طلب مساعدة بخصوص السيراتو ٢٠١٤

**برنس الليالي** · 14-01-2014 09:51 PM

المشاركة الأصلية كتبت بواسطة Ahmed TRAVCO

هي السيراتو هتكون طبعا اقل في نظام التعليق والثبات من الهوندا... انما برضه ثباتها مش وحش ويعوض ذلك شكلها الجبار خصوصا الهايلاين بالليدات وكده... بصراحة عربية بدأت احترمها جدا وشايفها افضل بمراحل من الالنترا في كل شيء!!

اي عربية مفيهاش esp بتكون زي التانية في الثبات ولو في اختلاف حيكون اختلاف لا يذكر دا حسب تجارب euroncap حتلاقي كل العربيات من كل الفئات زي بعضها في الثبات إلا عند تفعيل الـesp الثبات بيختلف

النيو سيراتو فيها نظام تغيير وضع القيادة sport - normal - comfort ودا بيغير من وضع الطارة ودا حيديه تحكم اكبر في العربية

**Ahmed TRAVCO** · 14-01-2014 10:57 PM

المشاركة الأصلية كتبت بواسطة برنس الليالي

اي عربية مفيهاش esp بتكون زي التانية في الثبات ولو في اختلاف حيكون اختلاف لا يذكر دا حسب تجارب euroncap حتلاقي كل العربيات من كل الفئات زي بعضها في الثبات إلا عند تفعيل الـesp الثبات بيختلف

النيو سيراتو فيها نظام تغيير وضع القيادة sport - normal - comfort ودا بيغير من وضع الطارة ودا حيديه تحكم اكبر في العربية

اللي اعرفه ان الثبات فعلا هيكون متقارب لو طريق مستوى ومستقيم، غير كده ومع اول ملف او مطب هوا مثلا لازم هتكون فيه فروق... ومش بس الـesp اللي هيفرق في الثبات وحضرتك اكيد اعلم مني بده، فيه مركز التقل... الأيرودايناميكس... طول قاعدة العجلات... عرض العربية... الخلوص الأرضي... وطبعا طبعا نظام التعليق: عندك دايما الناس بتتحاكى بثبات السوبارو لأنها ببساطة دفع رباعي (مع ان مفيهاش esp مثلا) ودايما بنقول ثبات السيفيك والشارك افضل مثلا من الكورولا والنيسان لأنهم ملتي لينك والتانيين تورشن بيم... الخ.
فانا اعتقد ان نظام تعليق السيفيك حتما هيديها الأفضلية في الثبات عن السيراتو!!

**Maged93** · 15-01-2014 10:08 AM

المشاركة الأصلية كتبت بواسطة Dr.saad

انا معايا سيفك ٢٠٠٧ بس بيتاعت الشغل و ققرت اجيب عربية لنفسي و اكتر حاجة شاداني السيراتو الجديدة فطالب
منكم تنصحوني اجيب العربية و لا و كمان هل هحس بفرق اداء السيفك و اداء الكيا مع العلم ان السيفك الي معايا
مفهاش اي اوشنز هيا فاضية و انشاء الله لو هجيب السيراتو هجيب الفئة العالية ...و شكرااااا

انا للاسف مقدرش اقول لحضرتك احسن ولاراوحش وانا مجربتش الهوندا بس الصراحه السيراتو تقدمت واختلفت اختلاف كلي عن الموديل القديم :١-العزل بالنسبه لصوت الماتور اما بتعمل كيك بتبدا تسمع صوت بس صوت ناعم وخفيف ومش مزعج اما بالنسبه لعزل الصوت انت لمجرد انك تقفل الازاز لو واحد بيضرب كلاكس جامد ولا هتسمعه وممكن لو حكيت حاجه بسيطه ممكن متحسش بيها بالنسبه بردو للسرعات وانت قافل الازاز لغايه ١٤٠ انت مش حاسس بحاجه لماتوصل لل١٦٠ تبدا تحس بمطبات الهوا بس

٢-الموتور قوي وجربت اجري بيه بس لسه مجربتش الاستيب ترونك وصلت ل ١٨٠ بالكيك وحسيت انها مكمله بس الطريق مكانش مساعد

٣-العفشه انا جربت امشي علي نقر بس بسرعه منخفضه ولا بتحس بيهم اما بمشي عليها بسرعه بحس بيها بس مش اوي برضو جربت ادخل ملف علي ال١٦٠ العربيه ثابته ولا لاقيت اي مشكله او حتي حسيت انها بتعوم او اي حاجه

