تجربة قيادة Hyundai Azera بالعربي

**برنس الليالي** · 14-01-2014 12:04 AM

السلام عليكم شباب
حبيت اشارككم الفيديو دا فيه تجربة قيادة البدعة الكورية Azera
ولو ان سعر الـAzera ممكن تمتلك بيه E250 AMG او جاجوار XF بس ياللا اللي غاوي ينقط

Hyundai Azera 2014 - هيونداي ازيرا - YouTube

العربية دي سعرها في بلدها 31 الف دولار يعني 217 الف جنيه مش عارف مين المتسول اللي دخلها مصر بـ710 الف

ربنا يورينا فيه يوم عاصف وانهاردا يا شباب والله شوفت الكيا كوريس في سموحة - الاسكندرية وشكلها يحل من على حبل المشنقة

**Hunting_Eagle** · 14-01-2014 12:54 AM

شكرا يا زعيم على الفيديو

بس بردو مين المتسول اللي دخل كيا كوريس في مصر؟؟

**Samir Elshahawy** · 14-01-2014 12:58 AM

العربيات دي هي المعني الحقيقي للعربيات مش شوية الصفيح اللي أحنا راكبينه هنا
الازيرا و الجينسيس و الاي أكس 35 و الاشد منهم سواء أوروبي أو ياباني ركبتهم تاكسي في دول بشرق و غرب أفريقيا اللي كانوا في يوم بالنسبة لنا قرود بتعيش علي الشجر

منه لله بقي اللي كان السبب - الله يرحمك يا جلالة الملك فاروق يا ملك مصر و السودان

**J A G U A R** · 14-01-2014 01:15 AM

الازيرا اكتر عربيه بحترمها فى هيونداى

**برنس الليالي** · 14-01-2014 04:28 AM

المشاركة الأصلية كتبت بواسطة Hunting_Eagle

شكرا يا زعيم على الفيديو

بس بردو مين المتسول اللي دخل كيا كوريس في مصر؟؟

انا مش عارف هو في ايه

انا شفتها انهاردا فعلاً والله في سموحة كان لونها اسود وشكلها يرعب بس هو يعني حابب يكون مميز

المشاركة الأصلية كتبت بواسطة Samir Elshahawy

العربيات دي هي المعني الحقيقي للعربيات مش شوية الصفيح اللي أحنا راكبينه هنا
الازيرا و الجينسيس و الاي أكس 35 و الاشد منهم سواء أوروبي أو ياباني ركبتهم تاكسي في دول بشرق و غرب أفريقيا اللي كانوا في يوم بالنسبة لنا قرود بتعيش علي الشجر

منه لله بقي اللي كان السبب - الله يرحمك يا جلالة الملك فاروق يا ملك مصر و السودان

عربيات محترمة فعلاً جودة خارقة واوبشنز واداء عالي جداً ... هو بصراحة حاجة توكس اني اسمع منك ان الازيرا والجينيسيس موجودين تاكسيات هناك لإني سمعت بردو من أخ معانا انه ركب كرايسلر 300 وحاجات مندي .. ربنا موجود

المشاركة الأصلية كتبت بواسطة J A G U A R

الازيرا اكتر عربيه بحترمها فى هيونداى

وفرق بينها وبين الجينيسيس عندنا في مصر 15 الف بس كشكل انا افضل الازيرا وافضل الكادينزا عليهم هما الاتنين شكلاً

**saddam** · 14-01-2014 06:34 AM

المشاركة الأصلية كتبت بواسطة samir elshahawy

العربيات دي هي المعني الحقيقي للعربيات مش شوية الصفيح اللي أحنا راكبينه هنا
الازيرا و الجينسيس و الاي أكس 35 و الاشد منهم سواء أوروبي أو ياباني ركبتهم تاكسي في دول بشرق و غرب أفريقيا اللي كانوا في يوم بالنسبة لنا قرود بتعيش علي الشجر

منه لله بقي اللي كان السبب - الله يرحمك يا جلالة الملك فاروق يا ملك مصر و السودان

