لخبراء الجمارك والشحن الدولي..

**LegendJo** · 14-01-2014 02:20 PM

دلوقتي انا كان حد بعتلي Galaxy Gear من امريكا شحن مع DHL وبقالها 4 ايام في الجمارك وبعدين حد اتصل بيا من الشركة قالي انها ساعه بكاميرا واتحجزت واتعملها محضر وكدة بس انا اضطريت انهي المكالمة لسبب ما.. دلوقتي الحاجة لسه في الجمارك المفروض اعمل إيه بقى؟

**أحمد كمال** · 14-01-2014 02:38 PM

أوباااااززززززززززز

**أحمد كمال** · 14-01-2014 02:39 PM

الاخ LegendJo محدش سمع عنه ؟ كان راجل طيب يا جماعة :)

باهزر معاك ربنا يسترها عليك و علينا

انا رايي تجيب محامي عشان في الايام السودة دي محدش ضامن و ممكن تلاقي نفسك لابس قضية

**amoor89** · 14-01-2014 02:54 PM

المشاركة الأصلية كتبت بواسطة naser_56

ادي حرقه الدم بقي ؟؟؟؟ ساعه ذكيه بتغنيك عن مسكه التليفون كل شويه والتانيه يقولو عليها ساعه بكاميرا وتجسس ومش عارف ايه !!!! البلد دي عمرها ما هتنضف طول مافيها العقليات المتخلفه دي والمشكله انها بتتحكم في مصائرنا

حاول تروح الجمارك وتدخل بنفسك لاي مسئول بيفهم وتفهمه الوضع واستخدام الساعه بالضبط وممكن ربنا يكرم ويفرجو عنها

صحيح فى عقليات متخلفة متحكمة فى البلد فى الوقت الحالى لكن برده نقول اللى لينا واللى علينا صاحب الموضوع محتاجها للاستخدام بسلامة نية لكن ممكن حد غيره يستغل الجهاز ده بسوء نية فى حاجات لاتعد ولا تحصى لازم الموضوع يكون ليه تقنين مش مفتوح على البحرى والا هيسبب مصايب وخصوصا ان غالبية الشعب بعد الثورة بقت فاهمة الحرية غلط للأسف

**أحمد كمال** · 14-01-2014 02:54 PM

المشاركة الأصلية كتبت بواسطة naser_56

ادي حرقه الدم بقي ؟؟؟؟ ساعه ذكيه بتغنيك عن مسكه التليفون كل شويه والتانيه يقولو عليها ساعه بكاميرا وتجسس ومش عارف ايه !!!! البلد دي عمرها ما هتنضف طول مافيها العقليات المتخلفه دي والمشكله انها بتتحكم في مصائرنا

حاول تروح الجمارك وتدخل بنفسك لاي مسئول بيفهم وتفهمه الوضع واستخدام الساعه بالضبط وممكن ربنا يكرم ويفرجو عنها

لا اتفق معاك لان لو معمول محضر امن دولة هيروح الجمرك مش هيرجع

ابعت محامي احسن

**LegendJo** · 14-01-2014 03:07 PM

المشاركة الأصلية كتبت بواسطة Mohamed_Hamid

المفروض ان شركة الشحن هى اللى بتعمل التخليص الجمركى واستخراج التصاريح اللازمة وبعد كدة بيحاسبوك على رسوم التصاريح دى.
اللى اتوقعه من كلامك ان الحجز تم لحين الحصول على موافقة من الأمن العام او مرفق اتصالات. متقلقش هم المفروض بيجيبوا تصريح من الأمن العام بيتم عرض الساعة مع الكتالوج بتاعها وبوليصة الشحن والفاتورة التجارية على مكتب فنى تابع للأمن العام او جهاز الاتصالات بيكون فى المطار وبيتاخد موافقة بعد كدة بتاخد افراج جمركى وتخرج عادى من المطار. دى اجراءات روتينية لأى جهاز تكنلوجى على فكرة. بس انت لازم تكلم الشاحن dhl ده شغلهم يعملوا الموضوع ده

مبدئيًا الشحنه مشحونة Delivery Duty Paid يعني كل حاجة مدفوعة مقدمًا.. انا هكلم DHL وارد عليكم في الموضوع.. الغريب ان لما يجيلي حاجة تانية زيها بتعدي من الجمارك في نفس اليوم، زي الموبايلات وغيرها!

والساعه دي بتتباع في المحلات هنا عادي!
وهو من كلامه انها معمولها محضر ولازم انا اتصرف.

**Trondo** · 14-01-2014 03:13 PM

بالظبط كده
محتاج موافقه جهاز تنظيم الاتصالات اللى فى مدينه نصر
فيه شركات شحن بتخلصها و فيه شركات مش بتوافق و تقولك خلصها انت
حوار طويل و روتينى جدا

و لو الشركه خلصته اعمل حسابك ٥٠٠ مصاريف تخليص غير الجمرك

-

-

الموضوع: لخبراء الجمارك والشحن الدولي..

LinkBack

أدوات الموضوع

عرض

-

-

-

المواضيع المتشابهه

لخيراء التكيف والشحن استفسار فني

بخصوص تكييف العربية (والشحن)

الدرس الثاني (التوليد والشحن)

استفسار لخبراء المنتدى ممن لهم دراية جيدة بموضوعات الجمارك

الكلمات الدلالية لهذا الموضوع

المفضلات

المفضلات

ضوابط المشاركة