هزة جامدة فى تابلوه ودركسيون ابيزا 99 على السرعات العالية !!

**amgad said** · 15-01-2014 06:27 AM

السلام عليكم اولا دة اول موضوع ليا فى المنتدى هناا وبجد استفدت كتير جداا من المنتدى فى حاجات كتير قبل ما اشترى العربية .. والحمد لله دلوقتى بقيت من اصحاب العربيات
ومعايا ابيزا 99 بقالها 4 شهور

بس فى مشكلة خنقانى من العربية اولا انا طالب فى جامعة الشروق فا بروح كل يوم بالعربية الجامعة وانا ساكن فى مدينة نصر بس الصدمة بقى والمشكلة االلى قرفانى انى على الطريق السريع اول ما العربية تجيب الــ 100 اللقى هزة جامدة فى الدركسيون والتابلوه وممكن متسكوتش غير لما اجيب الــ 140 مثلا ولا حاجة

ياريت لو حد يفيدنى العيب دة من ايه بظبط عشااان موضوع خنقنى جداا خصوصا انى كل يوم رايح جاى بيها على طريق مصر السويس فا خايف المشكلة تزيد مع الوقت !!

اسف طولة عليكم فى اول موضوع ليااا :)

**windofchange** · 15-01-2014 06:32 AM

وعليكم السلام ياامجد...بالنسبة للهزة ممكن تعيد علي ترصيص الكاوتش عند بتاع كاوتش محترم عنده جهاز ترصيص حديث ده اول حاجة...الكاوتش عمره قد ايه لانه ممكن يكون عيب فيه ويكون عايز يتغير لانه استهلك خلاص

**amgad said** · 15-01-2014 06:46 AM

هو انا بصراااحة معرفش عمر الكاوتش اد ايه مسألتش لما اشتريتها بس انا هروح وهشوف موضوع الترصيص دة .. والف شكر على رد حضرتك :)

**Karim Ibiza** · 15-01-2014 07:16 AM

اهلا بيك معانا أخ جديد فى قسم سيات

فعلا زى ما قالك أ/ ايهاب windofchange دى مشكلة ترصيص

وتحت امرك فى اى استفسار تانى

**أحمد جودة** · 15-01-2014 12:07 PM

مش هزيد على الكلام الجميل اللى اتقال غير رصص الاول وخلية يكشفلك ع الجنوط ممكن تكون ملوحة وبالمرة تظبط زوايا

أما هزة الطابلوة اكيد هتختفي او تقل بعد حل مشكلة الغربلة وبردو شوف ممكن حاجة صغيرة محتاجة تربيط بس

**hossamalsadik** · 15-01-2014 04:50 PM

وعليكم السلام و مرحبا بيك معنا فى اسرة ملاك السيات فى منتدانا نيل موتورز

راي نفس رأى الساده المحترمين روح لمركزظبط زوايه محترم هيكشف على العفشه اثناء الظبط من جلب ومقصات ومساعدين وعلبة الدركسيون ألخ وتقله قبلها على المشكله وهوا من طلقاءنفسه هيعمل كشف على الكوتش والجنوط على جهاز خاص عنده ولو أحتاجت ترصيص هيرصص وهيقلك حالة الكوتش لو سبب المشكله ولا كويس ومع الموضوع ده وظبط الزوايه تاكد ان الموضوع هينتهى