صديقي المواطن
أكثر ما شدني في تعليقك حبك للملكية وأنا طول عمري بقول مصر لن ينصلح حالها كدولة عربية إن ظلت جمهورية فالملوك ناس شبعانة لكن الجمهوريات مش عايزين نقول ناس جعانة بس حضرتك تفرج على مصر وإنت تعرف بص حوالينا الدول العربية وشوف كل من تجد جنبه كلمة نظام جمهوري إعرف إن البلد دي جعانة وبتاعت قلاقل واللي حكامها بالوراثة 90% منهم مستقرين وأهلها شبعانين وشوارعهم ومدنهم نظيفة
نسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Hunting_Eagle** · 14-01-2014 08:07 PM

المشاركة الأصلية كتبت بواسطة برنس الليالي

انا مش عارف هو في ايه

انا شفتها انهاردا فعلاً والله في سموحة كان لونها اسود وشكلها يرعب بس هو يعني حابب يكون مميز

انا مصدقك و الله مش بكدبك .. انا مستغرب اللي يشتري عربية زي دي تلاقيها داخلة في المليون بدل ما يشتري حاجة تساوي فعلا المليون .. او حتى تساوي نصف مليون

تحياتي

:)

**برنس الليالي** · 14-01-2014 09:54 PM

المشاركة الأصلية كتبت بواسطة Hunting_Eagle

انا مصدقك و الله مش بكدبك .. انا مستغرب اللي يشتري عربية زي دي تلاقيها داخلة في المليون بدل ما يشتري حاجة تساوي فعلا المليون .. او حتى تساوي نصف مليون

تحياتي

:)

على فكرة كل شئ موجود بسعره اياً كان كوري او الماني يعني مثلاً لو تيجي تشوف التقرير بتاع الهيونداي ازيرا حتلاقيها وخدة تقييم جودة 4\5 مقارنةً بالموجود في فئتها وكذلك قوة الثبات والموتور ودا حسب كلام الناس اللي بتعمل الريفيوز يعني كل شئ بتمنه ومينفعش الواحد يحط في دماغة ان جودة الفيرنا زي الجينيسيس مثلاً لا دا كلام مش مظبوط يا باشا وحتلاقي الكوريس اقوى من الجينيسيس والازيرا كمان في حتة الـquality دي ودايماً الشركات الكوري في تحسن وبينافسو فعلاً بقوة

**Hunting_Eagle** · 15-01-2014 01:26 AM

المشاركة الأصلية كتبت بواسطة برنس الليالي

على فكرة كل شئ موجود بسعره اياً كان كوري او الماني يعني مثلاً لو تيجي تشوف التقرير بتاع الهيونداي ازيرا حتلاقيها وخدة تقييم جودة 4\5 مقارنةً بالموجود في فئتها وكذلك قوة الثبات والموتور ودا حسب كلام الناس اللي بتعمل الريفيوز يعني كل شئ بتمنه ومينفعش الواحد يحط في دماغة ان جودة الفيرنا زي الجينيسيس مثلاً لا دا كلام مش مظبوط يا باشا وحتلاقي الكوريس اقوى من الجينيسيس والازيرا كمان في حتة الـquality دي ودايماً الشركات الكوري في تحسن وبينافسو فعلاً بقوة

انا ما قولتش ان الكوريس جودتها مش قد كده او زي جودة الفيرنا

على العكس .. انا شوفت العربية على الطبيعة في المعرض .. وهي فعلا خاماتها و جودتها عالية جدا .. حتى الازيرا سوقتها مرة كانت عربية واحد صاحبي .. و السوناتا بردو ركبتها بس ما سوقتهاش .. يعني عارف الفرق ما بين الفيرنا و الكوريس

بس زي ما بتقول بتمنه مش بضعفين تمنه .. وده اللي يخليني استغرب لما الاقي واحد جايب عربية تمنها اضعاف تمنها الحقيقي بس علشان يبقى مختلف .. يعني عربية زي دي تمنها الفعلي حوالي 350 الف .. انما شوفها بعد الضرايب بالموتور ال 3300 هنلاقي تمنها بعد الضرايب داخل على المليون ..

عموما هي قوانين الضرايب بتخلي عربيات كتير اوي و كويسة اوي ولا نعرف عنها حاجة و عربيات تانية اخرها صندوق الزبالة مالية الشوارع