لما بمشي بالعربيه بحس انها بتنتش ...ولقيت ليكم الحل

**ابومصطفي وعمر** · 15-01-2014 05:08 PM

السؤال الاول
لما بمشي بالعربيه بحس انها بتنتش
اول ما ادوس بنزين شويه
وخلي بالكم العربيه لسه جديده موديل 2013
وعامله 1000 كيلو بس
لاني ما بسفرش بيها ؟؟؟؟

التجربه نجحت وتمام التمام

لكن اكمني مش بفهم كتير بكهربة العربيه
انا هحاول اشرح
واللي فهم يقلي علشان يشرح هو تاني بطريقه اوضح
لتعم الفائده علي الجميع

== في قطعه بجوار الكاربيراتير لازقه فيه مباشرا متوصل عليها فيشه
الفيشه دي لما فكينها بطلت النتشه لكن العربيه بتطفي لما نكون واقفين ورافعين رجلينا عن البنزين
فالكهربائي عمل ايه
قام واخد كهربا من البطاريه عليها مباشرا بطريقه معينه
وجربنا ونجحت التجربه
لكن فضلت مشكله وهي ان هذه القطعه الكهرباء واصلالها علي طول
قام عمل ايه
لاغي التوصيله بتاعة البطاريه
وخد سلكه من ارضي ووصلها بطرف القطعه
والطرف الاخر خد سلكه موجبووصلها ب الموبينه اللي بتوصل للاسبراتير
بس بدخول الكهرباء للاسبريتير وليس من طرف الخروج للاسبرتير
يعني بدخول الكهرباء للموبينه
علشان يفتح مع الكونتاك
ونجحت التجربه بفضل الله
وبطلت العربيه تنتش وصار السحب فوق الممتاذ
((((تقريبا القطعه اللي بقلكم عليها مسؤوله عن تنظيم دخول البنزين للكربرتير )))

مش عارف يارب اكون قدرت اوصللكم المعلومه
واسف علي طريقتي بالشرح
لكن ده اكبر ما عندي بالشرح
لاني مش متخصص

**ابو لؤى** · 15-01-2014 05:11 PM

الله ينور بصراحه مش فاهم حاجه خالص بس الله ينور هههههههههه

**J A G U A R** · 15-01-2014 06:04 PM

المشاركة الأصلية كتبت بواسطة ahmed air

الله ينور بصراحه مش فاهم حاجه خالص بس الله ينور هههههههههه

ههههههههههه ولا انا .......... شكرا على التقرير .

**rotanamasoud** · 15-01-2014 06:31 PM

انا شايف ان اللى حصل ده قمه العك
هو المصنع اللى صنع القطعه كان اولى يشيلها ويوفر تمنها

**hossam_elwani** · 15-01-2014 06:56 PM

2013 والف كيلو وهان عليك كهربائى بعكلك فيها !!!!!!!!!!!!!!

ياراجل

**ganash** · 15-01-2014 06:57 PM

ياباشا العربيه عامله 1000 كيلو وروحت الكهربائى يقعد يعك ليه بس كنت روحت التوكيل وحكيتلهم الى بيحصل افضل

**micromoud** · 15-01-2014 07:12 PM

كان فى حد هنا برضه معاه ماروتى راح لميكانيكى عشان يغيرله فلتر البنزين وعشان الميكانيكى غشيم ومكسل يدور على مكان الفلتر راح قايل للزبون انت عربيتك مابتنزلش بفلتر بنزين وراح فاتح الكبوت واخترع وصله للبنزين بدل الاصليه وحطله فيها الفلتر ...انا اسف انى اقولك حضرتك عملت زيه .. انت كان اسهل انك تغير الحاجه البايظه والمشكوك فيها بحاجه جديدة .. لكن اللى انت عملته ده هيتعبك بعد كده لما توديها لكهربائى تانى يشتغل فيها هيعك الدنيا ... ياريت لو ترجع كل حاجه زى ماكانت وتوديها لكهربائى يرجعها زى ماكانت ويحللك المشكله ,,,

**ابومصطفي وعمر** · 15-01-2014 08:27 PM

المشاركة الأصلية كتبت بواسطة micromoud

كان فى حد هنا برضه معاه ماروتى راح لميكانيكى عشان يغيرله فلتر البنزين وعشان الميكانيكى غشيم ومكسل يدور على مكان الفلتر راح قايل للزبون انت عربيتك مابتنزلش بفلتر بنزين وراح فاتح الكبوت واخترع وصله للبنزين بدل الاصليه وحطله فيها الفلتر ...انا اسف انى اقولك حضرتك عملت زيه .. انت كان اسهل انك تغير الحاجه البايظه والمشكوك فيها بحاجه جديدة .. لكن اللى انت عملته ده هيتعبك بعد كده لما توديها لكهربائى تانى يشتغل فيها هيعك الدنيا ... ياريت لو ترجع كل حاجه زى ماكانت وتوديها لكهربائى يرجعها زى ماكانت ويحللك المشكله ,,,

بس العربيه صارت تمام ومعدش فيها تنتيش
علي العموم انا هروح لكهربائي تاني اتاكد اذا كانت التوصيله مضره للعربيه ولا لاء

اما بالنسبه للتوكيل فهوا بعيد عني كتير حولي 600 كيلو رايح و600 جاي
ده غير انه ممكن يقلي سيبها عندنا كام يوم تبقي مصيبه

**aw2100** · 15-01-2014 10:07 PM

تقريبا من الوصف ده بك السلانسية عندك كهرباء علشان كده لما بتفصل الفيشة منه فى الكاربراتير العربية بتبطل فى السلانسية وواضح ان البك ده ضعيف علشان كده لما الكهربائى عمله توصيلة كهرباء اشتغل كويس انصحك تروح لواحد متخصص كاربراتير ينضف البك ده ياغيره افضل والله اعلم ؟؟؟

الموضوع: لما بمشي بالعربيه بحس انها بتنتش ...ولقيت ليكم الحل

LinkBack

أدوات الموضوع

عرض

-

-

-

-

المواضيع المتشابهه

هى الست دى متعوده انها تتقلب بالعربيه كل شويه

ّّّّّّّ بــكــل هـدوء انها land cruiser 2012 انها حقا تويـــوتا -------

العربية بتصرخ لما بمشي بيها شوية!!!

★★★_من لا يدرك انها تـويـوتـا فلــــيعرف انها ياريس rs gs النسخة الاكثر رياضية_★★★

نسيت المفتاح فى العربيه وقفلت عليه ولقيت الحل

الكلمات الدلالية لهذا الموضوع

المفضلات

المفضلات

ضوابط المشاركة