الموضوع: رابطه مالكي الباسات b5&b5.5 من 1996 الي2005

انا دايخ علي كنترول الفتيس بتاعي يا جماعه وماشي ببتاع بورا ومبهدلني بنزين ... باسات موديل 2000 ماتور 1600 رقم الكنترول 01n 927 733 ef

المشاركة الأصلية كتبت بواسطة aymanabdelwhab

انا دايخ علي كنترول الفتيس بتاعي يا جماعه وماشي ببتاع بورا ومبهدلني بنزين ... باسات موديل 2000 ماتور 1600 رقم الكنترول 01n 927 733 ef

بص الكنترول ده قليل شويه وهوا عموما زي بتاع الاودي A4 b5 والباسات الشكل بتاع 2001 ال1800و1600و2000 هتنزل الحرفيين وتشوف نص 1600 أو 1800عادي مش تربو أو 2000 ويكون النص اوتو وتاخد الكنترول بس سؤال بتاع البورا ايه المشاكل اللي عاملها معاك يعني بيأخر نقلات أو بيهيس أو بينتش ولا ايه

المشاركة الأصلية كتبت بواسطة andrew uwj

انا معايا اوبل فكترا 2000 1600 cc مانول
و فى واحد صاحبى معاه باسات 2000 1600 cc بصراحه العربيه حستها مريحه عن الاوبل و مكنتها بتسحب اكتر بكتير و بفكر اشتريها منه هى عربيه زى الفل
كنت عايز اعرف من حضراتكم فى عيوب ايه فى العربيه دى و ايه اخبار قطع الغيار

و سؤال كمان معلش طولت عليكم انا شفت باسات نفس الموديل بس المرايات كبيره غير اللى مع صاحبى ده ايه ده ؟

بص ياباشا الباسات طبعا عربية أعلى من الاوبل بكتير قطع غيار رخيصه ثبات ممتاز أغلى حاجه فيها طقم المقصات الأمامي بيعمل 2500-4000 ده النضيف لأنهم مقصات الومنيوم وعبارة عن 8 مقصات 4 يمين و4 شمال بس عفشه محترمه والعربيه دي شاسيه وموتور وعفشه وفتيس وكهرباء كلها اودي a4 تكيفها تلاجه وعامل زي تكييف الكامري ماتستحملوش على 2 في عز الحر وقطع غيارها معمره جدا بس لازم واحد يكون فاهمها علشان يشتغل فيها وبالنسبه لموضوع المرايات العربيه دي المرايه الشمال كبيره واليمين صغيره وده الفابريكا بتاعها غير كده يبقى مرايات متغيره واي استفسار انا تحت امرك

المشاركة الأصلية كتبت بواسطة Ahmed Saad

بص الكنترول ده قليل شويه وهوا عموما زي بتاع الاودي A4 b5 والباسات الشكل بتاع 2001 ال1800و1600و2000 هتنزل الحرفيين وتشوف نص 1600 أو 1800عادي مش تربو أو 2000 ويكون النص اوتو وتاخد الكنترول بس سؤال بتاع البورا ايه المشاكل اللي عاملها معاك يعني بيأخر نقلات أو بيهيس أو بينتش ولا ايه

والله يا ابو حميد مش عارف اشكرك ازاي علي كم المعلومات الرهيبه في الموضوع ده كله .. يا راجل انا قريت فعلا ال 52 صفحه ..

ربنا يكرمك .. هدور كده وربنا يسهل ان شاء الله والاقيه المشكله اني من دمياط وبنزل الحرفيين بالعافيه اساسا .. بس كله علي الله بقي

بالنسبه لكنترول البورا بينتش جامد اوي بين ال 40 لحد ال 80 كيلو بعد كده حلاوه
السحب وطلعه العربيه مش حلوه خالص مهما دوست هي هي نفس البروطه برده .. مش عايز ااقولك استلفت كنترول من واحد صحابي بتاعها : يا نهار ابيض علي السحب والروقان وكنت مغير زيت لسه فكانت صاروخ الصراحه وكمان هرستلك بيها حته فانتازيا بس يله الحمد لله الهرس مبيدومش

انا بحاول مقرصش علي دواسه البنزين وبسيبها براحتها خالص عشان اخف البنزين اللي بيتاكل ده من عدم ثبات النقله بتاعت الفتيس وكمان مش قاري الشاشه بتاعت نقلات الفتيس اللي هي الحروف دي .. مطفيه
اخر حاجه بقي التكييف مع الكنترول بتاع البورا محمل جامد علي المكنه يعني متعرفش تمشي بييها اصلا ..

العربيات دي محترمه اوي .. واحد صحابي معاه ال 2006 عربيه زي الفل بس خامه الطابلوه بتاعوا مش زي عندي خالص تحس كده ان موديل ال 2000 ده اتعمل في ايام ابو بلاش الطابلوه مشفتش خامه زييه في عربيه .. هو ارفي فيها بس اني ببقي مظبط كل حاجه وزي الفل وموضوع الكنترول ده اللي مش محسسني اني راكب باسات

انا شاريها من سنه ب 83500 كانت مع واحد صاحبي وكانت معاقين
فبريكه برا وجوا ما عدا رفرف ورا واودام واكصدامين وعداد 110 الف وصالونها جديد وانا حطيت عليه فرش جلد وابواب جديد كمان وركبت سنسور بارك وفوانيس تعديل زينون ولمعتها ولزقت السقف بانورما وسودت العلامه عشان متتسرقش ومنها واكله مع السقف
وطقم سيرفيس كامل وسيور وغيرت زيت الفتيس ورخصت 3 سنين .. بص مسيبتش فيها الهوا ما شاء الله صرفت بقي .. ويجي كنترول زي ده يعكر مزاجي ويخلي اللانوس لااانوس يعلم عليا تخيل بقي

المشاركة الأصلية كتبت بواسطة aymanabdelwhab

والله يا ابو حميد مش عارف اشكرك ازاي علي كم المعلومات الرهيبه في الموضوع ده كله .. يا راجل انا قريت فعلا ال 52 صفحه ..

