الموضوع: رابطه مالكي الباسات b5&b5.5 من 1996 الي2005

يا شباب كل عام وانتم بخير
معايا باسات للبيع موديل 2000 موتور 1800 اوتوماتك. الاستعلام 01061150096

باسات 2002

مساء الخير يا جماعة

أنا معايا باسات 2002 مانيوال و كانت ماشية زى الفل لغاية التكييف معطل وبعدها على طول بقت العربية بتسخن على طول. أنا غيرت تقريبا كل حاجة فى دورة التبريد والميكانيكى جى يقوللى شجرة المياه بايظة.
حد ينصحنى بميكانيكى او مركز صيانه محترم فى مدينة نصر او قريب منها عشان يظبطلى العربية.
مع الشكر

انا معايا audi a4 b5
الموتور زي بتاع الباسات بالظبط
كنت عابز اسأل علي شويه حاجات وده طبعا لو سمحتو
١- الشورت بلوك ١٦٠٠ بكام ؟
٢-ينفع اركب ١٨٠٠ علي نفس ادوات التغذيه ولا هغير الكلام ده برضه ؟؟
٣-لو ركبت موتور ١٨٠٠ لازم الفتيس الاتوماتيك ٥ غيار ولا ٤ غيار
٤-الفتيس بكام ده او ده ؟
٥- ليكو group علي الfacebook ولا هنا بس ؟
٦- شكرا جدا وجزاكم خير ان شاء الله

الشورت بلوك ال 1600 ب 3500 جنيه و ما ينفعش تركب كل ادوات التغذيه فى ال 1800 الدينامو و الرشاشات بس و بعد كدة الدنيا بتختلف ... الفتيس الاوتو واحد فى المكنتين عايز تركب الفتيس ال 5 ممكن ..... الفتيس العادى ب 3500 و ناس بتبيعو ب 4 و ب 5 عند الشهابى انا عندى واحد ببيعو ب 2500 زيادة عندى كان جاى فى الموتور و مركبتوش .... و لو غيرت الموتور ل 1800 هتغير الكنترول و هتكود المفتاح من جديد .... راييى خليك فى ال 1600 و موتورك يبقى عندك احتياطى تاخد منو اى حاجه

الأفضل من الكلام ده كله و عملى أكتر إن احنا نعمل جروب على الفيس و نتكلم عليه و خصوصا إحنا بنركب عربيه مش قليله و لا ضعيه و عربيه ما شاء الله عليها من فخامه و ركوبه و انا هعمل الجروب و اتمنى الناس تدخل عليه و تدخل الناس اللى تعرفها و معاها العربيه الهايله دى :-) و اسمه جروب فولكس فاجن العمالقه يا ريت نتجمع فيه

سلام عليكم
كل عام وانتم بخير
نشكركم علي مجهودكم الرائع لخدمه الناس في المنتدي
انا معي سياره باسات 99 1600 مانيوال
لو سمحتوا انا محتاج اغير بعض قطع الغيار وارجو من قام بالتغيير يفيديني يكام السعر وعند مين
1- تيل وطنابير خلفي وامامي اصلي او شي يكون كويس
2- صينيه دبرياج وديسك وبليه اصلي او شي يكون مويس
3-جوان غطاء تيكهات
4-اولسيه فتيس لوجود تسريب منه
5-مراجعه العفشه وتغيير المقصات
6-تغيير كاوتش الدونجل الخلفي
7-تغيير الرشاشات العربيه بتعمل 140 كيلو 20 لتر
8- انا عاوز مركز للتكييف مش بعرف اغير او انضف فلتر التكييف
9-الكشف علي بلي العجل امامي وخلفي والتغغير ان لزم
فاضل ايه تاني في العفشه غير المقضات والمساعدين
انا كنت بصلح عربيتي البوينتر سابقا عند احمد عزت خلف حديقه بدر مباشره اتمني الافاده
وشكرا جزيلا