رابطه مالكي الباسات b5&b5.5 من 1996 الي2005

**Ahmed Saad** · 06-12-2014 11:29 PM

المشاركة الأصلية كتبت بواسطة munse2004

كنت بسأل عن حساس الاير ماس وهل فيه منه جديد ولا استيراد وهل هو مهم ؟
تحياتى لكم

بص الايرماس طبعا مهم لأنه بيحسب كثافة الهوا اللي داخل للبوابه ومنها الكنترول بيظبط الحرق بتاع البنزين ولو بايظ الاستهلاك في البنزين يزيد وتحس ببرجله في الموتور وصعب تلاقيه جديد هتلاقيه استيراد بس لانه حساس كبير وعلى فكره ليه اسبراي تنظيف بتاع حساس الايرماس واي استفسار انا تحت امرك

**shark0173** · 08-12-2014 12:49 AM

المشاركة الأصلية كتبت بواسطة Ahmed Saad

صعب جدا انا دايخ في الحوار ده فعلا انا بقالى اكتر من 6 شهور بدور على كتالوج الصيانه بتاعها على المواقع العربيه والاجنبية ومافيش كله على أي بأي كتاب صيانه بيتباع ب 22 دولار انا مش يائس وبدور اول ماهلاقي أن شاء الله هرفعه على الرابطه

[url=http://vwts.ru/vw_passat5_3b.html]Volkswagen Passat B5,
اعمل داون لوود وادعيلي ويستحسن تفتحه بالجوجل كروم عشان يترجم

**munse2004** · 08-12-2014 11:35 AM

ربنا يخليك لينا يا أستاذ / احمد سعد
هدور عليه لو تعرف حضرتك رنج سعره كام واجيبه منين وايه الطريقه اللى بيها اعرف انه سليم بعد الشراء

**SPY123** · 14-12-2014 02:18 PM

لو سمحتو يا رجاله عاوز اعرف سعر باسات 5.5 موديل 2003 او 2004 كامله اتوماتيك فتحه سقف 6 او 8 ايرباج 1800 تربو فتيس ستيبترونك ؟؟؟ وقطع غيار موتور 1800 تربو متوافره وبسعر معقول ولا لا ؟؟؟؟ وبيتحطله بنزين 92 عادى؟؟

**ITS.NET** · 15-12-2014 07:07 AM

السلام عليكم ورحمه الله وبركاته
تحيه طيبه للمهندس أحمد سعد وكل أعضاء نايل موتورز
معايا أودى b6 / 2002
ستيب ترونيك 6 نقلات
فتيس C V T
6 اير باج
فرش جلد
مخادع للظهر كهرباء
سينسور بارك
،Lcd dvd
ماشيه 180
جنوط 16
رشه بره
محتاج اعرف تعمل فى حدود كام لأن بفكر فى البيع

**alzelafy** · 16-12-2014 02:25 AM

يا ريت صور العربيه و الحاله و السعر المتوقع و ان شاء الله اعتبرها اتباعت

**SPY123** · 16-12-2014 04:08 PM

المشاركة الأصلية كتبت بواسطة spy123

لو سمحتو يا رجاله عاوز اعرف سعر باسات 5.5 موديل 2003 او 2004 كامله اتوماتيك فتحه سقف 6 او 8 ايرباج 1800 تربو فتيس ستيبترونك ؟؟؟ وقطع غيار موتور 1800 تربو متوافره وبسعر معقول ولا لا ؟؟؟؟ وبيتحطله بنزين 92 عادى؟؟

يا رجاله محدش رد عليه ليه؟؟؟؟؟

**alzelafy** · 16-12-2014 11:41 PM

لو نظيفه جدا هتعمل 80 ل 85 قطع غيار الموتور ال 1800 التيربو مش اوى لكن العادى متوفر البنزين 92 عادى على التربو لكن ال 1800 العادى 80 شغال

**SPY123** · 17-12-2014 02:24 AM

المشاركة الأصلية كتبت بواسطة alzelafy

لو نظيفه جدا هتعمل 80 ل 85 قطع غيار الموتور ال 1800 التيربو مش اوى لكن العادى متوفر البنزين 92 عادى على التربو لكن ال 1800 العادى 80 شغال

الف شكر لاهتمامك والرد عليه بس انا عاوز اعرف مش متوفر اوى ده يعنى موجود عند حد معين ولا نادر الوجود والفرق بين ال 1800 عادى والتربو التربو بس ممكن يتشال عادى ولا ده موتور وده موتور ؟؟؟؟ واستهلاك الموتور 1800 قد ايه اسف طولت عليك بس مش لاقى حد معاه العربيه اساله فعاوز معلومات كتير بعد اذنك

**Ahmed Saad** · 18-12-2014 10:03 AM

المشاركة الأصلية كتبت بواسطة spy123

الف شكر لاهتمامك والرد عليه بس انا عاوز اعرف مش متوفر اوى ده يعنى موجود عند حد معين ولا نادر الوجود والفرق بين ال 1800 عادى والتربو التربو بس ممكن يتشال عادى ولا ده موتور وده موتور ؟؟؟؟ واستهلاك الموتور 1800 قد ايه اسف طولت عليك بس مش لاقى حد معاه العربيه اساله فعاوز معلومات كتير بعد اذنك

السلام عليكم ورحمة الله وبركاته اولا انا بعتذرلك على التأخير في الرد وانشغالي الفتره السابقه عن القسم لظروف عملي وثانيا بالنسبه للباسات ال1800 تربو قطع غياره موجوده عادي مفيش مشاكل في الحرفيين الحساسات موجوده استيراد والسيور وباقي الحاجه هيا هيا بتاعت ال1600 وال1800 العادي وعموما الموتور التربو هوا هوا العادي في التصميم بس زياده عليه التربو كيت والانتركوولر وده بيطلع 150حصان وعزم 210 نيوتن وبيشتغل 92 بدون أي مشاكل اطلاقا لأن نسبه انضغاطه 10.2 زي ال1600 عادي جدا أما بالنسبه للاستهلاك البنزين فالصفيحه تعمل معاك في السفر 240كم وفي البلد 180كم بس اهم حاجه في المواتير التربو لازم تكون دوره التبريد سليمه وحاطط المياه الحمرا الاصليه g12 علشان تحافظ على الموتور لأنه لو سخن هيضرب وش سلندر وبلوكه لأنه موتور الومنيوم بالكامل وفيه حاجه كمان هوا معقد شويه عن ال1800 العادي علشان التربو كيت والانتركوولر عاملين زحمه شويه ده غير ان مش اي صنايعي فولكس هتلاقيه شغال فيه وبيعرف يظبطه بس كاأداء هتاخد منه أداء عالي جدا وسحب وتجميع ممتاز لدرجه انك ممكن تطلع من فيرنا مستريح بالباسات التقيله في الوزن وبالنسبه للفتيس الاوتو اللي بيجي معاها بيبقى استبترونيك وده فتيس مافيهوش اي مشاكل ومعمر جدا جدا تغير بس زيت وفلتر اصلي وانساه طول مانت معاك العربيه وعموما أهم حاجه تكشف كويس على العربيه وعلى الموتور وتشوف كبسه وتكشف على الفتيس ونقلاته والعفشه ولو كويسه هتعمل في رينج ال85000ج تقل بس ماتزيدش وربنا يوفقك للاصلح واي استفسار انا تحت امرك