ربنا يكرمك .. هدور كده وربنا يسهل ان شاء الله والاقيه المشكله اني من دمياط وبنزل الحرفيين بالعافيه اساسا .. بس كله علي الله بقي

بالنسبه لكنترول البورا بينتش جامد اوي بين ال 40 لحد ال 80 كيلو بعد كده حلاوه
السحب وطلعه العربيه مش حلوه خالص مهما دوست هي هي نفس البروطه برده .. مش عايز ااقولك استلفت كنترول من واحد صحابي بتاعها : يا نهار ابيض علي السحب والروقان وكنت مغير زيت لسه فكانت صاروخ الصراحه وكمان هرستلك بيها حته فانتازيا بس يله الحمد لله الهرس مبيدومش

انا بحاول مقرصش علي دواسه البنزين وبسيبها براحتها خالص عشان اخف البنزين اللي بيتاكل ده من عدم ثبات النقله بتاعت الفتيس وكمان مش قاري الشاشه بتاعت نقلات الفتيس اللي هي الحروف دي .. مطفيه
اخر حاجه بقي التكييف مع الكنترول بتاع البورا محمل جامد علي المكنه يعني متعرفش تمشي بييها اصلا ..

العربيات دي محترمه اوي .. واحد صحابي معاه ال 2006 عربيه زي الفل بس خامه الطابلوه بتاعوا مش زي عندي خالص تحس كده ان موديل ال 2000 ده اتعمل في ايام ابو بلاش الطابلوه مشفتش خامه زييه في عربيه .. هو ارفي فيها بس اني ببقي مظبط كل حاجه وزي الفل وموضوع الكنترول ده اللي مش محسسني اني راكب باسات

انا شاريها من سنه ب 83500 كانت مع واحد صاحبي وكانت معاقين
فبريكه برا وجوا ما عدا رفرف ورا واودام واكصدامين وعداد 110 الف وصالونها جديد وانا حطيت عليه فرش جلد وابواب جديد كمان وركبت سنسور بارك وفوانيس تعديل زينون ولمعتها ولزقت السقف بانورما وسودت العلامه عشان متتسرقش ومنها واكله مع السقف
وطقم سيرفيس كامل وسيور وغيرت زيت الفتيس ورخصت 3 سنين .. بص مسيبتش فيها الهوا ما شاء الله صرفت بقي .. ويجي كنترول زي ده يعكر مزاجي ويخلي اللانوس لااانوس يعلم عليا تخيل بقي

بسم الله ماشاء الله ربنا يباركلك فيها ويديك خيرها ويكفيك شرها عموما انا هقترح عليك اقتراح هتروح بالكنترول القديم لواحد كهربائي متخصص كنترولات في الحرفيين اسمه رشاد ومعاك الكنترول الأصلي بتاع العربيه اللي هوا بايظ وقوله على مشكلتك وانك مركب كنترول بورا واللي عامله في النقلات وخليه يصلح القديم لو يعرف وهوا أن شاء الله كويس وهيلاقيلها حل بإذن الله لو منفعش معاه تصليح يبقى دور زي ماقولتلك بس ان شاء الله يتصلح لأن الكنترول عباره عن ايسيهات جوا كل واحد ليه رقم فهوا بيكشف على البورد بتاع الكنترول ويشوف اني ic ضارب ولو هوا لقى واحد ضارب بيغيره وبيشتغل حلاوه تاني وعموما انا هنزل قريب خريطه الفيوزات بتاعت العربيه بأرقام الفيوزات المظبوطه علشان الفيوزات لما بتبقى أعلى من الامبير بتاعها بتضرب كنترول على طول لو حصل مشكله فمش بتقوم بعملها صح وربنا يوفقك وان شاء الله خير

المشاركة الأصلية كتبت بواسطة andrew uwj

و انا اللى كنت مستغرب ان فى مرايه كبيره و مرايه صغيره :d
طيب يعنة مفيش عيوب معينه يعنى مثلا الاوبل فى مشاكل فى التكيق مثلا فى ناس بتشتكى من الحراره مثلا طبعا لو العربيه مظبوطه مفيش الكلام ده لكن اقصد هل فى شكوه متكرره اخلى بالى منها و انا بشترى

بص ياباشا تكييف الباسات ماشاء الله عليه وهمي مالوش حل والكباس الفابريكه بتاعه دينسو ياباني ومواسير التبريد بتاعته معزوله فابريكه يعني اتفرج على التلج بجد ووالله التكييف في عز حر الصيف اللي فات مكنتش بستحمله على 2 وهوا تتش 7 سرعات وبالنسبه لموضوع السخونيه كفايه اني اقولك ان مروحه التبريد الكبيره بتاعت الباسات على سير مش مروحه كهربا يعني شغاله طول مالعربيه شغاله ولما تبطل تقف يعني تحط ميه حمرا g12 الاصليه أو توتال الحمرا وانسى وعموما العربيه مفيهاش أعطال شائعة غير انك تكشف عليها كويس وتكون تمام بالذات العفشه علشان متصرفش كتير غير كده عربيه تمام وربنا يكرمك بيها