الموضوع: استفسارات صيانه الماروتي بعد سنتين

ازيكو ياشباب عاملين ايه
انا عندي شوية استفسارات كدا لان العربية خلاص شهر ابريل الجاي هتم سنتين فا عاوز اعرف ايه الحاجات اللي المفروض تتغير في الفترة دي والعربية موديل 2012 وعامله 31500 كيلو واخر صيانه عملتها هيا تغيير بوجيهات وفلتر الهوا والزيت وتغير زيت قبلها ب 3000 كيلو يعني بالظبط كان العداد ساعتها 28500 .... زيت الفتيس كنت مغيره في صيانه العشرين الف وحكيت شل ومش عارف اغير زيت الفتيس امتي
عاوز اسال علي مية الرادتير المفروض تتغير الدوره كلها امتي والكاوتش استني عليه شويه ولا ايه مع العلم ان في فردتين واخدين كام خرم وملحومين والاستبن لسه بشوكه ومن ساعه ترصيص الالف كيلو الاولي مرصصتش تاني لانها محتاجتش
وعاوز اسال علي العفشه فيها اي شغل يعني تزييت او تشحيم مع اني سمعت مفيهاش اي تشحيم وهيا تربيط بس
وعاوز اسال علي البطاريه المفروض عمرها الافتراضي كام سنه لاني مركب كلاكس جي تي اي ومشكلته لما العربية بتسخن الكلاكس بيبقي عامل زي الزوران لحد مايفصل خالص وميشتغلش الا لما العربيه تبرد يعني في الزحمه الكلاكس مش شغال مش عارف بقي ده عيب دينمو ولا بطاريه ولا ايه
انا عارف ان اسالتي كتير فا معلش استحملو شويه

المشاركة الأصلية كتبت بواسطة algazar2

انا هجاوب الى اعرفه

الكاوتش لسه قدامه لغايه 40 الف لو مفيهوش حاجة ممسوحة او بايظه و ممكن يقعد اكتر من كده لو حاجة نضيفه

مياه الريدياتير المفروض عمرها سنتين بتتغير كلها و يفضل لو الدورة لونها متغير تحط ريدياتور فلاش عشان تنضف الدورة

عيب الكلاكس ده من الكلاكس نفسه ملوش دعوه بالبطارية او الدينامو
البطارية فى الغالب عمرها حوالى سنتين لو جافة او سنه لو سايله - بتتغير لما تبوظ فى الحالتين طالما عربيتك مانيوال

المفروض تغير زيت الباكم لانه عمره فى العربية سنتين بس عشان بيمتص رطوبة الجو و ادائه بيقل بعد كده

اعتقد انى قريت هنا ان انتوا بتغيروا الكاتينه على 30 فممكن تغييرها بالمره بس مش عارف بيغيروا البلية معاها ولا لا و بتغير باقى السيور مع الكاتينه عشان يبقوا نفس العمر

الف شكر علي سرعه الرد بالنسبه لموضوع الكلاكس انا من ساعة ماجبته وركبته وهوا كدا وساعات كمان لما بتسخن العربية وادي كلاكس بلاقيه بيفصل الكاست فا علشان كدا حاسس ان الدينمو بتاعي ضعيف ومش عارف هيا العربية طبيعتها كدا ولا علشان بطاريتنا صغيره مع اني اللي اعرفه مدام العربية دايره يبقي الحمل كله علي الدينمو والبطاريه ملهاش دعوه