الحمد لله استلمت الفلوانس e3 من اسبوع وعندي كام استفسار

**hossam_osman1** · 16-01-2014 09:44 PM

المشاركة الأصلية كتبت بواسطة memo823000

طبعا افضل لون فى الفلوانس الفيس ليفت
الفيرانى اللى بتسموه oyster gray وياتى بعده
الاسود
الموكا
الفضى وافضل لون عملى للحر والتراب والخرابيش
الذهبى

ميزة الفيرانى فى الفلوانس
انه مشغامق قوى فعملى
وجديد لانه اول مره ينزل فى 2014 زى الموكا
وكمان لامم العربيه تحسها محندقه مش مبهوقه

+11111111111

**Hany Saad** · 16-01-2014 10:17 PM

المشاركة الأصلية كتبت بواسطة hossam_osman1

الله يبارك فيك ...شكرا علي الرد

بالنسبه لاستخدام مفتاح الطوارئ لدخول العربيه وعلشان العربيه تدور هندخل الكارت (ضعيف البطاريه) في مكانه في التابلوه ومفروض العربيه ساعتها تدور .. يبقي احنا كده خلينا المسافه بين الكارت ومستقبل الاشاره اقل ما يمكن حتي يمكن التغلب علي ضعف اشاره الكارت نتيجه لضعف البطاريه ... يبقي كده نظريا لو البطاريه منتهيه تماما العربيه متدورش ... صح كده ؟؟

اولا الف مبروك الفلوانس الفيس ليفت...اختيار رائع للسيارة و اختيار رائع للون....
ثانيا هو انا اسيب المنتدى شوية الاقى الوحوش جاوبوا كل الأسئلة و ماسبوليش حاجة أجاوبها...على العموم هجاوب على السؤال الصغير ده

قارئ الكارت مش محتاج بطارية خالص علشان يقرا الكارت...يعنى لو الكارت مفهوش اصلا بطارية و حطيته داخل القارئ ( الفتحة اللى فى الطابلوه) العربية هتدور و هتبقى زى الفل....
عدم وجود بطارية مش هيخليك تستخدم الكارت فى الفتح و القفل و علشان كده فيه مفتاح طوارئ فى الكارت علشان تفتح السيارة
و كمان مش هيخليك تدور العربية من على بعد...اما تدوير العربية و الكارت فى مكانه داخل القارئ لا يحتاج بطارية....

مش بس كده....انا معايا ميجان و البطارية فى الكارت من ساعة ما اشتريت العربية من ٧ سنين و الحمدلله لسه شغاله
مش بس كده... اول ما البطارية بتبتدى تضعف و بقول بتبتدى يعنى معاك كمان ٦ شهور على ما تفضى بيظهر مع كل تدويره للعربية رسالة تحذير : Card Battery Low....Please Replace
الرينو عربيات سمارت smart cars
انا دايما بشبه اللى كان راكب عربية تانية و نقل للفلوانس او الرينو و كأنه كان معاك موبيل صينى بكشاف و جاب سمارت فون سامسونج S4 او iphone 5s هو ده بالظبط الاحساس

مرة تانية الف مبروك و استمتع بالفلوانس......
تقبل تحياتى

**batour** · 16-01-2014 11:08 PM

السلام عليكم
1000 مبروك يا كبير واختيار موفق
وربنا يكفيك شرها ويباركلك فيها ان شاء الله
وبالتوفيق

**mostafa magdy** · 17-01-2014 12:10 AM

يا باشا ألف مبروك و عقبال ال s600 و مرحبا بك .. في لقاء رينوهاوي .. مدينه نصر جراند ليموزين سوف السيارات الساعه 8 مساءا يوم الخميس 23 يناير

**ebrahimsaed** · 17-01-2014 04:21 PM

الف مبروك ياباشا علي احسن عربية في الفئة دي ( اللي هي اول فئة في العريبات الكلاااس او البرستيج )
ربنا يبارلك فيها ويديك خيرها ويكفيك شرها وشر الطريق - حاول بس تدبح حاجة

**J A G U A R** · 17-01-2014 04:41 PM

عربيه محترمه واختيار موفق وربنا يباركلك فيها

**hossam_osman1** · 17-01-2014 06:27 PM

قابلتني مشكه في الترخيص واعتقد انها قابلت بعض الزملاء ايضا
الستاير بتاعه العربيه مريضيوش يثبتوهالي علي الرخصه
بالرغم اني عملت محولات جامده وكلمت كل الناس لحد مدير المرور
بس كلهم اعتذروا بحجه انها مش مثبته في الافراج الجمركي وان دي غلطه الشركه
وللاسف رضخت في الاخر بعد ساعتين من المحاولات والجدال ورخصت من غير ما اثبتها في الرخصه
بس هو فعلا ليه الوكيل مبيثبتهاش في الافراج ؟؟
وهل ينفع الواحد يثبتها بعد كده ؟؟ وازاي ؟؟

**ramymechanics** · 17-01-2014 08:18 PM

المشاركة الأصلية كتبت بواسطة hossam_osman1

قابلتني مشكه في الترخيص واعتقد انها قابلت بعض الزملاء ايضا
الستاير بتاعه العربيه مريضيوش يثبتوهالي علي الرخصه
بالرغم اني عملت محولات جامده وكلمت كل الناس لحد مدير المرور
بس كلهم اعتذروا بحجه انها مش مثبته في الافراج الجمركي وان دي غلطه الشركه
وللاسف رضخت في الاخر بعد ساعتين من المحاولات والجدال ورخصت من غير ما اثبتها في الرخصه
بس هو فعلا ليه الوكيل مبيثبتهاش في الافراج ؟؟
وهل ينفع الواحد يثبتها بعد كده ؟؟ وازاي ؟؟

انا بردو مش ثابتها فالرخصة بس عادى لأنها مش حاجبة للرؤية اللى المفروض تتثبت اللى بتعوق الرؤية اللى هى القماش ومع كدة فى ناس هنا ثبتوها عالرخصة معرفش ازاى