نقص فى دورة مياة العربية

**Mohamedalinagd** · 15-01-2014 12:40 AM

السلام عليكم
لو سمحت انا عندى مشكلتين فا بطلب من الاعضاء ان حد يقولى على حلول ليها

اول حاجة انا عندى عربية دايو لانوس فا كنت عاوز اسال هوا طبيعى ان الماية تنقص فى القربة انا روحت بالعربية مشوار بتاع 200 كيلوا كدا وكانت العربية ماشة 140 لما رجعت فا بفتح الكبوت لقيت الماية ناقصة فى الاربة مع انها كانت كويسة قبل ما اتحرك زودتها اخدت نص لتر

ياريت حد يقولى دا طبيعى ولا كدا فى حاجة مع ان انا لسا مغير الاربة بتاعت الماية من فترة علشان كانت مخرومة

تانى حاجة انا عندى رعشة فى الدركسيون عند سرعة 90 بالظبط ولو دوست على الفرامل برضوا على نفس السرعة بلاقى رجة جامدة فى الدركسيون والعربية واول ما العربية تقل ل 80 الرجة تختفى

ياريت حد يرد عليا علشان انا تعبت مع الميكانيكية

**omaranes77** · 15-01-2014 03:38 AM

انا ممكن افيدك في السوال الاول افتح الزيت لو لقيت طحينة يبقة جوان وش السلندر لو ﻷ يبقي طبيعي وبردو انشاء اللة الناس تفيدك اكتر مني

**Mohamedalinagd** · 16-01-2014 02:58 AM

شكرا لرد حضرتك بس هوا انا روحت للميكانيكى انهاردا وطلع ان مسامير وش السلندر كانت كلها مهوية فا عاملة تسريب
بس كدا باقى الموضوع التانى ودا اهم واحد

بس على فكرة قصة ان الزيت يتخلط بالماية ممكن الجوان يضرب من ناحية الماية فا الماية تنزل على البساتم فا تنقص من الاربة باستمرار حتى لو ما فيش زيت دخل عليها

**omaranes77** · 16-01-2014 05:44 AM

المشاركة الأصلية كتبت بواسطة mohamedalinagd

شكرا لرد حضرتك بس هوا انا روحت للميكانيكى انهاردا وطلع ان مسامير وش السلندر كانت كلها مهوية فا عاملة تسريب
بس كدا باقى الموضوع التانى ودا اهم واحد

بس على فكرة قصة ان الزيت يتخلط بالماية ممكن الجوان يضرب من ناحية الماية فا الماية تنزل على البساتم فا تنقص من الاربة باستمرار حتى لو ما فيش زيت دخل عليها

طيب تمام ان حضرتك عملتها

**Mohamed Fahmy** · 16-01-2014 10:19 AM

المشاركة الأصلية كتبت بواسطة mohamedalinagd

السلام عليكم
لو سمحت انا عندى مشكلتين فا بطلب من الاعضاء ان حد يقولى على حلول ليها

اول حاجة انا عندى عربية دايو لانوس فا كنت عاوز اسال هوا طبيعى ان الماية تنقص فى القربة انا روحت بالعربية مشوار بتاع 200 كيلوا كدا وكانت العربية ماشة 140 لما رجعت فا بفتح الكبوت لقيت الماية ناقصة فى الاربة مع انها كانت كويسة قبل ما اتحرك زودتها اخدت نص لتر

ياريت حد يقولى دا طبيعى ولا كدا فى حاجة مع ان انا لسا مغير الاربة بتاعت الماية من فترة علشان كانت مخرومة

رعشة فى الدريكسيون مع السرعة .. تبقى ضبط زوايا على طول .. شوف أقرب مركز خدمة لإطارات أو مكان يكون كويس و إعمل ترصيص لعجل عربيتك و ضبط زوايا هتلاقي الرعشة إختفت .. أما لو كانت الرعشة من غير سرعة يعنى و العربية دايرة و واقفة مثلا .. ده بيكون عيب فى الكهربا و فى الغالب تغيير البوجيهات.
يا رب أكون أفدتك و دعواتكم بالخير.

تانى حاجة انا عندى رعشة فى الدركسيون عند سرعة 90 بالظبط ولو دوست على الفرامل برضوا على نفس السرعة بلاقى رجة جامدة فى الدركسيون والعربية واول ما العربية تقل ل 80 الرجة تختفى

ياريت حد يرد عليا علشان انا تعبت مع الميكانيكية

رعشة مع السرعة .. مشكلتك فى ضبط زوايا و ترصيص .. إذهب إلى أقرب مركز خدمة إطارات قريب منك و كله هيبقى تمام بإذن الله.
أما لو الرعشة من غير سرعة .. ده بيكون مشكلة فى كهربة العربية و فى الغالب بيكون مطلوب تغيير بوجيهات..
يارب أكون أفتدك و دعواتكم ربنا يرزقنى بالخير.