ميزان العفشة دة الي بيمنع ميل العربية ودة جزء من الثباتاقتباس:
المشاركة الأصلية كتبت بواسطة manchestr_viru
بعد اذنك طبعا هيما باشا
عرض للطباعة
ميزان العفشة دة الي بيمنع ميل العربية ودة جزء من الثباتاقتباس:
المشاركة الأصلية كتبت بواسطة manchestr_viru
بعد اذنك طبعا هيما باشا
بص يا باشا طبعا القصد من الميزان اللي هما شدادات الميزان مش عمود الميزان اللي بعرض العربيه لأن ده صعب يبوظ إلا لو لاقدر الله حادثة صعبه اللي بيتغير شداد الميزان اليمين والشمال بس دول مش بيتباعو جداد لوحدهم لأنهم بيجوا مع طقم الشدادات الأمامي بس ممكن يتجابوا استيراد هيبقوا في حدود 100-150 ج للاتنين وعلشان تعرف شكلهم هتلاقيهم الشداد الواحد شبه حرف c وبدايتهم دايره وجواها جلبه وحجمه صغير وهتلاقيه ألومنيوم زي طقم المقصات وراكب عند الشداد أو المقص اللي تحت قدام اللي راكب عليه المساعد وعلى فكره اللي بيبوظ فيه الجلبه لو اتقطعت أو شققت بس طبعا الجلبه مش بتتغير وان شاء الله خير وأبقى طمنا عملت ايه
شدادات الميزان بتتباع جديدة الواحد ب 130 بيقولوو نوبران المانى انما اكيد اكيد صينى فى الحرفيين مرضيتش اشتريهم خدتهم مع جوز مقصات استيراد فوق البيعة بس سائل عليهم جداد
الف شكر يا رجالة هو فعلا شاورلى على حاجة شبه حرف السي و قالي ان هي دى اللي محتاجه تتغير ....انا كده او كده هستني لغاية ما اسافر اجيبها عشان معندناش قطع غيار باسات الموديلات القديمة في المنيا....هل في خطورة علي العربية ولا لأ
و سؤال كمان انا كنت سايب تكييف العربية مفتوح و نزلت وقفت جنب العربية اكتشفت انها بتنقط مية و التكييف شغال ده من ايه ؟
الخطورة دي ايه بالظبط عشان مش عارف هقدر اخد اجازة امتي و اسافر ؟
انا الفتيس بتاعى كان بنتش و كشفت عليه طله العيب فى بلف و الميكانيكى حاول ينضفه بس النتش بقى اكتر . دلوقتى لو عايز اشترى فتيس اجيب منين ؟؟ و اعرف انه ازاى سليم ولا ﻻ ؟ و مين اللى هيركبهولى ؟؟ و معلش سؤال كمان العربيه rbm بتاعها حاسس انه عالى بيوصل 5 على سرعه 170 و العربيه مش بتسحب بعد 180 .
بص انت لازم تروح لمتخصص فتيس اتوماتيك معلش انزل القاهره هتروح صقر قريش المعادي على طريق الاتوستراد فيه هناك واحد متخصص فتايس اتوماتيك اسمه أحمد زاهر وفيه أعضاءراحوله وهو راجل كويس وشغله نضيف هتروحله هو ممكن يظبطلك الدنيا للأن النتش ده مشكله في علبه البلوف مش الفتيس كله علشان حرام تغير فتيس تمنه يخش في 4 الالاف جنيه. والمشكله كلها علبه بلوف وعلى فكره علبه البلوف باظت علشان الإهمال في تغيير الزيت و الفلتر في معادهم وبالنسبه لل rpm ده العادي بتاعه علشان فتيس 4 نقله وموضوع مابتعديش 180 اعمل طقم سيرفس للموتور بوجيهات وفلاتر ونضف البوابه شوف كده هتعمل ايه وربنا معاك وانا برضه هتابع معاك وأيااستفسار انا في الخدمه
متشكر يا باشا على اهتمامك و ردك عليا . طيب انا لو عاوز اروح لاحمد زاهر اعرف مكانه ازاى ؟؟ بالنسبه للموتور انا اول ما جبت العربيه غيرت البوجيهات و الفلاتر . لو عاوز انضف البوابه او اكشف على الموتور اروح لمين ؟ معلش كمان سؤال التكيف بتاعى كان بيقطع و مش بيبرد كويس روحت لكهربائى قالى عاوز كنترول تكيف دورت فى طنطا ملقيتش ممكن الاقيه فين ؟