس مثلاً لا دا كلام مش مظبوط يا باشا وحتلاقي الكوريس اقوى من الجينيسيس والازيرا كمان في حتة الـquality دي ودايماً الشركات الكوري في تحسن وبينافسو فعلاً بقوة

انا ما قولتش ان الكوريس جودتها مش قد كده او زي جودة الفيرنا

على العكس .. انا شوفت العربية على الطبيعة في المعرض .. وهي فعلا خاماتها و جودتها عالية جدا .. حتى الازيرا سوقتها مرة كانت عربية واحد صاحبي .. و السوناتا بردو ركبتها بس ما سوقتهاش .. يعني عارف الفرق ما بين الفيرنا و الكوريس

بس زي ما بتقول بتمنه مش بضعفين تمنه .. وده اللي يخليني استغرب لما الاقي واحد جايب عربية تمنها اضعاف تمنها الحقيقي بس علشان يبقى مختلف .. يعني عربية زي دي تمنها الفعلي حوالي 350 الف .. انما شوفها بعد الضرايب بالموتور ال 3300 هنلاقي تمنها بعد الضرايب داخل على المليون ..

عموما هي قوانين الضرايب بتخلي عربيات كتير اوي و كويسة اوي ولا نعرف عنها حاجة و عربيات تانية اخرها صندوق الزبالة مالية الشوارع

**برنس الليالي** · 15-01-2014 03:56 AM

المشاركة الأصلية كتبت بواسطة Hunting_Eagle

انا ما قولتش ان الكوريس جودتها مش قد كده او زي جودة الفيرنا

على العكس .. انا شوفت العربية على الطبيعة في المعرض .. وهي فعلا خاماتها و جودتها عالية جدا .. حتى الازيرا سوقتها مرة كانت عربية واحد صاحبي .. و السوناتا بردو ركبتها بس ما سوقتهاش .. يعني عارف الفرق ما بين الفيرنا و الكوريس

بس زي ما بتقول بتمنه مش بضعفين تمنه .. وده اللي يخليني استغرب لما الاقي واحد جايب عربية تمنها اضعاف تمنها الحقيقي بس علشان يبقى مختلف .. يعني عربية زي دي تمنها الفعلي حوالي 350 الف .. انما شوفها بعد الضرايب بالموتور ال 3300 هنلاقي تمنها بعد الضرايب داخل على المليون ..

عموما هي قوانين الضرايب بتخلي عربيات كتير اوي و كويسة اوي ولا نعرف عنها حاجة و عربيات تانية اخرها صندوق الزبالة مالية الشوارع

عندك حق ... لما عربية بتنزل بمحرك جامد شويتين بنسمع اسعار زبالة ... على فكرة الازيرا بـ31 الف دولار للفئة العالية يعني بالجنيه المصري 217 الف تقريباً

بس عباد الفلوس نزلوها بـ710 الف واختها الجينيسيس بـ725 الف .. وهنا تسئل نفسك تجبها ولا تجيب الـ528i ولا e250

مع ان الازيرا بردو كشكل وفخامة مغرية وغير طبيعية بالمرة وشكلها من جوا يفوق الوصف

مع ان التقييم بتاع الازيرا حيعجبك اوي ... هي اتعملها التجربة دي في دبي تبع موقع speeed بص كدا التقييم

- حضرتك سقت الازيرا مش كدا ؟ 2013 ولا كام ؟ يعني الشكل الحالي دا ولا اللي قبلها ؟ وايه اللي عجبك فيها ؟

**Hunting_Eagle** · 15-01-2014 04:44 PM

المشاركة الأصلية كتبت بواسطة برنس الليالي

عندك حق ... لما عربية بتنزل بمحرك جامد شويتين بنسمع اسعار زبالة ... على فكرة الازيرا بـ31 الف دولار للفئة العالية يعني بالجنيه المصري 217 الف تقريباً

بس عباد الفلوس نزلوها بـ710 الف واختها الجينيسيس بـ725 الف .. وهنا تسئل نفسك تجبها ولا تجيب الـ528i ولا e250

مع ان الازيرا بردو كشكل وفخامة مغرية وغير طبيعية بالمرة وشكلها من جوا يفوق الوصف

مع ان التقييم بتاع الازيرا حيعجبك اوي ... هي اتعملها التجربة دي في دبي تبع موقع speeed بص كدا التقييم

تكملة لكلامك .. سعر الجنيسيس الحقيقي من غير ضرايب حوالي 300 الف تقريبا

يعني نقدر نقول بحسبة بسيطة ان قيمة الجينسيس تساوي مرة و نصف قيمة الازيرا

شوف بقى الضرايب عملت ايه

زي ما حضرتك قولت سعر الازيرا بعد الضرايب بقى تقريبا نفس سعر الجنيسيس .. يعني رفع سعر العربية و دخلها في مقارنة سعرية مع عربية اعلى منها .. و طبعا دخول العربية في مقارنات تاني خيالية مع ال 5 Series و E Class

وكل ده بسبب موتور قوي و استهلاكه للبنزين زي استهلاك الموتور الضعيف

**Hunting_Eagle** · 15-01-2014 04:57 PM

[QUOTE

- حضرتك سقت الازيرا مش كدا ؟ 2013 ولا كام ؟ يعني الشكل الحالي دا ولا اللي قبلها ؟ وايه اللي عجبك فيها ؟[/QUOTE]

اللي سوقتها كانت موديل 2012 .. نفس الشكل اللي في الفيديو

موتور تقريبا 3.0 ليتر و لو فاكر صح كان 260 او 270 حصان تقريبا

طبعا اكتر حاجة لفتت انتباهي الموتور .. لان عربيتي 180 حصان فده كان اكتر حاجة عاجباني

الثبات كويس .. بس ثبات المازدا احسن منها

من جوه العربية كانت Full Options فالخامات كويسة جدا .. بس انا معجبنيش التصاميم الداخلية مش علشان حاجة غير اني مبحبش المنحنيات و بميل اكتر للخطوط المستقيمة

شكلها من بره باليل كلمة واحدة توصفه .. وهمي

في شريط LED لما بينور يخليك تحس انها عربية من كوكب تاني

تحياتي