بخصوص زيت الماتور شل المنعدم ......

**أحمد عثمان** · 16-01-2014 11:37 AM

فيسكو 5000 ده زيت تخليقى بالكامل , و حتلاقي كتير بيقولوا إنه بيقعد 12000 كم بس انت نزله على 10000 مستريح , الجركن 4 لتر , أنا لسه مغيره إمبارح ب 285 جنيه من كار جاز ألماظة , و الفلتر عمل 20 جنيه , الحقيقة دي أول مرة أحطه , والملاحظة الأولى إنه مش حتشوفه على المقاس في الأول لأنه صافى جداً.

**ضى القمر** · 16-01-2014 09:51 PM

انا كلمت إدارة شركة شل وتواصلت معاهم وعرفتهم انهم بيخسروا شريحة كبيرة من المستهلكين بسبب قرار البيع لان منتجات الشركة لا توجد بالسوق حاليا فتم الرد عليه بأنهم باعوا محطات البنزين ولكن الزيوت ستسمر الشركة فى انتاجها بمصر وبنفس الاسم وسيتم توزيعها على موردين محليين
المهم الكلام ده معجبنيش وقلته ببساطة كده انا عمرى ماحشترى زيت من مورد او محل لان ممكن يحصل نصب يكون مغير الزيت وانا ديه مقدرش احكمه وقالى فعلا عندك حق وقولتله الحل تفتحوا للمستهلكين منافذ بيع لمنتجات شل طالما انتوا بعتوا البنزينات بس وهذا الاقتراح لاقى قبول من الادارة ووعدت بتنفيذه بعد الانتهاء من عملية البيع وتقريبا شهرين وحيفتحوا المنافذ حسب كلامهم