٤-الفرامل انا الفرامل اللي عندي مش abs بس كويسه وقويه واستخدمت الفرامل كذا مره ضغط عليا للاخر والحمدلله فرملت ومراحتش لا يمين ولا شمال وهيا في المجمل كويسه جدا

٥-الباور الدركسيون بيكون ناعم جدا وانت واقف لمجرد انك تمشي بيبدأ يتقل ولو مثلا انت علي رمله ودوست كيك هتلاقي الدركسيون هيتقل اكتر ومع السرعات بيبدا يتقل ملحوظه (الفئه اللي معايا اول فئه اوتوماتيك )

اي استفسار انا معاك وتحت امرك

**Dr.saad** · 16-01-2014 04:11 AM

المشاركة الأصلية كتبت بواسطة Maged93

انا للاسف مقدرش اقول لحضرتك احسن ولاراوحش وانا مجربتش الهوندا بس الصراحه السيراتو تقدمت واختلفت اختلاف كلي عن الموديل القديم :١-العزل بالنسبه لصوت الماتور اما بتعمل كيك بتبدا تسمع صوت بس صوت ناعم وخفيف ومش مزعج اما بالنسبه لعزل الصوت انت لمجرد انك تقفل الازاز لو واحد بيضرب كلاكس جامد ولا هتسمعه وممكن لو حكيت حاجه بسيطه ممكن متحسش بيها بالنسبه بردو للسرعات وانت قافل الازاز لغايه ١٤٠ انت مش حاسس بحاجه لماتوصل لل١٦٠ تبدا تحس بمطبات الهوا بس

٢-الموتور قوي وجربت اجري بيه بس لسه مجربتش الاستيب ترونك وصلت ل ١٨٠ بالكيك وحسيت انها مكمله بس الطريق مكانش مساعد

٣-العفشه انا جربت امشي علي نقر بس بسرعه منخفضه ولا بتحس بيهم اما بمشي عليها بسرعه بحس بيها بس مش اوي برضو جربت ادخل ملف علي ال١٦٠ العربيه ثابته ولا لاقيت اي مشكله او حتي حسيت انها بتعوم او اي حاجه

٤-الفرامل انا الفرامل اللي عندي مش abs بس كويسه وقويه واستخدمت الفرامل كذا مره ضغط عليا للاخر والحمدلله فرملت ومراحتش لا يمين ولا شمال وهيا في المجمل كويسه جدا

٥-الباور الدركسيون بيكون ناعم جدا وانت واقف لمجرد انك تمشي بيبدأ يتقل ولو مثلا انت علي رمله ودوست كيك هتلاقي الدركسيون هيتقل اكتر ومع السرعات بيبدا يتقل ملحوظه (الفئه اللي معايا اول فئه اوتوماتيك )

اي استفسار انا معاك وتحت امرك

**Dr.saad** · 16-01-2014 04:13 AM

شكرا جدا ليك معلومات فعلا فادتني ... طيب معلش هاتعب حضرتك و اسألك على تكيف السيراتو و بيأثر على ال السحب ولا لا

**Maged93** · 16-01-2014 10:31 AM

المشاركة الأصلية كتبت بواسطة dr.saad

شكرا جدا ليك معلومات فعلا فادتني ... طيب معلش هاتعب حضرتك و اسألك على تكيف السيراتو و بيأثر على ال السحب ولا لا

اه بياثر علي السحب شويه بس مش لدرجه انك تلاقيها رخمه في التسارع والعداد بيمشي بظيء وكدا

اتمني اكون جاوبت علي استفسارك وانا تحت امرك اسال وانا معاك

**wabdalla** · 16-01-2014 02:45 PM

توكل على الله وهات السيراتو بدون تردد ... انا لسه شاريها وكان معايا قبلها النترا الشكل الجديد وللأسف اتسرقت منى والحمد لله على كل حال, ومن واقع تجربتى لدى ولدى نصيحه مخلصه هات السيراتو,, العفشه افضل التسارع افضل كماليات اكتر من الاخر العربيه شكل وموضوع الالنترا شكل فقط ووكيل زى الزفت وعربية بتتسرق بالهبل خش على فيس بوك او جوجل واكتب سرقة الالنترا الشكل الجديد او اكتب ضحايا الالنترا وشوف النتائج,,, وربنا يوفقك للى فيه الخير